1 Amuleina 18:1 - Bible azumeina

¹ Wani alona mi se d’uo gak bizad’a hindi. Bugol biza ndata, Ma didina mi de mi Elie ala: Ang i tak tang ngei avok amulâ Ahap, ang dum ala an mba ni salona yam andaga d’a sod’a.

1 Amuleina 18:1 Iomraidhean Croise

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

1 Amuleina 17:15

Ndat ti i le d’igi Elie mi dat na mi. Azi ki gorotna ki Elie a te burâ ablaud’a.

1 Amuleina 17:7

Wani bur tu toliyonda ti so woyo, kayam alona nga mi se kur ambas ndata d’i.

1 Amuleina 18:2

Elie mi i á tak tam mbei avok Ahap. Baktara d’a avo Samari-d’a kal ngola heî.

1 Amuleina 8:36

ang Ma didin ma sä akulona, ang huma, ang vat hurung ngei yam tcho mazid’a, kayam azi nazungeî mangâ, ni sum mangâ mi. Kal pet, ang had’azi ni lovot ta tit ta djivid’a. Bugola, ang salona yam andaga mang nga ang hazizi djonid’a mi.

Isai 5:6

An mba ni arat ti b’lak keyo, sa mba mi tchawat abot tei d’i, sa mba mi lat barat tuo mi. Kekerezeuna kaweid’a a mba deî adigad’u. An mba ni he vuna mi d’ugula ar ti salona kat ti.

Jeremi 10:13

Ata yima mi he vunina, mbina nga mi tok kur akulod’a. D’ugula nga d’i tcholï avun dabid’a handagad’id’a teteng. Wiled’a nga d’i wile á salona, simetna nga mi buzugï woi ata yi mam ma ngei ahlena mi.

Jeremi 14:22

Aduk fileina handjaf suma dingâ ma ndak á salonina nga zu? D’oze akulod’a ti ndak á salo ma kuküna vat tchu? Ni ang Ma didina Alo mamina d’uo zu? Ami tinimi hurumi ni kang angû, kayam ni ang ba, lahle ndazina wan pet na.

Joel 2:23

Agi suma Siyon-na, agi lagi hur ma hapma, agi lagi furîd’a yam Ma didina Alo magina, kayam mam nga mi sagi alona ata yamu, nga mi sagi alo ma hod’ogeid’a kalo ma dabid’a d’igi avok deid’a na.

Sunda hi suma hi Levi-nid’a 26:4

an mba ni sagi alona ata yamu. Andagad’a mba d’i wulugi awuna, agu magina mba mi vut mi.

Amos 4:7

An d’elegi alo ma sed’a gak tilâ hindi tua ba, til ma duta ndaga. An se alona yam azì ma ngol ma dingâ, ni ar azì ma ngol ma dingâ hawa. An salona yam asine ma dingâ, ni ar bei salona yam asine ma dingâ mi so woyo.

Wana ni Zla d’a Djivi d’a Luc mi b’irita 4:25

Wani gagazi, an nga ni dagiya, adjeu arop suma modonod’a ablaud’a a nga yam andaga d’a Israel-la kur atchogoid’a Elie-d’a, kid’a alona se d’uo bizad’a hindi ki tilâ karagayad’a. Baktara d’a ngola nde yam andagad’a pet.

Gat ta a hat á mbàd’id’a 28:12

Ma didina mba mi malagi ir akulod’a woi á sagi alona ata yam kur ambas magid’a, mba mi b’e vunam kagi kur sun nda agi mba lat kabogid’a mi. Andjaf suma dingâ a mba nde balâ abogiya, wani agi mba ndagi bal abo sa d’i.

Jacques 5:17

Elie ni sana d’igi ei na. Mi tchen Alona ki so tad’a ala alona mi se yam andagad’a d’i; alona mi se nga d’uo bizad’a hindi ki tilâ karagaya.

Vama ndum mbeina 11:2

Wani ang ar yima huyok gong nga kud’ora hAlonid’a bei ngad’a, kayam a humî mi suma bei wAlona. Azi mba miret azì ma ngolâ hAlonina kä kasezi gak tilâ dok fid’i yam mbà.

Vama ndum mbeina 11:6

Azi nga kad’enga á duk akulod’a á d’el alona mi se ata bur ma azi nga djok vun zlad’a hAlonina. Azi nga kad’enga á mbut mbina buzuna mi. Azi nga kad’enga kua á tum suma yam andagad’ina ki tugud’ei d’a tcho d’a lara ge teteng ata min mazid’a.