1 Jean 3:15 - Bible azumeina

¹⁵ Nge nge pî ma nga mi noî wiyemina, ni ma tchi matna. Agi wagi ala nge nge pî ma tchi matna, ari d’a didinda nga kurum mbi.

1 Jean 3:15 Iomraidhean Croise

Ad’u Tinda 27:41

Esau mi ve Jakob kurum kayam b’e vun ma abum mi b’amzi kama, mi de kurum ala: Bur ma matna habuna mi ar go; kur bur máma, an mba ni tchi wiyena Jakob.

Matiye 5:28

Wani an nga ni dagiya, sama gol atchad’a hi sama dingîd’a mi le d’od’oka katna, mi le wa mizeuna ki sed’et kurum da’.

Marik 6:19

Herodiyas ti ve Jean kurud’u, ti hal á tchumu, wani ti fe nga lovota d’i,

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

Sunda hi suma a sunuzinid’a 23:12

Kid’a yina mi fo dad’a, Juif-fâ a tok taziya, a gun tazi ala azi mba te d’oze tche va d’i gak azi tchi Paul mbeî tua.

Sunda hi suma a sunuzinid’a 23:14

Azi mbaza gen nglo suma ngat buzuna ki suma nglona, a dazi ala: Ami gunumi tami ki gun nda tchod’a ala ami tami va d’i gak ami tchami Paul mbeî tua.

Gat ta a hat á mbàd’id’a 19:11

Wani le sana mi ve ndrama kurumu, mi i burum kä, mi nde kam mi tchumu ni, le mi ring kur azì ma ngolâ tu hazì mámina pî,

Jacques 1:15

Ata yima d’od’ok ka tchod’a ti ve wirîna, ti vut ni tchod’a. Le tchod’a ti djeng wa ni, ti vut ni matna.

1 Pierre 1:23

Kayam a vud’ugi vut ta awilid’a nata abuyoi suma matna nga kal kazina d’i, wani ni kandjaf ma bei matna, nala ki zlad’a hAlona d’a ari d’a didinda.

1 Jean 2:11

Wani sama nga mi noî wiyema woina, mi nga ni kur nduvunda, nga mi tit ni kur nduvunda mi. Mam nga mi we yima mi i kuana d’i, kayam nduvunda ti dugum iram mbeyo.

1 Jean 2:9

Le sana nga mi dala mam nga mi tit kur b’od’a, wani le nga mi noî wiyema woyo ni, mi nga ni kur nduvunda tua.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.