1 Jean 2:5 - Bible azumeina

⁵ Wani sama nga mi ge yam kä ad’u zla mambina, ni sama nga mi le yam Alona ki o d’a gagazi d’a ndak memetina. Wana ni zla d’a ei wei ala ei nga zlapa tu kAlona.

1 Jean 2:5 Iomraidhean Croise

Sawal la giled’a 105:45

kayambala azi mba ngom vun mam ma hed’a a tin irazi yam gat mamba mi d’a. Agi gilegi Ma didina!

Sawal la giled’a 106:3

Suma a nga tit yam gatina a le furîd’a, suma a nga le sunda yam d’ingêra teteu na a le furîd’a mi.

Sawal la giled’a 119:146

An nga ni yangû; ang sud’unu, kayam an ngom vun mang ma hed’a.

Sawal la giled’a 119:2

Suma a nga ngom vun mam ma hed’a suma a nga halam ki huruzi petna, a le furîd’a mi.

Sawal la giled’a 119:4

Ang hami gat manga tala ami tid’imi kat ki hur ma tuna d’a.

Zla d’a d’ogolâ 28:7

Sama nga mi tit yam gatina ni gor ma wad’ud’a, wani sama nga mi le darigïd’a ki suma batrangîna mi mbut nabum zulona.

Zla d’a d’ogolâ 8:32

Grona, ki tchetchemba, agi humunu. Suma a nga ngom gat mandina a le furîd’a.

Ma tchi wala 8:5

Sama nga mi ngom vun ma he mamina, nga mi kal kur ndaka d’i; sama ned’a nga mi we yima ndak á led’a ki lovot ta ndak á led’id’a mi.

Ezekiyel 36:27

An mba ni hagi Muzuk mana kurugiya, an mba ni mbud’ugi suma tid’igi yam gat manda suma ngomogi vun man ma hed’ina mi.

Wana ni Zla d’a Djivi d’a Luc mi b’irita 11:28

Wani Jesus mi hulong dat ala: Suma a nga hum zlad’a hAlonid’a a nga ge yazi kä ad’utna, a mba le furîd’a kala.

Jean 14:21

Sama ve vun man ma hed’a ma nga mi ngomoma, ni ma nga mi le kana. Sama nga mi le kana, Abun mba mi le kamu, an mba ni le kam an mba ni tagam tan mi.

Jean 14:23

Jesus mi hulong dum ala: Le sama le kanu ni, mam mba mi ngom zla manda, Abun mba mi le kam mi. Ami kAbun mba mbami gevemu, ami mba kagami ki sed’em mi.

Jean 15:5

An ni guguzlud’a, agi nabona. Sama nga kaka zlapa tu ki sed’ena, an nga kurum mi. Hina wani, mba mi vut ngola, kayam bei an ba ni, agi ndak á lagi va yam tagi d’i.

Jean 6:56

Sama mi tan hliwin mi tchan buzuwan mi na, mi nga karid’a zlapa ki sed’enu, an nga karid’a kurum mi.

Romê-na 8:1

Ki tchetchemba, suma a nga zlap tu ki Jesus Christ-sâ, sariya nga kazi d’i.

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

2 Korente-na 5:17

Wani le sana nga zlapa tu ki Christ-zu ni, mam mi vama ge ma awilina; ahle suma adjeuna pet a kal wa woyo, ahlena pet a mbut wa awilid’a.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Jacques 2:22

Ang gola! He gagazi mamba ti le sunda ki sun mamba. He gagazi mamba ti ndak memet ni yam sun nda mi lata.

1 Jean 3:24

Sama nga mi ngom vun ma hed’a hAlonina, mi nga ni kaka zlapa tu kAlona, Alona tamba mi nga kaka kurum mi. Ei wei ala Alona nga kaka kuri ni yam Muzuk mam ma mi heizina.

1 Jean 4:17

O d’a ndak memet kurid’a ba wana: Kayam ei mba tcholei avorom bei mandarâ ba kur bur ma ka sariyad’a. Kayam kak meid’a kur duniyad’a ka hid’a ni d’igi kaka hi Jesus Christ-sa na.

1 Jean 4:18

Sama od’a nga mi le mandar ri, kayam o mam mba ndak memeta nga d’i dik mandarâ woyo. Hina, sama nga ki o d’a memeta d’uo na, nga mi le mandarâ, kayam mandarâ nga mi mba ki ndaka.

1 Jean 5:2

Kayam ndata, le ei nga lei yam Alona, le ei gei yei kä ad’u vun ma he mama ni, ei wei ala ei nga lei ni yam Alona groma mi.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

2 Jean 1:6

Wana ni od’a: Ar ei tid’i yam vun ma hed’a hAlonina. Wana ni vun ma hed’a: Ar agi tid’igi kur od’a d’igi agi humugizi avok dei na.

Vama ndum mbeina 12:17

Dragona mi mbut ayîna, mi kak djangûna katcha ndata, mi i á dur ayîna kandjavat ma arâ ki suma pet suma a ge yazi kä ad’u vun ma hed’a hAlonina ki suma d’engzeng suma a nga tit yam gagazi d’a Jesus mi ndat teid’ina.

Vama ndum mbeina 14:12

Wana ni ve tad’a hi suma hAlona suma a ge yazi kä ad’u vun ma he mama suma d’engzeng yam Jesus-na.