1 Amuleina 2:1 - Bible azumeina

¹ Kid’a David wala mam ar go á matna d’a, mi gat goroma Salomon, mi dum ala:

1 Amuleina 2:1 Iomraidhean Croise

Ad’u Tinda 47:29

Kid’a Israel mi ar go á matnid’a, mi yi goroma Josef, mi dum ala: Le ang hurung vanu ni, an nga ni tchenengû, ang kal abong ad’u ab’alan kä, ang le djivid’a ki sed’en ki d’engzenga, ang tozon ka hî Ezipte d’i.

2 Samuel 7:12

Fata burung ndak ang mba mit i kä azulei ad’u abuyonga, an mba ni tchol andjavang ma ndeï kurungâ blogongû, an mba ni hum ad’enga á tamula.

1 Amuleina 1:53

Amulâ Salomon mi sun sana á halamï ata yima ngal ahle suma ngat buzuna. A vumï kä, mi mba mi grif kä avok amulâ Salomon. Salomon mi dum ala: Ang hulong avo hatangû.

1 Sunda Hamuleinid’a 22:6

David mi yi goroma Salomon, mi hum vuna á min gong nga kud’ora mi Ma didina Alona hi Israel-lîna,

Ndumba 27:19

Ang i ki sed’em avok ma ngat buzuna Elazar, avok ablaud’a mi, ang hum vuna avorozi kä.

Gat ta a hat á mbàd’id’a 3:28

Ang he vuna mi Josue, ang hum ad’enga, ang siramu, kayam ni mam ba, mba mi tit avok sum ndazina, mba mi hazi ambas sa ang wat wanda djona.

Gat ta a hat á mbàd’id’a 31:14

Ma didina mi de mi Moise ala: Gola! Bur ma ang mit kuana mi ar go. Ang yi Josue, agi i tchologi kur zlub’u d’a ngaf tad’a. An mba ni hum vun man ma hed’a. Moise azi ki Josue djak a i tchol kur zlub’u d’a ngaf tad’a.

Gat ta a hat á mbàd’id’a 31:23

Bugola, Ma didina mi he vuna mi Josue Nun goroma, mi dum ala: Ang ve tang ad’enga, ang so tangû! Ni ang ba, mba kal Israel-lâ kur ambas sa an hlazi vunan kat á hazizid’a, an tanda mba ni tit ki sed’engû.

Gat ta a hat á mbàd’id’a 33:1

Wana ni vun ma b’e ma Moise sana hAlonina mi b’am yam Israel-lâ avok mat mamina:

1 Timote 1:18

Ang gorona Timote, vun ma he ma an hangzina, mi ndjak ki zla d’a suma djok vun Alona a dat adjeu kanga. Ar ang deng tang kat á dur ayî ma djivina.

1 Timote 6:13

An hang vuna avok Alo ma he arid’a mahlena petna, avok Jesus Christ ma le glangâs ma djivina avok Pôs Pilat-na,

2 Timote 4:1

An nga ni tcheneng avok Alona, avok Jesus Christ ma mba mi ka sariyad’a yam suma arina yam suma matna ata yima mam mba mba á te leu mambina.

2 Timote 4:6

Wani anu, a nga i ngad’an d’igi vama ngat buzuna na, yima man matna mi ar go.