1 Jean 4:1 - Bible azumeina

¹ Buniyôn suma od’a, ar agi hagi gagazid’a yam suma a nga dala azi nga ki Muzu’â na pet ti, wani agi kugugiziya, agi wagazi na ni muzuk máma tcholï ni gen Alona zu? Kayam suma djok vun suma lop ira ablaud’a a b’rau wa woi kur duniyad’a.

1 Jean 4:1 Iomraidhean Croise

1 Amuleina 13:18

Wani ma Betel-lâ mi dum ala: An ni ma djok vun Alona d’igi ang na. Ma didina mi dan zlad’a avun malaikana ala: Ang i vumï avo hatangû, kayam mi te va mi tche mbina do. Wani mi dumî zla d’a kad’a.

Zla d’a d’ogolâ 14:15

Sama bei wäd’u zlad’a ba na nga mi he gagazid’a yam zla d’a de d’a lara ge pet, wani sama ned’a mi djib’er tit mamba ni djib’era tua.

Jeremi 14:14

Ma didina mi hulong dan ala: Suma djok vun suma a nga djogogi vuna ki simiyên wana a ni suma ka zlad’a. An sunuzi nga d’i, an hazi nga vun ndi, an dazi nga zla d’uo ko. Azi djogogi ni zla d’a ka d’a nde tat irazi woid’a ki zla d’a djopa ki filei ma hawa ya’â ki mbut ir ra kuruzi krovod’a mi.

Jeremi 23:16

Ma didin ma ad’engêm kal petna mi dala: Ar agi humugi zla d’a suma djok vun ndazina a nga djogogizid’a d’i. Azi dagi ni zla d’a hawa yaka, azi dagi ni vama nde tam mbei irazi kur djib’er mazid’ina, nga ni zla d’a ndeï avunan an-nda d’i.

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Marik 13:21

Ata yi máma, le sana mi dagi ala: Gola! Mesi mi kä wana d’oze ala: Gola! Mi sä wana ni, agi hagi gagazid’a kam mbi.

Wana ni Zla d’a Djivi d’a Luc mi b’irita 12:57

Jesus mi had’azi kua ala: Ni kayam me ba, agi tagi nga djib’eregi á wagi vama d’ingêrâ d’uo ge?

Wana ni Zla d’a Djivi d’a Luc mi b’irita 21:8

Jesus mi dazi ala: Agi gologi tagi djiviya, ar sa mi vid’igi woi d’i. Kayam ablau suma a mba mba ki simiyênu, a mba dala: An ni Mesi máma, yi máma mi mba wa da’. Wani agi igi ad’uzi d’i.

Sunda hi suma a sunuzinid’a 17:11

Sum ndazina djib’er mazid’a djivid’a kal Juif suma Tasaloni’â, kayam a ve zla ndata kabozi ma mbàna. A nga hal kur mbaktumba hAlonid’a burâ ki burâ á wahle suma Paul mi dazina ni gagazi zu?

Sunda hi suma a sunuzinid’a 20:29

An wala bugol i manda, suma d’igi ngûna na a mba kal adigagiya, a mba ar adesâ hi tumiyônina d’i.

1 Korente-na 12:10

Muzu’â nga mi he mi sama dingâ á lahle suma atchapma, ma dingâ á djok vun Alona, ma dingâ á wal ir muzuk ma teteng ma ka zlad’a ki ma gagazina. Mi he mi sama dingâ á de vuna hi suma tetengâ, ma dingâ á väd’u vuna hi suma tetengâ woi mi.

1 Korente-na 14:29

Ar suma djok vun Alona mbà d’oze hindi a de zlad’a, suma hiuna a ka ir zla d’a azi nga data.

1 Tasaloni’â 5:20

Agi gologi zla d’a djok vuna hi suma djok vun Alonid’a is si.

1 Tasaloni’â 5:21

Agi kugugi ahlena pet, agi vagi ahle suma djivina.

2 Tasaloni’â 2:2

Ar djib’er magid’a ti mbut atogo zak d’oze vunadigagi d’i pat yam djok vuna hi sa d’oze yam wal la tchid’a d’oze yam mbaktum mba ala ti tcholï ni hatami ala: Burâ hi Salad’ina mi mba wa da d’a d’i.

1 Timote 4:1

Wani Muzu’â hAlonina mi de woi pid’ak ala kur bur ma bugolâ suma dingâ a mba ar he gagazid’a woyo, a mba ge yazi kä ad’u suma lop suma ki hata hi suma a nga ki muzuk ma teteng ma tchona kuruzina.

2 Timote 3:13

Wani suma le tchod’a ki suma lop suma a mba i avogovok kur tcho mazid’a, a mba vit suma woyo, azi tazi a mba vit tazi woi mi.

2 Pierre 2:1

Wani adjeu suma djok vun suma ka zlad’a a nga aduk suma. Hina mi, suma hat suma ka zlad’a a mba kal adigagi ki ngeid’a ki hat ta nga ata yat tuo d’a. Azi mba tin vunazi yam Salazi ma sud’uzina, a mba mba ki b’laka kazi atogo zak.

1 Jean 2:18

Grona, ad’u dabid’a ar go. Agi humugi adjeu ala Ma djangûna hi Christ-sâ nga mi mba; ki tchetchemba, suma djangûna hi Christ-sâ ablaud’a a mba wa da’. Ni na ba, ei wei ala ad’u dabid’a mba wa go.

1 Jean 2:7

Buniyôn suma od’a, an nga ni b’irigi ni vun ma he ma awilina d’i, wani ni vun ma he ma adjeu ma agi nga ki sed’em avok deina. Vun ma he ma adjeu máma ni zla d’a agi humuta.

2 Jean 1:7

Suma ka zlad’a ablaud’a a b’rau wa woi kur duniyad’a; ni suma a nga de woi ala: Jesus Christ mi mbut nga sana d’uo na. Sama hina na ni ma ka zlad’a, ni ma djangûna hi Christ-sâ mi.

3 Jean 1:11

Bäna, ar ang tit bugol tchod’a d’i, wani ang tit ni bugol djivid’a. Sama nga mi le djivid’ina ni ma hAlonina; sama nga mi le tchod’ina, mi we nga Alona d’i.

Vama ndum mbeina 2:2

An wahlena pet suma ang lazina, an we sun mang nga kaud’a. Ang nga ve tang ki suma tchona d’i, ang kuk wa suma a yi tazi ala azi ni suma a sunuzina na, wani azi ni suma a sunuzi d’uo na, ang vazi ad’uzi woi ala azi ni suma ka zlad’a.