1 Amuleina 10:18 - Bible azumeina

¹⁸ Amulâ mi min zlam mba ngola ki sï ahlo’â, mi gulud’ut ni ki lor ra bei zozota ba d’a.

1 Amuleina 10:18 Iomraidhean Croise

1 Amuleina 10:19

Zlam ndata yima a djak kakulo katna asem ma tinda ni karagaya. Yat ta akulod’a ni dalalâ abo tat tu, yima a tin abong kama mi nga abo hî, mi nga abo hî, azlona mbà mi nga tchola abo hî tu, abo hî tu mi.

1 Amuleina 10:22

Amulâ mi nga ki batod’a ablaud’a kur alum ma ngolâ d’a nga d’i i Tarsis-sa zlapa ki d’a hamulâ Hiram-mba. Kur bizad’a hindi bato ndata nga d’i mba ki lora ki kawei ma hapma ki sï ahlo’â ki virâ kalei pawona mi.

1 Amuleina 22:39

Sunda hi Ahap pa ara kahle suma mi lazina pet ki gong nga mi minit mi d’udjot ki sï ahlo’îd’a kazì ma mi minima, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

Sawal la giled’a 110:1

Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

Sawal la giled’a 122:5

Ni ka hî kuruk ba, a tin zlumiyôna á ka sariyad’a; ni suma andjafâ hi David-na a nga kaka kazina.

Sawal la giled’a 45:6

Yeû manga siyat ni feta dedelem. Ang mba yet ki mang suma djangûna; azi mba puk kä avorongû.

Sawal la giled’a 45:8

Ang min ni d’ingêra, ang noî asa’ata. Ni kayam ndata ba, Alona, Alo mangâ mi manangû, mi vong mbul ma furîd’a kangû, mi hang yima hud’a kal ndrongâ mi.

Ezekiyel 27:6

A min prau mangâ ni kagu sen ma Basan-na, a min bang mangâ ni kagu ma kur til la Kitim-mba ma a gulud’um ki sï ahlo’îna.

Amos 6:4

Agi nga burugi kä yam azang ma a d’udjom ki sï ahlo’îna, agi mad’agi tagi kä woi yam tapi magina, agi nga mud’ugi gro tumiyô suma kur kangânina ki gro amuzlei suma d’orâ mi.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Hebre-na 1:8

Wani Alona mi de yam Goroma ala: Ang Alona, zlam mang nga amula ni d’a gak didinda. Ang nga te leu manga ni ki d’ingêra.

Vama ndum mbeina 18:12

Lora, kawei ma hapma, ahina d’a guzut kal teglesa ki hed’eu ma ngal wiwili’â ki baru ma hap ma luluîna ki baru d’a hleu d’a kekenga kagu ma tchet ma guzum kal teglesâ ki kawei ma hleuna ki kawei ma ged’a kahina d’a hleud’a,

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.