1 Amuleina 8:11 - Bible azumeina

¹¹ Suma ngat buzuna a fe nga lovota á tchol kua á le sun mazid’a abo d’ugula d’i, kayam subura hi Ma didinid’a ti oî gong mamba.

1 Amuleina 8:11 Iomraidhean Croise

1 Amuleina 8:10

Ata yima suma ngat buzuna a buzuk kei ata yima a tinim iram vamina, d’ugula ti oî hur gong nga kud’ora hi Ma didinid’a.

1 Amuleina 8:12

Ata yi máma Salomon mi dala: Ma didina, ang min kak ata yima nduvunda,

2 Sunda Hamuleinid’a 5:14

Suma ngat buzuna a fe nga lovota á tchol kua á le sun mazid’a abo d’ugula d’i, kayam subura hi Ma didinid’a ti oî hur gong mamba.

Sawal la giled’a 90:16

Ang ar ami azungeî mangâ wami sun mang nga ad’enga, ar gromi ngolona a we subur manga mi.

Buzuk ka Abud’a 29:43

Ni kua ba, an mba ni ngaf ki Israel-lâ; yi máma mba mi mbut ni yima a tinim iram vama abo wile man nda wiwilika.

Buzuk ka Abud’a 40:34

Ata yi máma d’ugula oî kur zlub’u d’a ngaf ta d’a a tinit irat vata, subura hi Ma didinid’a ti oî kurut mi.

Buzuk ka Abud’a 40:35

Moise mi ndak á kal kur zlub’u ndata d’i, kayam d’ugula nga kad’u, subura hi Ma didinid’a ti oyôt tei mi.

Isai 6:1

Kur biza d’a amulâ Oziyas mi mita, an we Ma didina mi nga kaka yam zlamba sä akulo dei. Vun baru mam mba ngola ti oî hur gong nga kud’ora.

Ezekiyel 10:4

Subura hi Ma didinid’a ti ndeï woi akulo yam tcherebêna, ti i irat avun yima kala hi gong nga kud’ora hAlonid’ina. Gonga ti oî ki d’ugula, subura hi Ma didinid’a wile mata ti oî hur atranga mi.

Ezekiyel 43:2

Ata yi máma an we subura hAlona hi Israel-lîd’a ti tcholï abo ma yorogona. Ti nga d’i siwel d’igi mbiyo alum ma ngolâ vunam nga mi tchi wü na, wile mata nga d’i b’o yam andagad’a mi.

Ezekiyel 44:4

Bugola, sa máma mi hlan avun agrek ma norâ, mi mban avun gong nga kud’ora hAlonid’a. An gol yina, ni we subura hi Ma didinid’a ti oî gong mam mba kud’ora. An grif kä avoromu.

Sunda hi suma hi Levi-nid’a 9:23

Moise azi ki Aron a tchuk kur zlub’u d’a ngaf tad’a. Ata yima a buzuk kei abuna, a b’e vunazi yam suma. Ata yi máma Ma didina mi tak subur mamba woi avok suma pet.

Sunda hi suma hi Levi-nid’a 9:6

Moise mi dazi ala: Wana ni vama Ma didina mi he vuna kama; agi lagiziya. Hina wani, mba mi tak subur mamba woi avorogiya.

Wana ni mbaktumba hi Aze-d’a 2:7

An mba ni mbut andjaf suma pet batuwak; ahle mazi suma ndjondjoîna pet a mba mba ki sed’ezi ka hî, an mba ni subur gong nga kud’or ra wanda.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Sunda hi suma a sunuzinid’a 7:55

Wani Etienne mi oî ki Muzuk ma bei tchod’a ba na, mi so iram gola akulo, mi we subura hAlonid’a ki Jesus mi nga tchola ata Alona bigam mba ndjufa.

Romê-na 9:4

Azi nandjafâ hi Israel-lâ. Alona mi mbud’uzi groma, mi kak adigazi kur subur mamba, mi djin vunam ki sed’eziya, mi hazi gat mamba, mi tagazi lovot ta kud’uromba, azi ve vun ma hled’a hAlonina mi.

2 Korente-na 3:18

Wani ei suma a yoi baru d’a ka ira woi ireina, ei nga golei subura hi Ma didinid’a, ni d’igi sana mi gol iram kur kotroma na. Muzu’â hi Ma didinina nga mi mbud’i dedege d’igi Ma didina na kur subura kam kua kam kua kala.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

Vama ndum mbeina 21:11

Subura hAlonid’a ti nga d’i wile kua. Ti nga d’i ngal wiwilik d’igi ahina d’a guzut kal teglesa na, d’igi ahina d’a jaspe d’a ngal wiwilik d’igi kristala na d’a na mi.

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.