1 Amuleina 13:5 - Bible azumeina

⁵ Ata yi máma na wat yima ngal ahle suma ngat buzu máma mi nde to kä, but ma kam akulona nga mi dris kä d’igi vama tak ma sana hAlonina mi de kam ma tcholï avun Ma didinina na.

1 Amuleina 13:5 Iomraidhean Croise

1 Amuleina 13:3

Kur bur máma tamba, sana hAlona máma mi hazi vama taka, mi dala: Wana ni vama tak ma Ma didina mi de kama: Yima ngal ahle suma ngat buzu máma mba mi to kä woyo, but ma akulo kama mba mi dris kä woi mi.

1 Amuleina 13:4

Ata yima Jerobowam mi hum zla d’a de d’a tcho d’a sana hAlonina mi dat yam yima ngal ahle suma ngat buzu ma Betel-lâ hina d’a, mi mat abom akulo yam yima ngal ahle suma ngat buzuna, mi de ki delem akulo ala: Agi vagi sa máma! Wani abom arza sod’a ata yi máma, mi tche mogod’a, nga mi hulongî kä atam mbi.

1 Amuleina 13:6

Atogo hina zak amulâ mi de sana hAlonina ala: Ang tchen Ma didina Alo mangâ mi vat hurum mbei kanu, mi mbud’un abon blangâm ma adjeuna. Sana hAlonina mi tchen Ma didina; amulâ abom mi mbut blangâm ma adjeuna mi.

1 Amuleina 17:16

Afut ta kur deinid’a ti dap puo mi na, mbul ma kur gugurina mi dap puo d’igi Ma didina mi de mi Elie na.

1 Amuleina 22:28

Mise mi dum ala: Ang le hulongî avo ki halasa ni, Ma didina mi dan nga zlad’a ni mam mbuo. Mi de kua ala: Agi suma pet, agi humugiya!

1 Amuleina 22:35

Wani kur bur máma ayîna mi dur dur ma tchona, a ar nga amulâ denga akulo kur pus mama, iram abo ma azigar suma Siri-na a nga kuana. Tcha fladege mam mid’a; buzuna hi mbil mamina mi djang gak i kä ad’u pusâ.

Amos 3:14

Kur bur ma an mba ni mba á ngop Israel-lâ yam tcho mazid’ina, an mba ni to yima ngal ahle suma ngat buzu ma Betel ma tetengâ kä woyo, kengêm ma djidjid’engâ mba mi dris kä woi andaga mi.

Marik 16:20

Hina, mam suma hata a buzuk i ata yina pet, a tchi wal Zla d’a Djivid’a. Salad’a nga mi le sunda ki sed’eziya, nga mi tak zla ndata woi ala ni zla d’a gagazid’a kahle suma atchap suma azi nga lazina mi.]

Gat ta a hat á mbàd’id’a 18:22

Le ma djok vuna mi de zlad’a ki simiyê Ma didina ala: Zlad’a mba le hina, le zla ndata ti le nga hina d’uo ni, zla ndata ti tcholï nga nata Ma didina d’i. Ma djok vun máma mi de ni zla mam mba ki yamba. Agi lum mandaram mbi.