1 Jean 2:1 - Bible azumeina

¹ Grona, an nga ni b’irigi ahle suma wana kayam me agi lagi tchod’a d’i. Le sa adigagi mi le tchod’a ni, ei nga ki Grangâ gen Abui Alona, nala, Jesus Christ ma d’ingêrâ.

1 Jean 2:1 Iomraidhean Croise

Sawal la giled’a 4:4

Agi wagi ala Ma didina mi wan hohowon ngola; ata yima an nga ni yuma, nga mi humunu.

Ezekiyel 3:21

Wani le ang ge sama d’ingêrâ humam ala ar mi le tchod’a d’uo, le mi le nga tchod’a d’uo ni, gagazi, mba mi kak karid’a. Kayam ang gum humamu, ang tang mba sut tangû.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Wana ni Zla d’a Djivi d’a Luc mi b’irita 10:22

Mi de mi suma ala: Abun han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Jean 13:33

Grona, an nga ki sed’egi tua ndjö. Agi mba halanu, wani d’igi an de mi Juif-fâ na ala: Yima an i kuana, agi ndak á igi kua d’i, ki tchetchemba an nga ni dagi hina mi.

Jean 14:16

An mba ni tchen Abunu, mam mba mi hagi Ma ndjun ma ding ma mba mi kak ki sed’egi gak didina.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jean 21:5

Kayam ndata, Jesus mi dazi ala: Grona, agi nga ki kuluf fuo zu? A hulong dum ala: Va nga d’i.

Jean 5:14

Bugol ahle ndazina, Jesus mi fum kur gong nga kud’ora hAlonid’a, mi dum ala: Gola! Ang sut wa da’. Ang dok le tcho d’uo d’a, kayam vama tcho ma kal ma wana mi lang nguo d’a.

Jean 5:36

Wani an nga ki glangâs ma ngol ma kal ma hi Jean-nina, kayam sun nda Abun handjid’a, an nga ni ndagat vunad’u. Sun nda an lata nga d’i le glangâsâ kan ala nAbun ba, mi sununïya.

Jean 6:27

Ar agi lagi sunda yam te ma mba mi b’lak keina d’i, wani lagi sunda ni yam te ma ndak á hagi ari d’a didinda ma an Gor Sana mba ni hagizina, kayam Abun mi kan geuna.

Jean 8:11

Ti dum ala: Salana, sa nga d’i. Jesus mi dat ala: An tanda nga ni kak sariyad’a kak kuo mi; ndak iya, ndak dok le tchod’a d’uo d’a.]

Sunda hi suma a sunuzinid’a 7:52

Ni ma djok vun Alona ma lara ba, abuyogi ngolo a djobom vunam mbuo ge? A tchi suma a tchi wal zla mbad’a hi Ma d’ingêrîna woyo. Ki tchetchemba, agi hum abo suma á tchum mi.

Romê-na 5:10

Adjeu ei ni suma djangûna kAlona, wani matna hi Goromina mi zlabei darigïd’a ki mamu. Le Alona mi zlabei darigïd’a ki mam na ni, kal pet, mba mi sud’i woyo, kayam Goroma mi nga karid’a.

Romê-na 6:15

Ni nana ge? Ei mba lei tchod’a kayambala ei nga ad’u gata d’i, wani ei nad’u sumad’a hAlonid’a d’a zu? Nga na d’i!

Romê-na 8:34

Sama ndak á ka sariyad’a kazina ni nge ge? Sa nga d’i, kayam Jesus Christ mi mid’a, kal pet mi tchol akulo aduk suma matna, mi nga kaka ata Alona bigam mba ndjufa, nga mi tchen Alona kei mi.

1 Korente-na 15:34

Ar agi zlid’igi akulo, ar agi tid’igi d’ingêr, ar agi lagi tchod’a d’i, kayam suma dingâ adigagi a we nga Alona d’i. An de hina ná mbud’ugi zulona.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Galat-na 4:19

Grona, vut ta an vud’ugi kur ndakid’a, hulong nga d’i tan d’igi atchad’a ti vut gorâ na, gak Christ mi kak kurugiya.

Efes-sâ 2:18

Ni yam Christ ba, ei pet, Juif-fâ kandjaf suma dingâ djak, ei ndak á kalei avok Alona kad’enga hi Muzuk mam ma tunid’a.

Efes-sâ 4:26

Le hurugi zala ni, agi lagi tchod’a d’i. Ar afata nigigi kayî magi ma djulula d’i.

1 Timote 2:5

Kayam Alona ni tu, Ma aduk suma kAlonina ni tu mi, ni sana, nala, Jesus Christ.

1 Timote 3:14

An min iza hatang ka tchetchem. Kayam ndata, an nga ni b’iring ahle ndazina.

Hebre-na 9:24

Kayam Christ mi kal nga nata yima a tinim iram vam mAlona ma suma a lum kabozi ma hle tam ki ma gagazinina d’i. Wani mi kalî kur akulod’a tata á tak tam mbei avok Alona ki tchetchemba keya.

Jacques 1:27

He gagazi d’a irat ta memet ta avok Alona Abuid’a ba wana: Mi i d’u suma hokuyod’a ki suma modonod’a kur ndak mazid’a, mi gol tam ped’et ki tchod’a hi duniyad’id’a mi.

Jacques 3:9

Ni ki ndad’u, ei nga lei mersi mi Salad’a Abuya; ni ki ndad’u, ei nga gei suma Alona mi lazi d’igi mam na na vuna.

1 Pierre 2:22

Mam le nga tchod’a d’uo, a hum nga zla d’a kad’a avunam mbuo mi.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

1 Jean 3:18

Grona, ar ei leigi od’a ki zla d’a ded’a d’oze ki vunei go d’i, wani ki sun nda led’a ki gagazid’a.

1 Jean 3:5

Agi wagi ala Jesus Christ mi nde tam mbei ná hle tchod’a hi sumid’a woyo. Tchod’a nga kurum mbi.

1 Jean 3:7

Grona, ar sa vid’igi woi d’i. Sama nga mi le d’ingêrina ni d’ingêr d’igi Jesus Christ tamba ni ma d’ingêr na mi.

1 Jean 4:4

Grona, agi ni suma hAlonina, agi kuzugi wa yam suma djok vun suma ka zlad’a, kayam Muzuk ma nga kurugina, mi kal muzuk ma nga kur suma duniyad’ina ki ngola.

1 Jean 5:17

Ahle suma led’a suma bei d’ingêrâ pet ni tchod’a; tcho d’a le d’a ndak á i sana kur matna d’uo d’a ti nga mi.

1 Jean 5:21

Grona, gologi tagi djivi ki fileina.

3 Jean 1:4

Ata yima lara ma an hum ala grona a nga tit kur gagazid’a na, an nga ki furî d’a ding nga kal ndatid’a nga d’i.