1 Jean 4:6 - Bible azumeina

⁶ Wani ei ni suma hAlonina. Sama wAlonina nga mi humiya, sama hAlona d’uo na nga mi humi d’i. Ni kayam ndata ba, ei wei ki Muzuk ma gagazina ki muzuk ma vit suma woina.

1 Jean 4:6 Iomraidhean Croise

2 Sunda Hamuleinid’a 18:21

Mi dum ala: An i ni de zla d’a kad’a avun suma djok vuna hamulîna pet. Ma didina mi hulong dum ala: Ang i lobomu, ang i le hina!

Isai 29:10

Ma didina mi burugi sen ma ngolâ. Agi suma djok vuna mi dugugi iragi woyo. Agi suma wagi ahle suma a nga mbana, mi zlubugi ahlena woi iragi mi.

Isai 8:20

agi hulongôzi ded’a ala: Mbeî ei hulongî yam gata ki zla d’a Ma didina mi ndeizi woid’a. Suma a tit nga yam vun ma he máma d’uo na, a mba we yima fod’a ki irazi d’i.

Wana ni mbaktumba hi Oze-d’a 4:12

Sum mana a nga djop zlad’a nata filei agu mazina. Totogo mazid’a nga d’i hulongôzi zla d’a ded’a! Djib’era hi gaulangîd’a ti vid’izi woyo, a nga le gaulangâ, a wal lei dei ki an Alo mazina mi.

Mise 2:11

Wani le sama ka zlad’a mi mba mi djok vuna ala: An nga ni dagi zlad’a yam süm guguzlud’a yam süm ma ayîna mi ni, sa máma mba mi arî ma djok vuna hi sum ndazinina.

Mise 3:8

Wani an nga ni fad’enga kayam Muzu’â hi Ma didinina mi nga kurunu, mi han ve tad’a á ka sariya d’a d’ingêra, á tak suma hi Jakob-ma tchila mazid’a, á tak Israel-lâ tcho mazid’a mi.

Wana ni Zla d’a Djivi d’a Luc mi b’irita 10:22

Mi de mi suma ala: Abun han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Jean 10:16

An nga ki tumiyô suma dingâ kua, suma a nga kur kangâ ma wana d’uo na. Mbeî an mba ni mbazi kur mi. Azi mba humun delenu, azi mba mbut ades ma tuna, ma polozina ni tu mi.

Jean 10:27

Tumiyô mana a nga humun delenu. An waziya, azi nga tit ad’un mi.

Jean 10:3

Ma ngom vun kangânina mi malam vuna, mi yi tumiyô mama ki simiyêziya. Tumiyô mama a humum delemu, mi buzuguzi woi abua mi.

Jean 13:20

Gagazi, an nga ni dagiya, sama ve sama an sunuma atama, mi van ni anu. Sama van an atama, mi ve nAbun ma mi sununïna atam mi.

Jean 14:17

Mam mi Muzuk ma tak gagazid’a hAlonid’a woi ma suma duniyad’a a ndak á vum kuruzi d’uo na, kayam a golom nga d’i, a wum nga d’uo mi. Wani agiya, agi wumu, kayam mi nga zlapa ki sed’egiya, mba mi kak kurugi mi.

Jean 15:26

Ma ndjun ma an mba ni sunugizï gen Abuna, nala, Muzuk ma tak gagazid’a hAlonid’a woina, mba mi mba. Mba mi tcholï gen Abunu, mba mi le glangâsâ kanu.

Jean 16:13

Fata Muzuk ma tak gagazid’a hAlonid’ina mbad’a, mba mi tagagi gagazid’a pet, kayam mam mba mi de zlad’a ni yam tam mbi, wani ahle suma mam humuzina pet ba, mba mi dagiziya, mba mi tagagi ahle suma a nga mbana mi.

Jean 18:37

Kayam ndata, Pilat mi dum ala: Ang doli namulâ? Jesus mi hulong dum ala: Ang de wa, an namulâ. Ni kayam ndata ba, a vud’unu, an mba kur duniyad’a ná le glangâsâ yam gagazid’a. Sama lara pî ma nga kur gagazid’ina, nga mi humun zla manda.

Jean 20:21

Jesus mi dazi kua ala: An gagi depa. D’igi Abun mi sununï na, an sunugi na mi.

Jean 8:19

Kayam ndata, azi djobom ala: Abung mi nga ni lara ge? Jesus mi hulong dazi ala: Agi wan nga an ndi, agi wagi nga Abun ma sununïna d’uo mi. Ladjï agi wanu ni, agi mba wagi Abun mi.

Jean 8:23

Jesus mi dazi ala: Agi ni suma kä na, an ni ma akulona, agi ni suma hi duniyad’ina, an ni hi duniyad’ina d’i.

Romê-na 1:1

Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.

Romê-na 11:8

D’igi mbaktumba hAlonid’a ti de na ala: Alona mi mbud’uzi lilid’a, mi mbud’uzi suma bei wed’a, mi mbud’uzi suma bei humba gak ini.

1 Korente-na 14:37

Le sama djib’er ala mi mbut ma djok vun Alona, d’oze le mi djib’er ala Muzu’â hAlonina mi hum he d’a hawad’a ni, ar mi wala vama an b’irigizina ni vun ma hed’a hi Salad’ina.

2 Korente-na 10:7

Agi nga gologi ahle suma a nga abu pid’ak iragina. Le sama djib’er ala mam mi sana hi Christ-sâ ni, ar mi djib’er hina ala ami tami ni suma hi Christ-sâ d’igi mam na mi.

2 Tasaloni’â 1:8

aduk sin akud’id’a, kur bur máma Saleina mba mi mba kayî mama yam suma a wum nga d’uo na ki suma a ge nga yazi kä ad’u Zla d’a Djivid’a hi Saleina Jesus-d’a d’uo na.

1 Timote 4:1

Wani Muzu’â hAlonina mi de woi pid’ak ala kur bur ma bugolâ suma dingâ a mba ar he gagazid’a woyo, a mba ge yazi kä ad’u suma lop suma ki hata hi suma a nga ki muzuk ma teteng ma tchona kuruzina.

2 Pierre 3:2

An min agi djib’eregi yam zla d’a suma djok vun Alona suma mi tinizi irazi vazina a dat adjeud’a ki vun ma hed’a hi Salei ma sut ma magi suma a sunuzina a had’agizina.

1 Jean 4:1

Buniyôn suma od’a, ar agi hagi gagazid’a yam suma a nga dala azi nga ki Muzu’â na pet ti, wani agi kugugiziya, agi wagazi na ni muzuk máma tcholï ni gen Alona zu? Kayam suma djok vun suma lop ira ablaud’a a b’rau wa woi kur duniyad’a.

1 Jean 4:4

Grona, agi ni suma hAlonina, agi kuzugi wa yam suma djok vun suma ka zlad’a, kayam Muzuk ma nga kurugina, mi kal muzuk ma nga kur suma duniyad’ina ki ngola.

1 Jean 4:8

Sama nga mi le od’a d’uo na, mi we nga Alona d’i, kayam Alona tamba ni od’a.

1 Jean 5:19

Ei wei ala ei ni suma Alona mi vud’ina, duniyad’a pet nga nabo Ma tchona mi.

Jude 1:17

Wani buniyôna, agi djib’eregi yam zla d’a suma a sunuzina hi Saleina Jesus Christ-sâ a dat adjeu deid’a.