1 Amuleina 1:1 - Bible azumeina

¹ Amulâ David mi mbut mamara kikra, bizam kal ngola. Azungeî mama a zlubum baruna kam pî, nga mi d’ugum tam mbi.

1 Amuleina 1:1 Iomraidhean Croise

Ad’u Tinda 18:11

ti san kurut krovo, kayam Abraham ki ndat djak a mbut mamara, bizat ta vuta kal da’ mi. Sara ti de kurut ala: Ki tchetchemba, an mbut wa mamara, salana mi mbut ni mamara mi, zla mandjuf nga kan ndei zu?

Ad’u Tinda 24:1

Abraham mi mbut mamara bizam ngola; Ma didina mi b’e vunam kam kur sun mamba led’a pet.

2 Samuel 24:25

David mi min yima ngal ahle suma ngat buzuna mi Ma didina, mi he he d’a hawa d’a ngala kahle suma ngat buzu suma zlap darigïd’a mi. Ata yi máma Ma didina hurum b’leng ngei yam suma kur ambas sa Israel-lina; tugud’ei d’a tcho d’a tchi mat ndata ti ar Israel-lâ bei tchid’a mi.

2 Samuel 5:4

Kid’a David mi tamulid’a, bizamî dok hindi; mi tamula bizad’a dok fid’i.

1 Amuleina 1:15

Batseba ti kal gen amulâ. Mam nga ni klavi abo mamara, Abisak ka Sunam-mba ti nga gevem á lum sunda.

1 Amuleina 1:2

Kayam ndata, a dum ala: Ar ami i halangî gor weid’a tu á lang sunda. Ti ngomongû, ti bur huyogong á vang tang akud’a.

1 Sunda Hamuleinid’a 23:1

David mi mbut mamara kikra, mi tin goroma Salomon amula yam Israel-lâ.

Sawal la giled’a 90:10

Bizami ni dok kid’iziya, suma ad’engâ, mazid’a ni dok klavandi mi. Hina pet pî, sun mat ta led’a ni ndaka ki hohoud’a; nga d’i kal lei atogo; ami nga bomi mi.

Ma tchi wala 4:11

Hina mi, le suma mbà a bur yam azang ma tuna ni, a ve tazi d’ut. Wani sama mi bur vam tuna mi ve tam d’ut ni nana ge?

Wana ni Zla d’a Djivi d’a Luc mi b’irita 1:7

Wani azi vut nga gor ri, kayam Elizabet ti ni gendreged’a, azi djak a djeng mamara mi.

Josue 13:1

Josue mi mbut mamara, bizam kal ngola. Ata yi máma Ma didina mi dum ala: Gola! Ang mbut wa mamara, bizang kal wa ngola mi. Ambas sa ar bei hled’a tua d’a ti ngola heî.