SAN JUAN 7:23 - Nahuatl Highland Puebla

²³ Huan namejuan nanquinnescayotij in oquichpilme, masqui tech in tonal de ne nesehuilis, para ijcón nanquitacamatisque ne tanahuatilme de Moisés. Huan como ijcón no namejuan nanquichiutinemij, ¿queyé namejuan nanyolcualanij nohuan porín Nejuatzin nicyecajsicapajtij ne tagat tech ne tonal de nesehuilis?

SAN JUAN 7:23 Iomraidhean Croise

SAN MATEO 12:10

Huan ompa tocotzyetoya se cocoxque den imay mamijmiquilotic. Huan in tagayot judíos sayó quipijpixtinemíaj Jesús para quenín huelis quiteluilisque. Huan ijcón yejuan quitajtoltijque Jesús ijcuín: ―¿Xe Dios quimonequiltía ma onga tapajtilis de cocoyani tech nijín tonal de nesehuilis?

SAN MATEO 12:2

Huan cuac in fariseos quinitacque ton quichiutiyayaj imomachtijcahuan, ijcuacón quilijque Jesús ijcuín: ―Xiquita, momomachtijcahuan quichiutocque ten amo monequía quichihuasquía tech nijín tonal de nesehuilis.

SAN MATEO 12:5

Huan, ¿xe amo no nanquileerojque tech in tanahuatil de Moisés que ne tiopixcame judíos tequitij tech in tiopan de Dios masqui tech in tonal de nesehuilis? Pero yejuan amo motajtacolmacaj cuac tequitij tech in tonal de nesehuilis.

SAN JUAN 5:10

Huan ijcón in tayecanani judíos quilijque ne tagat ten tapajtil ya ijcuín: ―Axcan tech nijín tonal de nesehuilis, ne tanahuatil de Moisés amo techcahuilía ma xicmama mocochpet.

SAN JUAN 7:21

Huan in Jesús ocsepa quinnanquilij in tagayot ijcuín: ―Huan nochi namejuan nannechueyimoucaitacque porín nicchihuac sesan mohuiscatequit tech ne tonal de nesehuilis.

SAN JUAN 9:16

Ica ya nojón senme de nojón tayecanani fariseos quijtoayaj ijcuín: ―In tagat ten quichihuac nijín tequit, yejua ne amo melau pohui ihuan Dios, porín yejua amo quitacamati in tanahuatil de ne tonal de nesehuilis. Huan ocsequin tayecanani no quijtoayaj ijcuín: ―¿Quenín huelis quichihuas se hueyi mohuiscatequit, como yejua se tajtacole huan amo quitacamatic in tanahuatil de Moisés? Huan ica por nijín tajtolme in fariseos mocualancaxejxelojque se huan ocsé.