1 Amuleina 1:34 - Bible azumeina

³⁴ Ata yi máma Sadok ma ngat buzuna ki Natan ma djok vun Alona a vom mbulâ kamu, a tinim iram vam á kak amula yam Israel-lâ. Ata yi máma agi bugi adifa, agi eregi ad’ugi akulo ala: Amulâ Salomon, ar va mi lang ngi!

1 Amuleina 1:34 Iomraidhean Croise

2 Samuel 15:10

Apsalom mi tchuk suma d’u yina ad’u andjafâ hi Israel-lîna, mi dazi ala: Le agi humugi adifa tchina ni, agi dagi ala: Apsalom sä tamula avo Hebron.

2 Samuel 2:4

Suma Juda-na a mba Hebron, azi tin David amula yam suma Juda-na. Suma a de mi David ala: Ni Jabes suma Galät-na ba, a tos Saulî aziya.

2 Samuel 5:3

Ni hina ba, suma nglo suma Israel-lâ pet a mba gen amulâ David avo Hebron. David mi djin vunam ki sed’ezi avok Ma didina avo Hebron. Azi manam a tinim amula yam Israel-lâ.

1 Amuleina 1:25

Kayam mi i ini yam ahina d’a Zohelet-ta, mi tin lü ma ngolâ sä kua, mi ngat amuzleina, gro amuzlei suma d’orâ kaho’â ablaud’a mi, mi yi grongâ ki zlazi pet, suma nglona hi azigarîna ki Abiyatar ma ngat buzuna mi. Azi pet a nga te, a nga tche ki sed’emu, a nga er ad’uzi akulo ala: Amulâ Adoniya, ar va mi lang ngi!

1 Amuleina 1:35

Bugola, agi igi ki sed’em hur azina, agi tid’igi blogomu. Ni mam ba, mba mi vrak blangân yam zlam man nda amula, kayam ni mam ba, an pad’am á kak amula yam Israel-lâ ki suma Juda-na mi.

1 Amuleina 1:39

Ma ngat buzuna Sadok mi hle mbul ma a tinim iram vam kur zlub’ud’a hi Ma didinid’ina oîd’a kur gugura, mi vom yam Salomon á tinim iram vam á kak amula. Ata yi máma sana mi bu adifa, suma a nga ata yi mámina pet a nde er ad’uzi akulo ala: Amulâ Salomon, ar va mi lang ngi!

1 Amuleina 19:16

Bugola, ang i pat Jehu Nimsi goroma, ang vom mbulâ kam á tinim amula yam Israel-lâ. Ang vo mbulâ yam Elise Safat ma Abel-Mehola-na goroma mi vrak ma djogon vunana blangângû.

2 Amuleina 11:12

Ma ngat buzuna Jehojada mi ndeï kamulâ goroma Jowas sei abua, mi kulubum djum mba amula kamu, mi ndeï ki vama glangâsâ woi kam mi. A tinim amula, a vom mbulâ kamu, a tchaboziya, a dala: Amulâ, ar va mi lang ngi!

2 Amuleina 11:14

Ti gola, ti wamulâ mi nga tchola ata yima ndingâ d’igi azi nga le na. Suma nglona ki suma a bu aduveina a nga tchola gen amulâ. Suma kur ambasina pet a nga le furîd’a, suma a nga bu aduveina a nga buzi mi. Ata yi máma Atali ti haû baru matna woyo, ti er ad’ut akulo ala: Ihî ni mbut ira! Ihî ni mbut ira!

2 Amuleina 9:13

Ata yi máma na wat azigar suma nglona a fok baru mazina woyo, a tchugum kä ata yima a djak kakulona kayam mam kak kamu. Suma a bu aduveina, suma pet a nde er ad’uzi akulo ala: Amulâ Jehu, ar va mi lang ngi! Amulâ Jehu, ar va mi lang ngi!

2 Amuleina 9:3

ang hle gugur ra mbulâ, ang vom mbulâ kamu, ang dum ala: Gola! Ma didina mi dala: An vong mbulâ kang á tining amula yam Israel-lâ. Bugola, ang mal vun gonga woyo, ang zot ringâ, ang tchol aduk ki.

2 Amuleina 9:6

Jehu mi tchol akulo, mi i ki sed’em kur gonga. Ma djok vun Alona mi vom mbulâ kamu, mi dum ala: Gola! Ma didina Alona hi Israel-lîna mi dala: An vong mbulâ kang ni tining amula yam man suma Israel-lâ.

2 Sunda Hamuleinid’a 23:11

Mi ndeï kamulâ goroma Jowas sei abua, mi kulubum djum mba amula kamu, mi ndeï ki vama glangâsâ woi kam mi. A tinim amula. Jehojada azi ki groma a vom mbulâ kamu. Suma a tchaboziya, a dala: Amulâ, ar va mi lang ngi!

Sawal la giled’a 45:7

Alona, zlam mang nga amula ni d’a gak didinda. Ang nga te leu manga ni ki d’ingêra.

Sawal la giled’a 89:20

Kur bur tu ang nde tang ngeyo, ang de mi mang suma d’engzengâ ala: An had’enga mi man ma gangrang ma dur ayîna, an subur gor azongâ aduk suma.

Sawal la giled’a 89:36

Yam bei tcho manda an ni gun tan ni ki iran fafat, na ni an ndak á ka zlad’a mi David tchu?

Isai 45:1

Ma didina mi tin Sirus iram vamu, mi vum kabom ma ndjufâ á tchuk andjaf suma kä woi avoromu, mi tinim á kus yam amuleina, á mal bap ma avun agre’â mbàna woi avorom tala vun agre’â mi hulong duk avorom mbuo d’a. Ma didina mi dum ala:

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

1 Samuel 10:1

Samuel mi hle gugur ra mbul la nga abomba, mi vo mbulâ yam Saul, mi vum atamu, mi dum ala: Ni Ma didina tamba ba, mi manang tining amula yam sum mama.

1 Samuel 10:24

Samuel mi de mi suma toka pet ala: Agi gologiya! Wana ni ma Ma didina manama; aduk sum meina pet sama d’igi mam na na nga d’i. Ata yi máma suma toka ki zlazi pet a er ad’uzi akulo ala: Amulâ, ar va mi lang ngi!

1 Samuel 16:3

Ang yi Jesse ata yima ngat buzu máma; an mba ni tagang vama ang luma. Ang mba vo mbulâ yam ma an mba ni dang kam á tinim amulina.