1 Amuleina 1:9 - Bible azumeina

⁹ Bur tu Adoniya mi tin lü ma ngolâ yam ahina d’a Zohelet-ta go ki mbiyo ma lau ma En-Rogel-lâ, mi ngat tumiyôna, amuzleina ki gro amuzlei suma d’orâ, mi yi b’oziyom suma amulâ gromina pet ki suma nglo suma kur azì ma Juda suma a nga le sunda avo hamulina pet mi.

1 Amuleina 1:9 Iomraidhean Croise

2 Samuel 17:17

Jonatan azi ki Ahimas a nga ni kaka En-Rogel. Gor weid’a mba d’i dazi zlad’a ala ni azi ba, a i de zla ndata mamulâ David. Wani azi ndak á tak tazi woi kur azì ma ngolâ d’i, abo mandarâ.

1 Amuleina 1:19

Mi tin nga lü ma ngolâ, mi ngat amuzleina, gro amuzlei suma d’orâ kaho’â ablaud’a mi, mi yi grongâ ki zlazi pet, ma ngat buzuna Abiyatar ki Jowap ma ngolâ hi azigar mangîna mi. Wani mi yi nga gorongâ Salomon ndi.

1 Amuleina 1:25

Kayam mi i ini yam ahina d’a Zohelet-ta, mi tin lü ma ngolâ sä kua, mi ngat amuzleina, gro amuzlei suma d’orâ kaho’â ablaud’a mi, mi yi grongâ ki zlazi pet, suma nglona hi azigarîna ki Abiyatar ma ngat buzuna mi. Azi pet a nga te, a nga tche ki sed’emu, a nga er ad’uzi akulo ala: Amulâ Adoniya, ar va mi lang ngi!

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Matiye 22:4

Mi sun azungeî suma dingâ kua, mi dazi ala: Agi i dagi mi suma an yazina ala: An min wa te mana da’, an ngat wa amuzleina kahok man suma d’orâ; ahlena pet a min wa. Agi mbeyegï ata yima tela.

Josue 15:7

Haga mata ti i djak gak Debir, ti kal kä kur hor ra Akor-ra, ti kal i abo ma norâ go ki Gilgal ngagad’a yam yima djak akulo Adumim-ma abo ma sutna hi horina. Ti hleï go ki mbiyo ma En-Semes-sâ, ti dabï avun En-Rogel.

Josue 18:16

Ti sulugot kä avun dabid’a hahina d’a ngagad’a yam hor ra Bet-Hinom-mba d’ara, ti hleï kur hor ra Refa-d’a abo ma norâ, ti kal ti i kur hor ra Hinom-mba avo Jebus abo ma sutna, ti kal gak ti i En-Rogel.