1 Jean 2:27 - Bible azumeina

²⁷ Christ mi vo Muzuk máma kagiya. D’igi Muzu’â nga kaka kurugi na, kid’ak magi d’ala sama dingâ mi had’agiya d’a ti nga d’i. Muzuk mama nga mi had’agi yam ahlena pet, ni zla d’a irat ta bei ka zla d’a ba d’a. Kayam ndata, agi gagi yagi kä ad’u hata hi Muzuk mamid’a, agi kagagi zlapa tu ki Christ mi.

1 Jean 2:27 Iomraidhean Croise

Zla d’a d’ogolâ 28:5

Suma tchona a nga wäd’u zla d’a d’ingêra d’i, wani suma a nga hal Ma didinina a nga wäd’u ahlena pet.

Sunda hi suma hi Levi-nid’a 7:35

Wana ni b’rau d’a yam Aron azi ki groma d’a a yot aduk ahle suma a hazi vama ngat buzu ma ngala mi an Ma didina kur bur ma a mba vozi mbulâ kazi á le sun nda ngat buzuna avogona.

Matiye 13:11

Mi hulong dazi ala: Alona mi hagi wad’ud’a á we zla d’a mudurid’a yam leu d’a akulod’id’a, wani mi hazizi nga mi azi d’i.

Jean 14:16

An mba ni tchen Abunu, mam mba mi hagi Ma ndjun ma ding ma mba mi kak ki sed’egi gak didina.

Jean 14:17

Mam mi Muzuk ma tak gagazid’a hAlonid’a woi ma suma duniyad’a a ndak á vum kuruzi d’uo na, kayam a golom nga d’i, a wum nga d’uo mi. Wani agiya, agi wumu, kayam mi nga zlapa ki sed’egiya, mba mi kak kurugi mi.

Jean 14:26

Wani Ma ndjunda, nala, Muzuk ma bei tchod’a ba ma Abun mba sunumï ki simiyêna, mam mba mi had’agi ahlena pet, mba mi gagi humagi yam ahlena pet suma an dagizina mi.

Jean 16:13

Fata Muzuk ma tak gagazid’a hAlonid’ina mbad’a, mba mi tagagi gagazid’a pet, kayam mam mba mi de zlad’a ni yam tam mbi, wani ahle suma mam humuzina pet ba, mba mi dagiziya, mba mi tagagi ahle suma a nga mbana mi.

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

Jean 6:45

Suma djok vun Alona a b’ir kur mbaktumba ala: Alona mba mi had’azi pet. Sama lara pî ma hum Abun mi ve hat mamba mi na, nga mi mba gevenu.

1 Korente-na 2:12

Wani ei vei nga ni muzuk ma yam andagad’a ka hina d’i, wani ei vei ni Muzuk ma tcholï ata Alonina, kayam ei ndak á wei ahlena pet suma Alona mi heizi yam suma mambina.

1 Korente-na 2:13

Wani ami nga dagiya, ami nga had’agi ni ki ned’a hi sanid’a d’i, wani ami nga had’agi ni ki hata hi Muzu’â hAloninid’a. Hina wani, ami nga vami ad’u zla d’a gagazid’a hAlonid’a mi suma a nga ki Muzuk mamina.

2 Korente-na 1:21

NAlona tamba ba, mi sirami ami ki agi yam Christ, mi tini irei vei mi.

Efes-sâ 4:21

Gagazi, an wala agi humum zlamu, suma a had’agi zla d’a gagazi d’a yam Jesus-d’a mi.

Kolos-sâ 2:6

D’igi agi vagi Jesus Christ Salad’a na, ar agi tid’igi zlapa tu ki mamu.

1 Tasaloni’â 2:13

Kayam ndata, ami nga lami mersi mAlona teteu kayamba agi vagi zlad’a hAlona d’a ami tchagizi walata, nga d’igi zlad’a hi sumid’a na d’i, wani d’igi zlad’a hAlona d’a gagazid’a na. Kayam zla ndata nga d’i le sunda kur agi suma hagi gagazid’ina.

1 Tasaloni’â 4:9

Wani kayam zla d’a o d’a yam b’oziyoi suma he gagazid’ina, agi nga djup sa mi lagi mbaktum kat tuo d’a, kayam Alona mi had’agi á le yam tagi da’.

1 Timote 2:7

Kayam ndata, mi yan á tchi wala, mi tinin ma a sunuma á hat andjaf suma dingâ kur he gagazid’a, kur zla d’a irata mi. An nga ni de ni zla d’a gagazi d’a bei ka zlad’a ba d’a.

1 Pierre 1:23

Kayam a vud’ugi vut ta awilid’a nata abuyoi suma matna nga kal kazina d’i, wani ni kandjaf ma bei matna, nala ki zlad’a hAlona d’a ari d’a didinda.

1 Jean 2:28

Grona, ki tchetchemba, agi kagagi zlapa tu ki Christ, kayam fata mam nde woid’a, ei mba kagei bei mandarâ ba. Kur bur ma mba mambina, zulona mba mi lei avorom mbuo mi.

1 Jean 3:24

Sama nga mi ngom vun ma hed’a hAlonina, mi nga ni kaka zlapa tu kAlona, Alona tamba mi nga kaka kurum mi. Ei wei ala Alona nga kaka kuri ni yam Muzuk mam ma mi heizina.

2 Jean 1:2

kayam gagazid’a ti nga ni kaka kuriya, mba d’i kak ki sed’ei gak didin mi.