1 Amuleina 18:4 - Bible azumeina

⁴ Ata yima amula Jezabel ti tchi suma djok vuna hi Ma didinina, Obadiya mi sut suma dingâ kis, mi ngeyezi kur zul ahinad’a dok vahl dok vahl, mi hazi tena ki mbina ata yi máma mi.

1 Amuleina 18:4 Iomraidhean Croise

1 Amuleina 13:16

Mam hulong dum ala: Nga na d’i! An nga ni hulong kazigan á i ki sed’eng ngi. An nga ni te va d’oze tche mbiyo ki ang ka hî ata yi máma d’i.

1 Amuleina 17:11

Ndat ti i á hal mbina, wani mi yad’u, mi dat ala: Ndak mburugunï avungôna abok nde mi.

1 Amuleina 18:13

Na ni salana, sa mi dang nga yam ahle suma an lazi ata yima Jezabel ti tchi suma djok vuna hi Ma didinina woina d’uo zu? An ngei suma djok vun Alona kis, an walazi dok vahl dok vahl kur zul ahinad’a mi, an hazi tena ki mbina mi d’uo zu?

1 Amuleina 18:5

Ahap mi de mi Obadiya ala: Ang mbeï i kur ambasa pet, ang i gol ir mbiyo ma laud’a pet ki mbiyo ma gurei ma tatana pet. Dam ei mba fei hat ma nguloma makulumeina ki korona, kayam d’uwarâ mi ba woi atei d’i.

2 Amuleina 6:32

Wani Elise mi nga avo hatamu, suma nglo suma hur azinina a nga kaka gevem mi. Amulâ mi geï sunda atamu. Wani avok ka bei sama sunda mbaza tua d’a, Elise mi de mi suma nglo ndazina ala: Agi gologiya! Ma tchi mat máma mi sunï nga sana á ngad’an yanu. Agi gologi tagi djiviya. Le mi mba ni, agi dugugi vuna akulo, aram mi kalï avo d’i. Wani nasem salama ba, nga mi tchï blogom wan nduo zu?

2 Amuleina 9:7

Ni ang ba, mba tchi andjafâ hi salang ma adjeuna Ahap-ma woyo. An mba ni sä atchugul azungeî mana pet, nala, man suma djok vuna ki suma ding suma Jezabel ti tchazina mi.

Nehemi 9:26

Hina pet pî, a tchol a kak djangûna ki sed’engû, a mbut azigazi mi gat manga, a tchi mang suma djok vun suma a nga dazi teteu ala a hulongî gevengû na woyo, a he tazi á le sun nda ndjendje d’a kal teglesa avorongû.

Isai 16:3

Suma hi Mowap-ma a nga tchen suma Jerusalem-ma ala: Agi dami d’alâ, agi ngagi hurugi yam va tu, agi baragi gigingâgi kami falei d’ad’ar d’igi andjeged’a ti duk yina na, agi ngeyegi mami suma a nga hal yima ngeid’ina, agi dagi woi yam mami suma a nga ringâ d’i.

Jeremi 26:24

Wani Ahikam Safan goroma nga mi ngom Jeremi. Ni kayam mam ba, Jeremi mi nde nga abo ablaud’a á tchum mbuo ni na.

Jeremi 36:19

Suma nglona a de mi Baruk ala: Ang ki Jeremi, agi i ngeyegi tagiya, ar sa mi we yima agi nga kuana d’i!

Matiye 21:35

Suma sunda a yo azungeî mama, a to ma hina, a tchi ma hina, a dur ma hindina kahinad’a mi.

Matiye 25:35

Kayam meid’a ti tchanu, agi han tena; vunan mi so, agi han mbiyo ma tched’a; an mba akoid’a, agi van avo hatagi mi.

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

Hebre-na 11:38

Duniyad’a ndak nga yam sum ndazi suma a nga tcha tata hur fulâ, yam ahuniyôna, angra ahuniyôna, kä kur zula mi na d’i.