1 Jean 2:10 - Bible azumeina

¹⁰ Sama nga mi le yam wiyemina, mi nga ni kaka kur b’od’a, vama puk wiyema kur tchod’ina mi nga atam mbi.

1 Jean 2:10 Iomraidhean Croise

Sawal la giled’a 119:165

Suma huruzi ve gat mangina a mba kak ki halasa ngola; vama dabazi asezi nga d’uo mi.

Wana ni mbaktumba hi Oze-d’a 6:3

Ei weya, ei halei lovota á we Ma didina, ei wei ala nga mi mba gagazi d’igi yima fod’a na, nga mi mba kei d’igi mbiyo ma hle yinina na, d’igi alo ma hod’ogei ma mi rap yam andagad’ina na.

Matiye 13:21

Wani sideyem mi i nga kä ngol li, mi ve tam ndjö. Wani ata yima ndaka d’oze djop vuna nga mi le suma yam zlad’a hAlonid’ina, atogo hina zak, mi ar zlad’a hAlonid’a woyo.

Matiye 18:7

Ni zla d’a hohoud’a yam suma yam andagad’a suma a nga lahle suma a tchuk suma kur tchod’ina. Mbeî ahle suma a tchuk suma kur tchod’ina a mba mba, wani ni zla d’a hohoud’a yam sama mi mba kahle ndazinina.

Jean 11:9

Jesus mi hulong dazi ala: Lera nga dogo yam mbà kur afat ta tud’a d’uo zu? Le sana nga mi tit faleya ni, va nga mi dabam asem mbi, kayam me nga mi we b’od’a hi duniyad’id’a.

Jean 12:35

Kayam ndata, Jesus mi dazi ala: B’od’a nga ki sed’egi tua ndjö. Agi tid’igi kur b’o d’a nga ki sed’egid’a, kayam ar nduvunda ti mba kagi d’i. Sama nga mi tit kur nduvundina, nga mi we yima mi i kuana d’i.

Jean 8:31

Kayam ndata, Jesus mi de mi Juif suma a hum gagazid’ina ala: Le agi gagi yagi kä ad’u zla manda ni, gagazi, agi ni man suma hata,

Romê-na 14:13

Kayam ndata, ar ei kei sariyad’a yam tei d’i. Vama kalâ, ar ei djib’erei hina: Ar sa mi mbut ahina d’a dap asema avok wiyema á pugum kur tchod’a d’i.

Filip-ma 1:10

kayam agi walagi ir ahle suma djivina. Hina, agi mba kagagi yed’et bei zlad’a kagi ba kur bur ma mbad’a hi Christ-sâ.

2 Pierre 1:10

Kayam ndata, b’oziyona, ar agi b’ad’agi tagi á tchologi ngingring yam yi d’a Alona mi yagid’a ki man nda mi managid’a mi. Le agi nga lagi ahle ndazina ni, agi mba aragi he gagazi magid’a woi d’i.

1 Jean 2:11

Wani sama nga mi noî wiyema woina, mi nga ni kur nduvunda, nga mi tit ni kur nduvunda mi. Mam nga mi we yima mi i kuana d’i, kayam nduvunda ti dugum iram mbeyo.

1 Jean 3:14

Ei weya, ei buzugi wa woi kur matna, ei kalei wa kur arid’a. Ei weizi ni kayam me ei nga lei yam b’oziyoina. Sama nga mi le od’a d’uo na, mi nga ni kur matna tua.