1 Jean 3:12 - Bible azumeina

¹² Ar ei lei d’igi Kain na d’i. Mam mi ma hi Ma tchonina, mi tchi wiyema. Mi tchumî yam me ge? Kayam sun nda Kain mi lata ni tchod’a, wani sun nda wiyema mi lata ni d’ingêr.

1 Jean 3:12 Iomraidhean Croise

Ad’u Tinda 4:25

Adam mi bur kamamba kua, ti vut gor mandjufâ, ti yum ala Set, ti dala: Alona mi han gorâ balum Abel ma Kain mi tchuma.

2 Samuel 13:22

Apsalom mi de nga zla tu mi Amnon ndi, wani mi vum kurum ngola kayam mi b’lagam wiyemba Tamar.

Sawal la giled’a 37:12

Sama asa’atna nga mi djib’er kurum á le sama d’ingêrâ tchod’a, mi et siyam atam mi.

Sawal la giled’a 38:20

Wani man suma djangûna a nga kad’enga, va nga mi lazi d’i; suma a noyôn hawa ya’â a nga ablaud’a.

Zla d’a d’ogolâ 27:4

Hur ma zala ni vama tchona, ayîna mi ni d’igi babar ma ngolâ na, wani yungôrâ, sa mi kus kam ni nge ge?

Zla d’a d’ogolâ 29:10

Suma tchi matna, a nga min suma iratna d’i, wani suma d’ingêrâ a ngomozi ni ngoma.

Zla d’a d’ogolâ 29:27

Sama tchona mi ni vama ndjendjed’a ir sama d’ingêrâ, sama d’ingêrâ mi ni vama ndjendjed’a ir sama tchona mi.

Matiye 13:19

Ata yima sana mi hum zla d’a yam leud’a hAlonid’a wani mi wat ad’ut tuo na, Ma tchona mi mba, mi hle zla d’a a zarat kurumba woyo. Wana nawu ma nde kur lovotina.

Matiye 13:38

Asinena ni duniyad’a; andjaf ma djivina ni gro suma a mba te leud’ina; barumba ni Ma tchona groma.

Matiye 23:35

Hina wani, buzu suma d’ingêrâ pet ma djang ngei yam andagad’ina, mi hulong kagiya, tinï ad’ud’a ata matna hi Abel ma d’ingêrâ dei, gak mba ata matna hi Zakari Barasi gorom ma agi tchum aduk yima a tinim iram vam mAlonina ki yima ngal ahle suma ngat buzunina.

Matiye 27:23

Mi dazi ala: Ana, mi le ni tcho me ge? Wani azi dok er ad’uzi akulo ad’enga ala: B’alam akulo ata aguna.

Matiye 5:37

Ar zla magid’a ti ka’î Â ni ni Â, d’oze Hawa ni ni Hawa mi. Sama le de kal yam zla ndata ni, ti tcholï nata Ma lemba.

Wana ni Zla d’a Djivi d’a Luc mi b’irita 11:51

tinï ad’ud’a ata matna hi Abel-lâ dei gak mba ata matna hi Zakari ma azi tchum aduk yima ngal ahle suma ngat buzuna ki yima a tinim iram vam mAlonina. Gagazi, an nga ni dagiya, Alona mba mi ka sariyad’a yam suma kur atchogoi d’a wandina yam matna hi sum ndazina pet.

Jean 10:32

Jesus mi hulong dazi ala: An tagagi sun nda djivi d’a ngola hAbunda. Ni yam sun me ba, agi min durun kahinad’a ge?

Jean 8:40

Wani ki tchetchemba, agi nga halan á tchid’a, an ma dagi zla d’a gagazi d’a an humud’ï avun Alonid’a. Abraham mi le nga hina d’i.

Jean 8:41

Agi nga lagi ni sunda habugid’a. Kayam ndata, azi dum ala: Vud’umi nga kur mizeuna d’i, Abumi ni tu, nAlona.

Sunda hi suma a sunuzinid’a 7:52

Ni ma djok vun Alona ma lara ba, abuyogi ngolo a djobom vunam mbuo ge? A tchi suma a tchi wal zla mbad’a hi Ma d’ingêrîna woyo. Ki tchetchemba, agi hum abo suma á tchum mi.

1 Tasaloni’â 2:14

B’oziyomina, agi mbud’ugi ni suma nga tid’igi balum Tok ka tetenga hAlonid’a hi Jesus Christ-sa yam andaga d’a Jude-d’a. Kayam agi fagi ndaka abo simiyêgi d’igi azi fe ndaka abo Juif-fâ na mi.

Hebre-na 11:4

Ni yam he gagazid’a ba, Abel mi he vama ngat buzu ma djivina kal ma hi Kain-na. Kayam ndata, Alona mi le glangâs ma djivina kam ala ni sama d’ingêrâ. Mi le glangâsâ yam he d’a hawa mamba mi. Kayam he gagazi mamba, mi mit pî, a nga dum zlam ini.

Hebre-na 12:24

Agi mbagi go gen Jesus ma aduk suma kAlona yam vun ma djin ma awilina ki buzuwam ma yama a nga dum zlam djivid’a kal buzuna hi Abel-lîna.

1 Pierre 4:4

Ki tchetchemba, suma bei wAlona a nga le atchap kayamba agi nga zlapa ki sed’ezi kur sun mazi d’a ndjendje d’a batranga d’uo d’a. Kayam ndata, a nga ngulugiya.

1 Jean 3:8

Sama nga mi le tchod’ina ni ma hi Diable-na, kayam Diable nga mi le tchod’a ni kad’u tinda dei. Alona Goroma mi nde tam mbei ná b’lak sunda hi Diable-d’a woyo.

Jude 1:11

Ni zla d’a hohoud’a kaziya, kayam a hle ni lovota hi Kain-nda, a he tazi yam d’od’oka hi beged’id’a d’igi Baläm na, a ba woyo, kayam azi le yam mba ad’enga d’igi Kore na.

Vama ndum mbeina 17:6

An we atcha ndata nga d’i gurut ki buzuna hi suma hAlonina ki buzuna hi suma a tchazi yam glangâs mazi ma d’engzeng ma azi lum yam Jesus-na. Ata yima an watna, an le atchap ngola.