1 Amuleina 21:2 - Bible azumeina

² Ahap mi de mi Nabot ala: Ang han asine mang ma guguzlud’a, an mbud’um asine ma zar ahle suma amblad’a, kayam mi go kaziyanu. Le ná mbuta ni, an hang asine ma guguzlu ma djivi ma kalâ. D’oze, le ang mina ni, an wuragang beged’a.

1 Amuleina 21:2 Iomraidhean Croise

Ad’u Tinda 16:6

Abram mi de mi Sarai ala: Gol magom maka abok wana; ndak lat vama huruk minima. Sarai ti le Agar ndaka ngola, gak ti ring abot abageya.

Ad’u Tinda 3:6

Atchad’a ti wala agu máma mi djivid’a á gola, mi djivid’a á ted’a, mi djivid’a kal á wad’ud’a tetet. Kayam ndata, ti mat abod’u, ti ndot vud’agu máma, ti tumu, ti hum mi ndjuvut ma nga ki sed’etna, mi tum mi.

1 Amuleina 21:3

Wani Nabot mi hulong de mi Ahap ala: Nga djivid’a avok Ma didina tala an hang asine ma guguzlu ma abuyomi ngolo a hamizi djonina d’i.

1 Amuleina 21:6

Mi dat ala: An de mi Nabot ma Jisreyel-lâ ala mi han asine mam ma guguzlud’a, an hum beged’a kamu, d’oze le mi mina ni, an hum asine ma dingâ. Wani mi dan ala: An hangzi d’i!

2 Amuleina 9:27

Kid’a Ahaziya amul ma Juda-na mi we hina d’a, mi zot ringâ, mi i iram abo ma Bet-Hagan-na, wani Jehu nga mi digimu, mi he vuna mi ndrom azigarâ ala a tchum mi. Azi a yed’em kur pus mama ata yima mam nga mi djaka akulo aduk ahina d’a Gur ra go kazì ma Jibleyam-mid’a. Mam ring gak mbaza Megido, mi mit sä kua.

Buzuk ka Abud’a 20:17

Ar ang le d’od’oka yam vama lara pî ma hi ndrangîna d’i, nala, gong mamba, d’oze amamba, d’oze azong mama, d’oze wei mamba, d’oze amuhl mama, d’oze koro mama.

Ma tchi wala 2:5

An vasinena, an min yima paguna, an pandjaf agu ma vuta kua teteng mi.

Sawal la kal teglesa 4:15

Nda’î ir mbiyo ma lau ma kur asinenina, nda’î golong nga lau d’a d’igila hirwilinga, nda’î toliyon nda djangî kä yam ahuniyô suma Liban-nid’a mi.

Jeremi 22:17

Wani ang irang ki hurung tinda ni yam djivi manga á tchi suma bei zlad’a kazina, á b’at ahlena hi suma kad’enga mi.

Wana ni Zla d’a Djivi d’a Luc mi b’irita 12:15

Mi dazi kua ala: Agi gologi tagi djiviya, ar agi lagi yam beged’a d’i, kayam ari d’a gagazid’a hi sanid’a nga ni yam ahle mam suma djivina d’oze yam ndjondjoîd’a d’i.

Gat ta a hat á mbàd’id’a 11:10

Moise mi de kua ala: Kayam ambas sa agi i hlagizi wanda, ti nga ni d’igi ambas sa Ezipte d’a agi buzugugï woi kat ta agi zaragi awuna kua agi vogi mbina ad’um d’igi suma a zum asinena a vo mbina ad’uma na d’i.

Gat ta a hat á mbàd’id’a 5:21

Ar ang le d’od’oka yam vama lara pî ma hi ndrangîna d’i, nala, amamba, d’oze gong mamba, d’oze asinemu, d’oze azong mama, d’oze wei mamba, d’oze amuhl mama, d’oze koro mama.

1 Timote 6:9

Wani suma a hal ndjondjoîd’ina a nga nde kur kuka, a nga ve ki dauna, a nga ve ki d’od’ok ka lili d’a tchod’a ablaud’a yam ahle suma a sir suma kä kur b’laka ki bad’ina.

1 Samuel 29:6

Akis mi yi David, mi dum ala: Ma didina ni Ma bei matna! Angî sama d’ingêrâ. An min ang kak ki sed’en á durâ á ndabua á hulong avo ki azigarâ, kayam kur mba manga dei an fe nga vama tcho atang ngi. Wani suma nglona hi azigar suma Filistê-nina tazi nga lazi djivid’a kang ngi.

1 Samuel 8:14

Mam mba mi yogi asine magi ma djivina, guguzlu magid’a d’oze agu olif magina, mba mi hum mi mam suma nglona.

1 Samuel 8:6

Samuel tam lum nga djivi yam djop pa azi djobom ala mi tinizi amulâ d’a d’i. Samuel mi nde tchen Ma didina.