SAN JUAN 8:53 - Nahuatl Highland Puebla

⁵³ ¿Xe tejua cachi tihueyichiuque huan que ne tohuejcautat Abrahám? Ta, yejua no momiquilij huan nochi in ocsequin tanahuatiani de Dios momiquilijque. ¿Huan toni ticnemilía que tiaconi tejua?

SAN JUAN 8:53 Iomraidhean Croise

SAN JUAN 4:12

Porín tohuejcautat Jacob techcahuilijteu nijín amel campa yejua no tayaya in at huan campa ne atiyayaj niconehuan, huan no nitapialuan quinatiltiyayaj nican. ¿Xe cachi tejua ya tihueyichiuque huan que ne Jacob?

ROMANOS 9:5

Huan nijín nojudíosicnihuan ten axcan nentinemij, yejuan nojonques teconehuan de toachtopatatuan ten nemicoj ne queman ya. Huan Cristo yolico huan monacayotico intzalan nojudíosicnihuan. Huan Cristo, Yejuatzin Dios. Huan Yejuatzin quinyecantinemi nochi ten ongac. Huan sayó Yejuatzin ma ticmohuistilijtiyacan sen nachipa huan sen nachipa. Amén.

SAN JUAN 19:7

Huan ijcón in tayecanani judíos quinanquilijque Pilato ijcuín: ―Xiconmati que tejuan ticpíaj se tanahuatil ten technahuatía que monequi miquis ne Jesús porín yejua no mopohuac queme Teconetzin de Dios.

SAN JUAN 12:34

Huan ijcón in tagayot quinanquilijque Jesús ijcuín: ―Huan tejuan ticactinemij huan ticleerojtinemij den tanahuatilme de Moisés. Huan yejua techilía que Cristo Temaquixtijque, yejua ne sen nachipa yoltinemis. ¿Quenín tejua tiquijtoa que ne Yectagatzin monequi quiajocuisque huan quicuoupampilosque? ¿Huan aconi nojón ten tejua tictocaytía in Yectagatzin?

SAN JUAN 10:33

Ijcuacón in tayecanani judíos quinanquilijque ijcuín: ―Amo timitztepoxonisque ica por mocualitachihualisuan den ticchihuac ya. Ta, timitztepoxonisnequij porín ticuijuicaltía Totajtzin Dios ica por motajtoluan. Huan tejua no titagat san, pero no timopoutinemi tejua que no ti Dios.

SAN JUAN 8:58

Huan in Jesús quinnanquilij ijcuín: ―Yec melau ten namechilía que achtopa que yolisquía ne Abraham, Nejuatzin ipa niyoltinemi. Porín ni Dios ten nachipa niyoltinemi.

SAN JUAN 5:18

Ica ya nojón in tayecanani judíos cachi oc quinequíaj quimictisque Jesús, porín Yejuatzin quichihuaya mohuiscatequit tech in tonal de nesehuilis. Huan no porín Yejuatzin monejnehuiltiaya sansé queme Totajtzin Dios, cuac quijtoaya que melau Totajtzin Dios yejua ne Itajtzin de Jesús.

SAN MATEO 12:6

Huan Nejuatzin namechyequilía que nican niyetoc huan cachi nihueyichiuque que ne tiopan de Dios.

SAN MATEO 3:9

Huan ma amo ximoyolueyichihuacan san namejuan cuac nanquinemilíaj que namejuan nanteixuihuan den ne hueyi tanahuatijque de Dios Abraham. Porín xicmatican que amo teyica namechpalehuis ica nojón tajtólme. Porín namechyequilía que Dios cuali hueli quinchihuas ica nijín teme ocsequin teixuihuan de Abraham ten tacuautamatinemij ihuantzinco Dios.