1 Amuleina 17:12 - Bible azumeina

¹² Ti dum ala: An gunung tan avok Ma didina Alo mang ma bei matna, avu nga d’i, afuta ar nga kur deina hina ngiyeû ki mbulâ nga kur gugura hina nde mi. An mba ni kus tchagalaka kä wani, an i ni tib’ek ahle suma ar nde ndazina mi an ki gorona. Le ami tami wa ni, ami djubumi ni mat mamina.

1 Amuleina 17:12 Iomraidhean Croise

Ad’u Tinda 21:15

Ata yima mbina mi dap pei kur gugurina, ti tin gorotna kä ad’u azlupa,

Ad’u Tinda 21:16

ti i kak sä woi hina dei d’igi sana mi yet yeûd’a ti i d’i nde kä na. Ti dala: Ar an we matna hi goronina d’i. Ti i d’i kak sä woi hina dei, ti nde tchina ki delet akulo.

2 Samuel 15:21

Itai mi hulong de mamulâ ala: Ma didina ni Ma bei matna. Salana, ang nga ki irang mi. Ata yima ang salana amul mana i kuana, le nda’î á matna d’oze á kak karid’a, an azong mangâ ni i kua mi.

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

1 Amuleina 17:11

Ndat ti i á hal mbina, wani mi yad’u, mi dat ala: Ndak mburugunï avungôna abok nde mi.

1 Amuleina 17:13

Elie mi dat ala: Ndak le mandar ri! Ndak i le d’igi ndak de na. Ndak i ganï avungôna hina nde tua. Bugol tua ba, ndak i ge mi agi ki goro’â.

Jeremi 14:18

Le an i kele ni, an gol wani mad’a suma a tchazi avun ayînina, mi nga samba kä. Le an kal kur azì ma ngolâ ni, an gol wani suma meid’a tchazina, mad’azi mi nga samba kä mi. Suma djok vuna ki suma ngat buzuna a nga kleû tita kur ambasa pî, azi nga we d’op zla tu d’i.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Jeremi 5:2

Jeremi mi dala: Le a nga dala: Ami gunumi tami ki simiyê Ma didin ma bei matna ba na pî, ni gun ta d’a ir gurzulid’a hawa na.

Hor ma tchina 4:9

Suma a tchazi avun ayînina hotei kal suma meid’a ti tchazi suma ad’engêzi ti dap pei suma tena kid’agazina.

Matiye 26:7

atchad’a ti mba kagel la albatred’a oîd’a ki mbul ma his ma afufuî ma guzum ngola heîna. Ti vom yam Jesus kid’a mi nga avun tenid’a.

1 Samuel 14:39

An gun tan ki Ma didin ma bei matna ma suta hi Israel-lîna ala sama le tcho ndatina, le ni gorona Jonatan pî, a tchumu. Aduk azigarâ pet, sa hulongôm nga zla d’a de d’i.

1 Samuel 14:45

Wani azigarâ a de mi Saul ala: Jonatan ma kus ayî ma ngolâ á sut Israel-lâ wa na, mi ndak á tchid’a zu? Nga na d’i! Ki simiyê Ma didin ma bei matna, ami min tumus sa kamba tu pî ti nde kä d’i, kayam mam dur ayîna kur bur máma ni kad’enga hAlonid’a. Ni hina ba, azigarâ a prut Jonatan ndei avun matna.

1 Samuel 20:21

Ata yi máma an mba ni sun gogorâ, an mba ni dum ala: Ang i halanï yeûd’a. Le an dum ala: Gola! Yeûd’a blogong kä wana, ang yod’ïya ni, ang mbeya, ang mba kak ki halasa; zlad’a ding nga d’i; Ma didina ni Ma bei matna.

1 Samuel 20:3

David mi de mi Jonatan kua ki gun tad’a ala: Abung mi we woi tetet ala ang hurung vanu. Dam mi de wa kurum ala: Ar Jonatan mi we zla ndata tala hurum zal d’a d’i. Wani Ma didina ni Ma bei matna, ang nga ki irang wan mi, adigami nga dei ki matna d’i.

1 Samuel 25:26

Ki tchetchemba, salana, gagazi Ma didina ni Ma bei matna, ang tang nga ki irang mi; ni Ma didina ba, mi d’eleng á tchi matna, á mbud’ung d’ingêr. Ma kal teglesâ, ar mang suma djangû suma a hal á lang tchod’ina, a mbut ni d’igi Nabal na.

1 Samuel 26:10

Ma didina ni Ma bei matna, ni mam tu ba, mi tchumu, d’oze burum ma matna mba mi mba, mam mba mid’a, d’oze a tchum avun ayî ma durâ.