1 Amuleina 9:8 - Bible azumeina

⁸ Fata suma a kal gen gong nga ngol la ndandal ndatid’a, a mba le atchap, a mba le mandarâ, a mba djop tazi ala: Ni kayam me ba, Ma didina mi le zla ndata kambas ndata ki gong nga kud’or ndata na ge?

1 Amuleina 9:8 Iomraidhean Croise

2 Amuleina 22:17

Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.

2 Amuleina 25:9

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

2 Sunda Hamuleinid’a 29:8

Kayam ndata, Ma didina hurum zal yam suma Juda-na ki suma Jerusalem-ma. Mi mbud’uzi vama mandarâ, vama hohoud’a ki vama sanda d’igi agi wagizi ki iragi ini na.

2 Sunda Hamuleinid’a 36:19

Suma Babilon-na a ngal gong nga kud’ora hAlonid’a woyo, a to gulumun ma Jerusalem-ma kä woyo, a ngal azì ma amula woyo, a b’lak ahle suma guzuzi kal tegles suma kur azinina woi pepet mi.

2 Sunda Hamuleinid’a 7:21

Fata suma a kal gen gong nga ngol la ndandal ndatid’a, a mba le atchap, a mba djop tazi ala: Ni kayam me ba, Ma didina mi le zla ndata kambas ndata ki gong nga kud’or ndata na ge?

Isai 64:11

Ma didina, hina pet ni ang mba le va tu d’uo zu? Ang mba kak hawa hina mudjuk, ang ar ahle ndazina a kal yam ad’eng mamid’a zu?

Jeremi 16:10

Fata ang mba de zla ndata pet mi sum ndazinid’a, a mba dang ala: Ni kayam me ba, Ma didina mi de zla ndak ka ngol ndata kami hina ge? Tchila mamid’a ni me ge? Ami lami ni tcho me mi Ma didina Alo mamina ge?

Jeremi 18:16

A mbut ambas mazid’a vama suma a le atchap kama, vama las ma gak didina. Suma a nga kal kurâ pet a nga le atchap kad’u, a nga kidjik yazi mi.

Jeremi 19:8

An mba ni mbut azì ma ngol máma vama suma a le atchap kama ki vama lasa. Suma a mba kal kuana pet a mba le atchap kamu, a mba san yam b’lak ka nga kur azì mámid’a.

Jeremi 22:28

Suma a mba djop tazi ala: Wana ni Jekoniya dei ma to woi ma suma a golom is ma sa nga mi minim mbuo na d’uo zu? Ni kayam me ba, a tchuguzi abu woi kandjavam ge? Ni kayam me ba, a digizi sä woi kur ambas sa azi wat nga d’uo d’a ge?

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 44:8

Ni kayam me ba, agi zalan hurun ki sun nda agi lat kabogid’a á ngalagi dubang ma his djivid’ina malo ma ding ma yam ambas sa Ezipte d’a agi mba á kagagi kua á dabagi tagi woi á mbud’ugi tagi vama ge vuna ki vama zulona aduk andjaf suma yam andagad’ina ge?

Jeremi 49:17

Azì ma Edom-ma mba mi mbut vama hohoud’a. Suma a mba kal gevema a mba le atchap, a mba tchi kukurup yam b’lak mamba.

Jeremi 5:19

Jeremi, le a djobong ala: Ni kayam me ba, Ma didina Alo meina mi mba ki ndak ndata kei hina pet ke ni, ang dazi ala: Ni kayamba agi noyôm mbei agi i lagi sunda malo ma dingâ kur ambas magid’id’a, agi mba lagi magomba mi suma dingâ kur ambas sa nga ni magid’a d’uo d’a hina mi.

Jeremi 50:13

Yam hur ma zala hi Ma didinina, a mba fe sama kak kurut tuo d’a. Ti mba d’i arî djona. Sama lara ma mba mi kal gevetna, mba mi le atchap, a mba tchi kukurup yam b’lak mata.

Jeremi 52:13

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

Hor ma tchina 2:15

Suma a nga kalâ pet a nga tchabozi kagu, a nga tchi kukurup, a nga kidjik yazi kak ndak gor weid’a Jerusalem, a nga dala: Wana nazì ma ngol ma a yum ala Ma djif ma kal tegles mala ni Furîd’a hi suma yam andagad’a petna na ko zu?

Daniel 9:12

Ang ndak wa vun zla d’a ang dat kami ami kamulei suma a nga te kamina, ang mba wa ki ndak ka ngol la ti mba nga yat tu yam andagad’a ka hî d’uo d’a kami avo Jerusalem.

Gat ta a hat á mbàd’id’a 28:37

Agi mba mbud’ugi ni vama atchapma, vama lasa ki vama sanda aduk andjaf suma Ma didina mba mi igi adigazina.

Gat ta a hat á mbàd’id’a 29:23

a mba we sama zar awu kat ti, va mba mi deî kat ti, asu mba mi d’uf kat tuo mi, mba d’i hle tat ni d’igi Sodom, Gomor, Atma ki Seboyim suma Ma didina mi b’lagazi woi kur ayî mama ki hur mam ma zalina na.