1 Amuleina 3:3 - Bible azumeina

³ Salomon tamba mi le yam Ma didina, mi nga tit yam vun ma he ma abum David mi humzina. Wani mi hahle suma ngat buzuna mAlona ki dubang ma his djivid’ina nata yima teteng ma akulo ndingâ.

1 Amuleina 3:3 Iomraidhean Croise

1 Amuleina 11:34

Wani an nga ni prut leud’a woi abo Salomon pet ti, an mba ni tcholom ngingring á te leud’a kur atchogoi mamba, kayam azong mana David ma an manam ma mi ge yam kä ad’u vun ma he mana ki gat mandina.

1 Amuleina 11:38

Le ang hum ahlena pet suma an nga ni dangzina, le ang tit yam lovot ta an nga ni tagangzid’a, le ang nga tit d’ingêr avoronu, le ang ge yang kä ad’u gat manda ki vun ma he ma an nga ni hangzina d’igi azong mana David na ni, an mba ni kak ki sed’engû, an mba ni he lovota mandjavang á tamula burâ ki burâ d’igi suma hi David-na na, an mba ni hang andjafâ hi Israel-lâ ma dogona mi.

1 Amuleina 11:4

Wani kid’a Salomon mi mbut mamarid’a, amiyôma a tanam á kud’or alo ma dingâ teteng, kayam mi le nga yam Ma didina Alo mama ki hurum pet d’igi abum David na d’i.

1 Amuleina 11:6

Wani mi lahle suma Ma didina tam nga d’i lum djivid’a kazi d’uo na, kayam mi ge nga yam kä avorom memet d’igi abum David na d’i.

1 Amuleina 14:23

Azi min yina ata yima ndingâ, a tchet ahinad’a, a tinit akulo yam ahuniyô suma djodjohlâ kad’u agu ma d’uf ma lara ge pet mi.

1 Amuleina 14:8

An prut leud’a abo suma hi David-na, an hangziya. Wani ang hle nga zlad’a hazong mana David ma ge yam kä ad’u vun man ma hed’a ma mi lan sunda ki hurum tu bei mi le vama tcho avoron yam tu ba na na d’i.

1 Amuleina 15:11

Asa mi le Ma didina tam djivid’a d’igi abum ngolo David na.

1 Amuleina 15:14

Wani mi b’lak nga yima nding ma a tinim iram vama woi d’i. Hina pet pî, kid’a Asa mi nga ki iramba tua d’a, nga mi le yam Ma didina ki hurum tu.

1 Amuleina 15:3

Abiyam mi le tchod’a d’igi abum na, mi le nga yam Ma didina Alo mama ki hurum tu d’igi abum ngolo David na d’i.

1 Amuleina 15:5

ma mi le Ma didina tam djivid’a bei mi tchila vun ma hed’a ba na, wani ni zlad’a hi Uri ma Het-nid’a hol.

1 Amuleina 22:43

Mi le sun nda d’ingêra d’igi abum Asa na, mi lahle suma djivina avok Ma didina mi.

1 Amuleina 22:44

Wani mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’a kuana kä woi d’i.

1 Amuleina 3:14

Wani le ang nga le min manda, ang nga ge yang kä ad’u gat manda ki vun man ma hed’a d’igi abung David na ni, an mba ni ing burung fiyaka.

1 Amuleina 3:6

Salomon mi hulong dum ala: Ang le yam azong mangâ abun David ngola, mam tamba mi kak sama d’engzeng ma nda’â avorong d’ingêr memet mi. Kayam ndata, ang nga le kam tua, ang vragan an goroma ini amula blangâm wana.

1 Amuleina 8:25

Ki tchetchemba, Ma didina Alona hi Israel-lîna, ang ngom zla d’a ang dat mabun David-ta ala: Le andjavang nga mi ngom tam ped’et yam tit mamba, le nga mi tit avoron na ni, adigazi a mba ba bei fe sama kak yam zlam mba amula aduk Israel-lâ teteuna d’uo d’a.

1 Amuleina 8:61

Ar agi kagagi suma d’engzengâ avok Ma didina Alo meina, ar agi gagi yagi kä ad’u gat mamba ki vun mam ma hed’a d’igi agi nga lagi ini na.

1 Amuleina 9:4

Wani le ang nga tit avoron ki hurung tu d’ingêr d’igi abung David na, le ang nga lahlena pet suma an hang vuna kazina, le ang nga ge yang kä ad’u gat man nda tetenga ni,

2 Amuleina 12:3

Wani mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’ina kuana kä woi d’i.

2 Amuleina 12:4

Bur tu Jowas mi de mi suma ngat buzuna ala: Agi vagi beged’a pet ta a nga mba ki sed’et kur gong nga kud’ora hi Ma didinid’a á le sunda hi Ma didinid’a, nala, bege d’a a nga vat abo sumid’a ki bege d’a sana mi hat kur min mambid’a. Agi vagi bege ndata abo suma agi wazina, agi lagi sunda ki sed’et á minigi ki gong nga kud’ora hi Ma didinid’a yat ma b’lak keina akulo pet.

2 Amuleina 14:3

Amasiya mi le sun nda d’ingêra avok Ma didina wani nga d’igi abum ngolo David na d’i. Mi le ni d’igi abum Jowas hina dedege.

2 Amuleina 14:4

Hina pî mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’ina kuana kä woi d’i.

2 Amuleina 15:35

Wani mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’ina kuana kä woi d’i. Ni Jotam ba, mi min vun agrek ma akulo nding ma avun gong nga kud’ora hi Ma didinid’ina.

2 Amuleina 15:4

Wani mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’ina kuana kä woi d’i.

2 Amuleina 18:22

Mi dazi kua ala: An wala agi mba dan ala agi tinigi hurugi ni yam Ma didina Alo magina. Wani ni Ezekiyas ba, mi to yima nding ma tetengâ ki yima ngal ahle suma ngat buzu ma tetengâ kä woyo, mi de mi suma Juda-na ki suma Jerusalem-ma ala: Agi i kud’urogi Ma didina ni yam yima ngal ahle suma ngat buzu máma avo Jerusalem-mu d’uo zu?

2 Amuleina 18:4

Mi pleî yima ndingâ woyo, mi to ahina d’a tcheta kä woyo, mi kus agu ma murguli ma azi pum malo d’a a yat ala Asera-d’a woyo. Mi kus gugui ma kawei ma hleu ma Moise mi yoroma woi mbambak, kayam tinï ad’ud’a kur atchogoid’a hi Moise-sa dei gak kur atchogoi ndata, Israel-lâ a nga ngalam dubang ma his djivid’ina. Gugui máma a yum ala Nehustan.

2 Sunda Hamuleinid’a 15:17

Wani mi b’lak nga yima nding ma Israel-lâ a tinim iram vama woi d’i. Hina pet pî, kid’a Asa mi nga ki iramba tua d’a, mi nga mi le yam Ma didina ki hurum tu.

Sawal la giled’a 145:20

Ma didina nga mi ngom suma a nga le kama pet, nga mi b’lak suma asa’atna woi pet mi.

Sawal la giled’a 31:23

Kur mandar mana an dala: An wal lei dei ki sed’engû, wani ata yima an tchi kangâ, ang hum tchen man nda hud’a.

Sunda hi suma hi Levi-nid’a 17:5

Ni kayambala Israel-lâ a ngat ahle mazi suma ngat buzuna kä woi abagei kel luo a mbazi ni mi ma ngat buzuna avogon an Ma didina, avun zlub’u d’a ngaf tad’a, a hazi mi an Ma didina vama ngat buzu ma zlap darigïd’a d’a.

Matiye 22:37

Jesus mi hulong dum ala: Ang le yam Ma didina Alo mangâ ki hurung pet ki tang pet ki djib’er manga pet mi.

Jean 14:15

Jesus mi dazi kua ala: Le agi lagi kanu ni, agi ngomogi vun man ma hed’a.

Jean 14:21

Sama ve vun man ma hed’a ma nga mi ngomoma, ni ma nga mi le kana. Sama nga mi le kana, Abun mba mi le kamu, an mba ni le kam an mba ni tagam tan mi.

Romê-na 8:28

Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina.

1 Korente-na 8:3

Wani sama le yam Alonina, Alona nga mi wumu.

Gat ta a hat á mbàd’id’a 10:12

Moise mi de kua ala: Israel-lâ, ki tchetchemba, Ma didina Alo magina mi min ni me atagi ge? Mi min ala agi lum mandaramu, agi tid’igi kur lovot mamba, agi lum sunda, agi lagi kam ki hurugi pet ki tagi pet mi.

Gat ta a hat á mbàd’id’a 10:13

Mi min ala agi tid’igi yam vun mam ma hed’a ki gat mam mba teteng nga an nga ni hagizi inid’a kayambala agi kagagi ki furîd’a d’a.

Gat ta a hat á mbàd’id’a 11:13

Ma didina mi dala: Le agi gagi yagi kä ad’u vun man ma he ma an nga ni hagizi ini wana á lagi kan an Ma didina Alo magina á lan sunda ki hurugi pet mi ni,

Gat ta a hat á mbàd’id’a 30:16

An hagi ini vuna kayambala agi lagi yam Ma didina Alo magina, agi tid’igi kur lovot ta mam tagizid’a, agi ngomogi vun mam ma hed’a ki gat mamba ki vun mam ma he ma tetengâ tala agi kagagi ki arid’a, agi zulugiya, Ma didina mi b’e vunam kagi kur ambas sa agi nga kalagi kur á hlat wanda d’a.

Gat ta a hat á mbàd’id’a 30:20

Agi lagi yam Ma didina Alo magina, agi gagi yagi kä avoromu, agi kagagi ni suma d’engzengâ avoromu, agi zlabagi tu ki sed’emu. Hina wani, agi mba kagagi ki arid’a, agi mba tagi ngola tatâ yam andaga d’a mam hle vunam kat á hat mabuyogi ngolo Abraham, Isak ki Jakob-pa.

Gat ta a hat á mbàd’id’a 30:6

Ma didina mba mi mbud’ugi agi kandjavagi hurugi yed’et, kayambala agi lagi kam ki hurugi ma tuna ki tagi pet mi d’a. Hina wani, agi mba kagagi ki iragi avoromu.

Gat ta a hat á mbàd’id’a 6:5

Ang le yam Ma didina Alo mangâ ki hurung pet ki tang pet kad’engêng pet mi.

Jacques 1:12

Sama ve tam ad’enga kur kukina, mi le furîd’a ata yima mi ve tam ad’enga kur kuk mambina, mba mi fe avaval la bei b’lak ka Salad’a mi hle vunam kat mi suma a nga le kamid’a.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

1 Samuel 9:12

Yuguneina a hulong dazi ala: Â! Mam mba nga avorogi kä wana! Agi b’ad’agi atogo! Mam mbei nga avo hatami ini, kayam ini ni bur ma suma a he he d’a hawa d’a ngat buzuna ata yima nding ma a tinim iram vamina.