SAN LUCAS 8:9 - Nahuatl Highland Puebla

⁹ Ijcuacón imomachtijcahuan de Jesús quitajtoltijque Yejuatzin ijcuín: ―¿Toni quijtosnequi nijín nexcuitil ten titechonnextilij ya?

SAN LUCAS 8:9 Iomraidhean Croise

SAN MATEO 13:10

Huan ijcón imomachtijcahuan motoquijque campa Jesús yetoya huan quitajtoltijque ijcuín: ―¿Queyé tiquinnojnotza in tagayot ica in nexcuitilme san?

SAN MATEO 13:18

Huan in Jesús quinajsicamatiltij imomachtijcahuan ijcuín: ―Xicaquican nijín nexcuitil de se tagat tatepeuque ica trigojtet. Huan ne trigojtet quinejnehuilía in Tajtoltzin de Dios de que Yejuatzin quimonequiltía quinyolyecanas itaneltocacahuan ica ihueyichicahualis.

SAN MATEO 13:36

Huan ijcón in Jesús quinilij in tagayot ma yacan, huan Yejuatzin calayic calijtic. Ijcuacón imomachtijcahuan motoquijque campa Jesús yetoya huan quiluijque ijcuín: ―Xitechonajsicamatilti in nexcuitil de ne xihuit ten quinejnehuilía in trigo.

SAN MATEO 15:15

Ijcuacón in Pedro quilij Jesús ijcuín: ―Xitechyecajsicamatilti nijín nexcuitil.

SAN MARCOS 4:10

Huan cuac yetoya iselti Jesús, ijcuacón hualajque in majtactiomome imomachtijcahuan huan ocsequi ten ninuan yetoyaj, huan yejuan quitajtoltijque Jesús de toni quijtosnequi no ne nexcuitilme tenica Jesús quinmachtijtinemic.

SAN MARCOS 4:34

Huan como amo ica nexcuitilme, ijcuacón amo teyi quiniliaya Jesús. Huan cuac ninseltij yetoyaj imomachtijcahuan ihuan Jesús, ijcuacón Yejuatzin quinyequiliaya toni quijtosnequi in nexcuitilme.

SAN JUAN 15:15

Huan axcan Nejuatzin amo namechnotza oc queme yesquíaj nantaquehualme san, porín in taquehual amo quimati toni quichihuas nipatrón. Ta, axcan nejua namechilía que namejuan nannotasojicnihuan porín namechajsicamatiltij ya nochi ne tanahuatilme ijcón queme nicaquilij cuac Notajtzin Dios nechnahuatilij ma nicchihua.