1 Amuleina 6:1 - Bible azumeina

¹ Salomon mi tin ad’u min gong nga kud’ora hi Ma didinid’a ni kur biza d’a 480 bugol la Israel-lâ a buzuk kei kur Ezipte-d’a; ni kur biza d’a fid’i d’a Salomon mi kak amula yam Israel-lîd’a. Mi tin ad’u sunda ni kur til ma Zif-fâ, nala, til ma mbàna hi biza ndatina.

1 Amuleina 6:1 Iomraidhean Croise

1 Amuleina 6:2

Gong nga amulâ Salomon mi minit mi Ma didina á kud’uromba, fiyagat ni metred’a dok hindi, bubuwat ni metred’a dogo, fiyagat ta akulod’a ni metred’a dogo yam vahl mi.

1 Amuleina 6:37

Salomon mi le bizad’a fid’i kur amula tua ba, mi gäd’u gong nga kud’ora hi Ma didinid’a kur til ma Zif-fâ.

1 Sunda Hamuleinid’a 29:19

Ang he gorona Salomon hur ma djivina á ngom vun ma he mangâ ki gat mang nga tetenga á tit kaziya, á min gong nga an ni min ahlena pet kata mi.

1 Sunda Hamuleinid’a 6:10

Johanan mi vut Azariya, ni ma mi le sun nda ngat buzuna kur gong nga kud’or ra Salomon mi minit avo Jerusalem-mbina,

2 Sunda Hamuleinid’a 3:3

Wana nad’u gong nga kud’or ra Salomon mi ngat mi minit mAlonid’a: Fiyagat ni metred’a dok hindi, bubuwat ni metred’a dogo.

Esdras 5:11

Wana ni hum mba azi hulongômizid’a: A dami ala: Ami nazungeîna hAlo ma lakulod’a kandagad’ina, ami nga hulong minimi gong nga kud’or ra amul ma ngolâ hi Israel-lîna mi minit adjeu mi dabat bizat kal ngolid’a akulo.

Sawal la giled’a 78:69

Mi min gong mam mba mi tinit irat vata akulo d’igi yima ndingâ na, d’igi andaga d’a mi sirat ngingring burâ ki burîd’a na.

Buzuk ka Abud’a 12:41

Kid’a biza d’a kikis fid’i yam dok hindi ndata ndaka, kur bur máma tamba, suma hi Ma didinina pet a buzuk kei yam ambas sa Ezipte-d’a.

Buzuk ka Abud’a 12:51

Kur bur máma tamba, Ma didina mi buzuk Israel-lâ woi kur ambas sa Ezipte-d’a, ad’u adezezi ad’u adezeziya.

Ezekiyel 41:1

Sa máma mi in kur gong nga kud’ora hAlonid’a hurut ma ngola, mi nga yina mi. Gulumun ma ata yima a kal kuana, fiyagamî metred’a hindi abo hî, hindi abo hî mi.

Wana ni mbaktumba hi Aze-d’a 1:8

Agi i djagagi yam ahinad’a, agi kagï aguna, agi minigi gong manda. Hina wani, tan mba d’i lan djivid’a, a mba suburun mi.

Zakari 6:15

Suma a mba tcholï ata yima deina, a mba le sunda kur gong nga kud’ora hi Ma didinid’a. Kur bur máma agi mba wagi ala ni Ma didin ma ad’engêm kal petna ba, mi sununï gevegiya. Le agi gagi yagi kä ad’u Salad’a Alo magina gagazi ni, ahle ndazina pet a mba le na mi.

Ndumba 1:1

Kur bur ma avo’â hi til ma mbàna kur biza d’a mbà d’a bugol buzuk ka azi buzugï woi kur ambas sa Ezipte-d’id’a, Ma didina mi de zlad’a mi Moise abagei hur ful ma Sinai-na kur zlub’u d’a ngaf tad’a ala:

Sunda hi suma a sunuzinid’a 13:19

Kid’a mi b’lak andjaf ma kid’iziyana woi kur andaga d’a Kanan-ndid’a, mi hazi andaga ndata djona.

Sunda hi suma a sunuzinid’a 7:47

Wani ni Salomon ba, mi minim gonga.

1 Korente-na 6:19

Agi wagi nga d’ala hliu tagi ni gong nga kud’ora hAlona d’a Muzuk mam ma bei tchod’a ba ma mi hagizi nga kurugina d’uo zu? Agi nga ni yam tagi d’i.

2 Korente-na 6:16

Na ni gong nga kud’ora hAlonid’a ti zlap darigïd’a ki gong nga tuwal fileina zu? Kayam ei tei ni gong nga kud’ora hAlo ma arinid’a, d’igi Alona tamba mi de na ala: An mba ni kak aduk sum mana, an mba ni tit adigazi mi. An mba ni ka’î Alo mazina, azi mba ka’î sum mana mi.

Kolos-sâ 2:7

Ar sideyegi mi sir kä kamu, agi minigi akulo kamu, agi kagagi ngingring kur he gagazi magid’a d’igi a had’agi na, ar agi lagi mersi mAlona kam kua kam kua mi.

Hebre-na 11:10

Kayam Abraham mi djup mi azì ma gum ad’um kä ad’enga ngingina. Alona ni ma ngam ad’uma, ni ma minima mi.

Hebre-na 9:11

Wani Christ mi mba d’igi ma ngol ma ngat buzuna hahle suma djivi suma a mba wa da na na. Zlub’u d’a mam nga mi le sun mam mba djivi d’a kal teglesa kuad’a, ni d’a bei sana mi minit kabomba, nala, ni vama yam andagad’a ka hina d’i.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.

Suma ka sariyad’a 11:26

Gola! Ini ni biza d’a kikis hindid’a Israel-lâ a nga kaka avo Hesbon kazì ma nguyuma, avo Arower kazì ma nguyuma, kur azì ma nglona pet ma nga avun alum ma Arnon-nina. Ni kayam me ba, agi hlagizi kur atchogoi ndata d’uo ge?