1 Jean 3:4 - Bible azumeina

⁴ Nge nge pî ma nga mi le tchod’ina, nga mi tchila ni yam gata hAlonid’a, kayam tcho d’a led’a ni tchila yam gata.

1 Jean 3:4 Iomraidhean Croise

1 Amuleina 8:47

le azi djib’er wa kuruzi yam andaga d’a a izi magomba kuad’a, le a tcheneng wa ala: Ami tchilami yam zla manga, ami lami tchod’a, ami lami ni sun nda ata yat tuo d’a,

1 Sunda Hamuleinid’a 10:13

Saul mi mit ni yam tcho mam mba mi lat avok Ma didinid’a, kayam mi ngom nga zlad’a hi Ma didinid’a d’i. Mi mit ni yam djop pa mi i djopa avun suma azuleinid’a mi.

2 Sunda Hamuleinid’a 24:20

Ata yi máma Muzu’â hAlonina mi mba yam Zakari ma ngat buzuna Jehojada goroma, mi tchol akulo avok suma, mi dazi ala: Alona mi dala: Ni kayam me ba, agi tchilagi yam vun ma hed’a hi an Ma didinina ge? Agi mba fagi djivid’a d’i. Kayam agi noyôn an Ma didina woyo, an mba ni noyôgi woi mi!

Isai 53:8

A vum kad’enga, a kam sariyad’a kamu, a kid’eyêm iramu. Wani ni nge ba, mi djib’er yam zla mamba ata yi máma ge? A hlum mbei yam andagad’a hi suma a nga ki irazina, a tom to d’a matna ni yam tchod’a hi sum manid’a.

Daniel 9:11

Israel-lâ ki zla tazi pet a tchila yam gat manga, a noî á humung delengû. Ni yam bei hum vun mamina ba, vun ma ge ma a b’irim zlam kur gata hazong mangâ Moise-sa, mi ndja abom mbei kami wana.

Ndumba 15:31

Mba mi zi tchod’a hanek ka a digim mbei kata, kayam mi golon is, mi tchila yam vun man ma hed’a mi.

Matiye 5:19

Kayam ndata, sama lara ge ma tchila yam vun ma he ma ngiyeû ma aduk ma wanina, nga mi hat ki suma dingâ mi ni, a mba mbud’um gogorâ kur leu d’a akulod’a. Wani sama ngom vun ma he máma, mi hat suma dingâ mi ni, a mba mbud’um ma ngolâ kur leu d’a akulod’a.

Sunda hi suma a sunuzinid’a 23:3

Kayam ndata, Paul mi dum ala: Alona mba mi tumungû, ang ma d’igi gulumun ma a gulud’um hapina na na. Ang kak á kan sariyad’a ata minda hi gatid’a, wani ni kayam me ba, ang tchila kat ang he vuna á tonu ge?

Romê-na 3:20

Kayam ndata, le sana mi ngom gata pî ni, mam mba mi mbut sama d’ingêrâ avok Alona d’i, kayam gata ti ta’î sana tcho mamba hol.

Romê-na 4:15

Ni kayam gata ba, ayîna hAlonina mi mba, wani le gata nga d’uo ni, tchila yam gata nga d’uo mi.

2 Korente-na 12:21

An nga ni le mandarâ ala fata an hulongza adigagid’a, Alo mana mba mi hulongôn yan kä kua avorogiya, an mba ni tchi yam ablau suma a le tchod’a adjeu a ar nga tcho mazid’a ki ndjendjed’a ki mizeuna ki gaulangâ woi d’uo na mi.

Jacques 5:15

Tchen nda a tchenet ki he gagazid’id’a mba d’i sut sama tugud’ei máma, Salad’a mba mi tcholom akulo mi. Le mi le tchod’a ni, Alona mba mi vat hurum mbei kamu.

1 Jean 5:17

Ahle suma led’a suma bei d’ingêrâ pet ni tchod’a; tcho d’a le d’a ndak á i sana kur matna d’uo d’a ti nga mi.

1 Samuel 15:24

Saul mi de mi Samuel ala: An le tchod’a, an tchila yam vun ma hed’a hi Ma didinina ki gat manga, kayam an le mandara azigarâ, an hum zla mazid’a.