1 Amuleina 11:9 - Bible azumeina

⁹ Ata yi máma Ma didina hurum zal yam Salomon, kayam mi wal lei ki mam Alona hi Israel-lâ ma nde tam mbei iram yam mbàna.

1 Amuleina 11:9 Iomraidhean Croise

2 Samuel 11:27

Kid’a bur ma tchina mi kal da d’a, David mi sun á vad’ï avo hatamu. Ti mbut amamba, ti vud’um gorâ tu. Ahle suma David mi lazi ndazina a le nga Ma didina tam djivi d’i.

2 Samuel 6:7

Ma didina hurum zal ngola yam Uza, mi tumum ata yi máma, kayam tcho mamba. Uza mi mit ata yi máma gen zandu’â hAlonina.

1 Amuleina 11:8

Mi le hina yam amiyôm suma dingâ pet, kayam azi hahle suma ngat buzuna ki dubang ma his djivid’ina d’oze aho’â malo mazina kua.

1 Amuleina 3:5

Kid’a Salomon mi sä Gabawon tua d’a, Ma didina mi dum adïd’a andjege ala: Ang tchenen vama ang minima, an ni hangziya!

1 Amuleina 9:2

Ma didina mi nde tam mbei iram yam á mbàd’a d’igi mi nde tam mbei iram avo Gabawon-na.

1 Sunda Hamuleinid’a 21:7

Ahle ndazina a le nga Alona tam djivi d’i; mi ngop Israel-lâ.

Buzuk ka Abud’a 4:14

Ata yi máma Ma didina hurum zal ata Moise, mi dum ala: Wiyengâ Aron ma hi Levi-na mi nga d’uo zu? An we nga mi de zlad’a atogo tchatchap. Gola! Mam tam nga mi djï á d’ugulongû; ata yima mi wangâ, mba mi le furîd’a kurum krovo.

Zla d’a d’ogolâ 4:23

Ang ngom djib’er ra kurung krovod’a kal ahle suma dingâ pet, kayam ni yima arid’a tcholï kuana.

Wana ni mbaktumba hi Oze-d’a 4:11

Gaulangâ ki süm guguzlu d’a adjeud’a ki d’a awilid’a a b’lak sum mana woyo.

Ndumba 12:9

Hurum zal ngola, mi ge tam mi iya.

Gat ta a hat á mbàd’id’a 3:26

Wani Ma didina hurum zal kan ni kagiya, mi humun nga d’i, mi dan ala: Ndagan da’! Ang dan zla d’a hina d’a d’uo d’a!

Gat ta a hat á mbàd’id’a 7:4

Le hina d’uo ni, a mba wal grogina woi ki Ma didina, a mba kud’or alo ma dingâ. Ma didina hurum mba mi zal kagi ngola, mba mi dabagi woi atogo zak mi.

Gat ta a hat á mbàd’id’a 9:20

Ma didina hurum zal ngola yam Aron kur bur máma gak mi min á tchum mbeyo, wani an tchen yam Aron kur bur máma mi.

Gat ta a hat á mbàd’id’a 9:8

Käd’u ahina d’a Horep-pa agi zalagi hur Ma didina. Ma didina hurum zal kagi gak mi min dabagi woyo.

2 Timote 4:10

Demas mi aran wa, kayam hurum ve duniya d’a wanda heî, mi i wa Tasalonik. Kresen mi i wa Galat, Tit mi i wa Dalmati mi.

1 Samuel 15:11

An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola.