1 Amuleina 8:9 - Bible azumeina

⁹ Wani vama ding mi nga kur zanduk máma d’i; nahina d’a bebed’e d’a tchet ta mbà d’a Moise mi tchugut kur ad’u ahina d’a Horep-pa ata yima Ma didina mi djin vunam ki Israel-lâ bugol la mi buzuguzï woi kur Ezipte-d’ina hol.

1 Amuleina 8:9 Iomraidhean Croise

1 Amuleina 8:21

An min wa yina yam zanduk ma vun ma djinda hi Ma didinina mi nga kuana. Ni vun ma djin ma Ma didina mi djinim kabuyoi ngolo ata yima mi buzuguzï woi kur Ezipte-na.

2 Sunda Hamuleinid’a 5:10

Wani vama ding mi nga kur zanduk máma d’i; nahina d’a bebed’e d’a tchet ta mbà d’a Moise mi tchugut kur yam ahina d’a Horep-pa ata yima Ma didina mi djin vunam ki Israel-lâ bugol la mi buzuguzï woi kur Ezipte-d’ina hol.

2 Sunda Hamuleinid’a 5:9

Agu ma a hlum ki na mi fiyaka ndak á sama nga tchola kur gonga avor gong nga zandu’â nga kuad’ina, mi ndak á wum vunam ma dabid’a, wani sama nga tchola abuna, mi ndak á wum vunam ma dabid’a d’i. Agu ma a hlum ki máma mi nga ata yi máma gak ini.

Buzuk ka Abud’a 13:21

Ma didina nga mi tit avorozi falei kur d’ugul la tchola gongzonga á tagazi lovota, andjege nga mi tit avorozi aduk aku d’a tchola gongzonga á b’ozi yina woi avoroziya, kayam azi tit andjege ki faleya.

Buzuk ka Abud’a 14:24

Ki yorogo tcholola, Ma didin ma nga aduk d’ugul la aku d’a nga tchola gongzongina, mi gol kangâ hi Ezipte-na, mi mbud’um batuwak.

Buzuk ka Abud’a 16:10

Kid’a Aron nga mi de zlad’a mablaud’a hi Israel-lîd’a tua d’a, a mbut irazi abo ma hur fulîna. Gol wani, subura hi Ma didinid’a ti ndeï woi kur d’ugula.

Buzuk ka Abud’a 16:33

Moise mi de mi Aron ala: Ang hle deina, ang nga manna kilona mbà tchugum kuru, ang tinim kä avok Ma didina, kayam agi ngomom yam andjavagi ma agi mba vud’um bugolâ.

Buzuk ka Abud’a 25:16

Ang tchuk ahina d’a bebed’e d’a tchet ta mbà d’a an mba ni hangzi d’a an b’ir vun man ma djinda kuad’a kä kur zanduk máma.

Buzuk ka Abud’a 25:21

Agi tchugugi ahina d’a bebed’e d’a tchet ta mbà d’a an mba ni hagizi d’a an b’ir vun man ma hed’a kuad’a kä kur zanduk máma, agi tinigi zandu’â vunam ma duka akulo yam zandu’â mi.

Buzuk ka Abud’a 40:20

Mi yo ahina d’a mbà d’a a b’ir vun ma he ma dogona kuad’a, mi tchuguzi kä kur zandu’â hAlonina; mi yo karangâlina, mi nigim ata zanduk máma; mi hle zandu’â vunam ma duka, mi kulubum avunam mi.

Ezekiyel 10:4

Subura hi Ma didinid’a ti ndeï woi akulo yam tcherebêna, ti i irat avun yima kala hi gong nga kud’ora hAlonid’ina. Gonga ti oî ki d’ugula, subura hi Ma didinid’a wile mata ti oî hur atranga mi.

Sunda hi suma hi Levi-nid’a 16:2

Ma didina mi de mi Moise ala: Ang i de mi wiyengâ Aron, ar mi kal ata yima a tinim iram vam ma kal tegles ma nga bugol baru d’a ka ira ma nga avok yima we hohou ma nga akulo yam zandu’îna teteu tala mi mit tuo d’a. Kayam an mba ni nde woi kur d’ugula yam yima we hohou ma nga akulo yam zandu’îna.

Ndumba 17:10

Ma didina mi de mi Moise kua ala: Ang hulong totogod’a hi Aron-nda kä avok zanduk mana. Ti mba d’i mbut ni vama ge humba mi Israel suma yam mba ad’enga. Hina wani, ang mba d’el vun gureî d’a azi nga guruyôt kanda, azi mba ar bei bod’a mi.

Ndumba 9:15

Kur bur ma a ve zlub’u d’a ngaf tad’a akulona, d’ugula ti kulubut yat b’eb’et. Ti nga kat d’igi akud’a na ki fladeged’a dei gak tcha yorogo.

Gat ta a hat á mbàd’id’a 31:26

mi dazi ala: Agi vagi mbaktum mba wan nda a b’ir gata hAlonid’a kuad’a, agi gat kä gen zanduk ma vun ma djinda hi Ma didina Alo maginina mi nga kuana; mba d’i ar ged’a ata yi máma d’igi glangâs ma kagina na.

Gat ta a hat á mbàd’id’a 4:13

Mi tagagi vun mam ma djinda woyo, mi hagi vuna ala agi tid’igi kamu, agi gagi yagi kä ad’u vun mam ma he ma dogo ma mi b’irim kä kur ahina d’a bebed’e d’a tchet ta mbàd’ina.

Hebre-na 9:4

Kur yi máma, vama a minim ki lora á ngal mbul ma his ma afufuînina ki zanduk ma Alona mi djin vunam kam ma a gulud’um ki lorina a nga kua. Dei ma lor ma manna kuruma ki totogod’a hi Aron nda d’ufa kahina d’a bebed’e d’a tchet ta mbà d’a Alona mi b’ir vun ma he mama kuad’a a nga kua mi.

Vama ndum mbeina 15:8

Andosâ nga oîd’a kur gong nga kud’ora hAlonid’a ki subura kad’enga hAlonid’a. Sana mi ndak á kal kur gong ndata d’i, gak tugud’ei d’a tcho d’a kid’iziya d’a malaikana vat abozid’a ti dap tua.