1 Jean 3:23 - Bible azumeina

²³ Wana ni vun ma he mama: Ei hei gagazid’a ki simiyê Goroma Jesus Christ, ar ei lei yam tei d’igi Christ mi hei vuna na mi.

1 Jean 3:23 Iomraidhean Croise

Sawal la giled’a 2:12

Agi gagi yagi kä avok goroma; le hina d’uo ni, hurum mba mi zala, nga hur magina mba mi dap pei hawa, kayam mam mi ma mbut ayîna atogo za’â. Suma pet suma a ngei tazi atama, a le furîd’a.

Matiye 22:39

Ma mbà ma d’igi mam nana ba wana: Ang le yam ndrangâ d’igi ang tanga na.

Marik 9:7

D’ugula ti mba, ti kulubuzi kanguzad’u, dela ti tcholï kur d’ugula, ti dala: Wana ni Goron ma an hurun vum heîna; agi humugiziya.

Jean 1:12

Wani suma hiu suma a vat atazi a he gagazid’a katna, sum ndazina ti hazi ad’enga á mbut Alona groma.

Jean 13:34

An nga ni hagi vun ma he ma awilina ala: Ar agi lagi yam tagiya. D’igi an le kagi na, ar agi lagi yam tagi na mi.

Jean 14:1

Jesus mi dazi ala: Ar hurugi hat ti. Ar agi hagi gagazid’a yam Alona, ar agi hagi gagazid’a kan an mi.

Jean 15:12

Wana ni vun man ma hed’a: Ar agi lagi yam tagi d’igi an le kagi na mi.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Jean 2:23

Kid’a Jesus nga avo Jerusalem ata yima vun til ma Pa’îd’a, suma ablaud’a a he gagazid’a kamu, kayam a wahle suma simat suma teteng suma mi lazina.

Jean 3:18

Sama he gagazid’a kama, sariyad’a nga d’i vum mbi, wani sama he gagazid’a kam mbuo na, sariyad’a ti vum wa da’, kayam me mi he nga gagazid’a yam Alona Gorom ma tu gid’engâ d’i.

Jean 6:29

Jesus mi hulong dazi ala: Wana ni sunda hAlonid’a: Ar agi hagi gagazid’a kan an ma Alona mi sununïna.

Sunda hi suma a sunuzinid’a 16:31

Azi dum ala: Ang he gagazid’a mi Salad’a Jesus, ang mba fe suta ki suma avo hatangâ pet.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

1 Tasaloni’â 4:9

Wani kayam zla d’a o d’a yam b’oziyoi suma he gagazid’ina, agi nga djup sa mi lagi mbaktum kat tuo d’a, kayam Alona mi had’agi á le yam tagi da’.

1 Timote 1:15

Zla ndata ni zla d’a d’engzeng nga ndak á suma vat ata yina peta, nala, Jesus Christ mi mba kur duniyad’a á sut suma tchona. Adigazi an ni ma ngol mazina,

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Pierre 4:8

Kal ahlena pet, agi lagi yam tagi ki o d’a kal teglesa, kayam od’a nga d’i zlup yam tcho d’a ablaud’a.

1 Jean 2:7

Buniyôn suma od’a, an nga ni b’irigi ni vun ma he ma awilina d’i, wani ni vun ma he ma adjeu ma agi nga ki sed’em avok deina. Vun ma he ma adjeu máma ni zla d’a agi humuta.

1 Jean 3:11

Wana ni zla d’a agi humugizi avok dei ala: Ei lei yam teya d’a.

1 Jean 4:15

Sama lara pî ma mi de woi ala: Jesus nAlona Goroma na, Alona mi nga kaka kurumu, mam mi nga kaka zlapa tu kAlona mi.

1 Jean 4:21

Wana ni vun ma he ma Christ heizina: Nala, sama nga mi le yam Alonina, djivid’a mi le yam wiyema mi.

1 Jean 5:13

An b’ir ahle suma wana mi agi suma hagi gagazid’a ki simiyê Alona Goromina, kayam agi wagi ala agi nga kari d’a didinda.