SAN LUCAS 20:2 - Nahuatl Highland Puebla

² Huan nochi tayecanani ejcotihuetzque huan quitajtoltijque Jesús ijcuín: ―Xitechonili toni tanahuatil ticualcui tejua para ticchihuas nochi nijín tanextililisme huan para tiquinquixtij ne tanamacani. Huan no xitechonili aconi mitzonnahuatijtoc xitamachtijtinemi.

SAN LUCAS 20:2 Iomraidhean Croise

SAN LUCAS 20:1

Huan se tonal Jesús yetoya tech ne hueyi tiopanijtic de judíos huan ompa quinmachtiaya in tagayot. Huan Jesús quinnojnotzaya ica ne yancuic Tajtoltzin de Dios ten cualcui ne nemaquixtilis. Huan mochihuac tech nijín momento que ejcotihuetzque in tayecanani tiopixcame huan ne tanextiliani den tanahuatil de Moisés huan no ne huehuetzitzin den pueblojuani judíos.

SAN LUCAS 20:3

Ijcuacón Jesús quinanquilij ijcuín: ―Nejuatzin no namechtajtoltiti se matájtanti huan nicnequi no xinechilican.

SAN JUAN 2:18

Ijcuacón in tayecanani judíos quitajtoltijque Jesús ijcuín: ―¿Toni mohuiscatequit huelis titechnextilis? Porín tejuan ticnequij que xicchihuati se mohuiscatequit para ijcón ticmatisque cox melau ticpía tanahuatil de Dios.

HECHOS 7:27

Ijcuacón ne tagat ten quitehuijtoya ne icniu quixacatopehuac Moisés huan quilij ijcuín: “Huan tejua, ¿toni motequiu? ¿Aconi mitzualtitanic tejua queme tayecanque huan queme taixejecojque para titechtacahualtis tejuan?

HECHOS 7:51

Huan no Esteban quinilijtoc in tayecanani oc ijcuín: ―Pero namejuan ipa semi nanyolpipictique. Huan in Tajtoltzin de Dios amo calaqui tech namonacasuan nión no tech namoyolijtic. Huan namejuan nachipa nanquixtopeutinemij in Yecticatzin Espíritu. Huan ijcón queme quichiutinenque ne namohuejcautatuan, no ijcón namejuan nanquichiutinemij axcan.