1 Amuleina 11:18 - Bible azumeina

¹⁸ A tchol avo Madiyan, a i hur ful ma Paran-na. Ata yi máma a yo suma hiuna ad’uziya, a i ki sed’ezi avo Ezipte gen amulâ Faron. Faron mi he Hadat azina kandagad’a, mi hlum vunam á hum tena mi.

1 Amuleina 11:18 Iomraidhean Croise

Ad’u Tinda 14:6

ki suma Hor suma akulo yam ahuniyô mazi suma Seir-râ, a digizi gak a mba yam ambas sa El-Paran-nda go ki vun fulîd’a.

Ad’u Tinda 21:21

mi ka’î kur ful ma Paran-na; asum mbi vum gor ra Ezipte-d’a.

Ad’u Tinda 25:2

Ti vud’um Zimran, Joksan, Medan, Madiyan, Jisbak ki Suwa.

Ad’u Tinda 25:4

Madiyan groma ni Efa, Efer, Enok, Abida ki Elda. Azi pet ni Ketura grotna.

1 Amuleina 11:17

Ata yi máma Hadat ni gogor ma gorâ tua, mi ring kazungeîna habum suma Edom suma hiuna á i avo Ezipte.

1 Amuleina 11:19

Mi le Hadat djivid’a heî, mi hum amam mba amula Tapenes wiyeta atchad’a.

Buzuk ka Abud’a 2:15

Faron mi hum zla ndata, nga mi hal Moise á tchid’a, wani Moise mi ring ngei dei ki Faron, mi i yam ambas sa Madiyan-nda, mi kak sä kua. Mi i mi kak kä avun golonga.

Habakuk 3:3

Alona mi tcholï Teman; Ma bei tchod’a ba na mi tcholï yam ahina d’a Paran-nda. Tchol ndjö Ngol mamba ti duk ir akulod’a, subur mamba ti oî yam andagad’a.

Ndumba 10:12

Israel-lâ a tchol kur ful ma Sinai-na a nde id’a d’igi a hazi vuna á id’a na. D’ugula ti i tchol hur ful ma Paran-na.

Ndumba 22:4

Suma Mowap-ma a de mi suma nglo suma Madiyan-na ala: Suma ablau ndazina a mba tahle meina d’igi amuhlâ mi te hatna abagei na. Kur atchogoi ndata Balak Sipor goroma namul ma Mowap-ma.

Ndumba 25:14

Ma Israel ma a tchum katcha d’a Madiyan-ndina a yum ala Zimri ni Salu goroma; mam ni ma ngol ma avok suma hi Simeon-nina.

Ndumba 25:18

Kayam azi mbut tazi magi suma djangûna, a mbud’ugi iragi ki lem mazid’a ki zlad’a hi Kosbi ma ngol ma Madiyan-na goromba wiyezi d’a a tchat kur bur ma tugud’ei d’a tcho d’a tchi matna mi mba yam zlad’a hi Peyor-rina.

Ndumba 25:6

Gol wani, ma Israel-lâ mi mbeï katcha d’a Madiyan-nda gen b’oziyoma ir Moise azi kablaud’a hi Israel-lîd’a, ata yima azi nga tchi avun zlub’u d’a ngaf tad’ina.

Gat ta a hat á mbàd’id’a 1:1

Wana ni zla d’a Moise mi dat mi Israel-lâ pet kid’a mam nga avun alum ma Jurdê-na abagei hur ful ma kikid’i’â go ki Suf aduk Paran, Tofel, Laban, Haserot ki Di-Zahap-pa.

Gat ta a hat á mbàd’id’a 33:2

Mi dala: Ma didina mi tcholï yam ahina d’a Sinai-d’a, mi mba mi tak tam mbei kazi yam ahina d’a Seir-ra, mi b’o yina woi yam ahina d’a Paran-nda. Mi ndeï aduk malaika mam suma dudubuna, gat ta akud’a nga ved’a abom ma ndjufâ kaziya.