1 Jean 3:14 - Bible azumeina

¹⁴ Ei weya, ei buzugi wa woi kur matna, ei kalei wa kur arid’a. Ei weizi ni kayam me ei nga lei yam b’oziyoina. Sama nga mi le od’a d’uo na, mi nga ni kur matna tua.

1 Jean 3:14 Iomraidhean Croise

Sawal la giled’a 16:3

Suma d’ingêr suma yam andagad’ina, ki suma d’engzeng suma kal teglesâ ni suma tan lan djivid’a heî kazina.

Zla d’a d’ogolâ 21:16

Sama mi wal tam mbei ki lovot ta ned’ina mba mi ka’î zlapa ki suma matna.

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

Wana ni Zla d’a Djivi d’a Luc mi b’irita 15:24

Kayam goron ma d’igi mi mit ni woi na na, mi zlit wa; mi vit teyo, an fum wa da’. A nde á le furîd’a.

Wana ni Zla d’a Djivi d’a Luc mi b’irita 15:32

Wani djivid’a ei lei furîd’a, ei kagei ki furîd’a, kayam wiyeng ma d’igi mit tei na na, mi zlit wa; mi vit teyo, an fum wa da’.

Wana ni Zla d’a Djivi d’a Luc mi b’irita 7:5

kayam mam le yam andjavei heî; ni mam ba, mi minimi gong mami d’a toka.

Jean 13:35

Le agi nga lagi od’a yam tagiya ni, suma pet a mba wala agi ni man suma hata.

Jean 15:12

Wana ni vun man ma hed’a: Ar agi lagi yam tagi d’igi an le kagi na mi.

Jean 15:17

Wana ni vama an hagi vuna kama: Agi lagi yam tagiya.

Jean 5:24

Gagazi, an nga ni dagiya, sama le mi hum zla manda, le mi he gagazid’a yam Ma sununïna ni, mi nga kari d’a didinda. Sariyad’a mba d’i vum mbi, wani mi nde woi kur matna, mi i kur arid’a.

2 Korente-na 5:1

Ami wami ala le zlub’u mami d’a yam andaga d’a ka hid’a ti b’lak keyo ni, Alona nga mi ngomomi yami ma kak ma sä akulona, ni ma mam tam minima, ni ma mba mi kak didina, ni ma sa mi minima d’i.

Galat-na 5:22

Wani vuta hi Muzu’â hAlonid’a ni od’a, furîd’a, b’leng nga halasa, ve tad’a, mun kad’a, djivi d’a led’a, d’engzenga,

Efes-sâ 1:15

Kid’a an hum zla he gagazi magi d’a yam Salad’a Jesus-d’a ki o magi d’a yam suma hAlonid’a peta,

Efes-sâ 2:1

Adjeu agi ni suma bogi woi yam tchila magid’a, yam tcho magid’ina mi.

Kolos-sâ 1:4

kayam ami humumi zla he gagazi magi d’a yam Jesus Christ-sa ki o d’a agi nga lat yam suma hAlonina peta mi.

1 Tasaloni’â 4:9

Wani kayam zla d’a o d’a yam b’oziyoi suma he gagazid’ina, agi nga djup sa mi lagi mbaktum kat tuo d’a, kayam Alona mi had’agi á le yam tagi da’.

Hebre-na 13:1

Ar agi lagi yam tagi teteu d’igi b’oziyo tagi na.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.

2 Pierre 1:7

agi mbud’ugi tagi d’igi Christ na, agi lagi yam b’oziyogi suma kur Christ-sâ, agi lagi od’a yam suma pet mi.

1 Jean 2:3

Le ei nga gei yei kä ad’u vun ma hed’a hAlonina ni, ei wei ala ei wei Alona.

1 Jean 3:23

Wana ni vun ma he mama: Ei hei gagazid’a ki simiyê Goroma Jesus Christ, ar ei lei yam tei d’igi Christ mi hei vuna na mi.

1 Jean 4:12

Sa tu pî mi we nga Alona ki iram mbi. Le ei nga lei yam teya ni, Alona mi nga kaka kuriya, o mamba ndak memet kuri mi.

1 Jean 5:13

An b’ir ahle suma wana mi agi suma hagi gagazid’a ki simiyê Alona Goromina, kayam agi wagi ala agi nga kari d’a didinda.

1 Jean 5:2

Kayam ndata, le ei nga lei yam Alona, le ei gei yei kä ad’u vun ma he mama ni, ei wei ala ei nga lei ni yam Alona groma mi.