1 Jean 3:9 - Bible azumeina

⁹ Nge nge pî ma Alona mi vud’uma, nga mi i avok kur tcho d’a led’a d’i, kayam mi hle ni zlad’a hAbum Alonid’a. Nga mi i avok kur tcho d’a led’a d’uo d’a, kayam Alona mi vud’um mi mamu.

1 Jean 3:9 Iomraidhean Croise

Wana ni mbaktumba hi Job-pa 19:28

Ata yima agi djobogi tagi ala: Ni kayam me ba, ei lum ndaka na ge na, ata yi máma ad’u zla man nda d’ingêra mba d’i nde woi abua.

Sawal la giled’a 119:3

Gagazi, a nga le vama tcho d’i, a nga tit kur lovot mamba.

Sunda hi suma hi Levi-nid’a 11:37

Le harazi mi nde ni yam andjaf ma a zaram kä na ni, andjaf máma mba mi arî yed’et.

Matiye 7:18

Agu ma djivina mi ndak á vut vut ta tchod’a d’i, agu ma tchona mi ndak á vut vut ta djivid’a d’uo mi.

Jean 1:13

Sum ndazina, a vud’uzi nga ni vuta hi suma d’igi sana mi vut goroma na d’i, wani Alona mi vud’uzi ni mamu.

Jean 3:3

Jesus mi hulong dum ala: Gagazi, an nga ni dangû, le a vut nga sana vut ta awilid’a d’uo ni, mi ndak á we leud’a hAlonid’a d’i.

Sunda hi suma a sunuzinid’a 4:20

Wani ami ndak á arami bei de zlad’a yam vama ami wamizina ki vama ami humumizina d’uo mi.

Romê-na 6:2

Nga na d’i! Ei suma boi woi ata tchod’ina, ei dok i avogovok kur tchod’a d’ei zu?

Galat-na 5:17

Kayam sa mei ma adjeuna nga mi min Muzu’â hAlonina d’i, Muzu’â hAlonina nga mi min sa mei ma adjeuna d’uo mi. Azi djak nga min tazi d’i. Kayam ndata, agi ndak á le vama agi minima d’i.

Wana ni mbaktum mba Paul mi b’irit mi Tit-ta 1:2

kayam azi tin huruzi yam ari d’a didin nda Alo ma bei ka zlad’a mi hle vunam kat avok dei bei ad’u tinda hatchogoid’id’a.

1 Pierre 1:23

Kayam a vud’ugi vut ta awilid’a nata abuyoi suma matna nga kal kazina d’i, wani ni kandjaf ma bei matna, nala ki zlad’a hAlona d’a ari d’a didinda.

1 Jean 2:29

Le agi wagi Christ ala ni Ma d’ingêrâ ni, ar agi wagi ala nge nge pî ma nga mi le d’ingêrina ni ma Alona mi vud’uma mi.

1 Jean 3:6

Nge nge pî ma nga mi tit zlapa tu ki Christ-sâ, nga mi le tchod’a d’i. Nge nge pî ma nga mi le tchod’ina, mi gol nga Christ si, mi wum nga d’uo mi.

1 Jean 4:7

Buniyôn suma od’a, ar ei leigi yam teya, kayam od’a tcholï nata Alona. Sama lara pî ma nga mi le od’ina, Alona mi vud’um mi mamu, mi wAlona mi.

1 Jean 5:1

Nge nge pî ma mi he gagazid’a ala: Jesus ni Christ-zu na, Alona mi vud’um mi mamu. Nge nge pî ma nga mi le yam Abum Alonina, mi le ni yam goroma mi.

1 Jean 5:18

Ei wei ala sama Alona mi vud’uma, nga mi le tchod’a d’i, wani Alona Goroma nga mi ngomomu, Ma tchona mi ndak á lum va d’uo mi.

1 Jean 5:4

kayam nge nge pî ma Alona mi vud’uma, nga mi kus yam duniyad’a. Vama kus yam duniyad’ina ni he gagazi meid’a.

3 Jean 1:11

Bäna, ar ang tit bugol tchod’a d’i, wani ang tit ni bugol djivid’a. Sama nga mi le djivid’ina ni ma hAlonina; sama nga mi le tchod’ina, mi we nga Alona d’i.