SAN JUAN 2:4 - Nahuatl Highland Puebla

⁴ Ijcuacón Jesús quinanquilij inantzin ijcuín: ―Tejua nonantzin, ¿queyé ijcón tinechilía? Porín cuali ticmati que ayamo ejcoc in tonal de notequiu.

SAN JUAN 2:4 Iomraidhean Croise

SAN MATEO 15:28

Huan ijcón in Jesús tananquilij ijcuín: ―Tejua sihuat, semi hueyi motacuautamatilis; huan axcan ma mochihua ijcón queme tejua ticnequi. Huan ijcón ne isihuapil nimantzin pajtic.

SAN MATEO 8:29

Huan in omen peuque tzajtzij ijcuín: ―¿Toni ticpía tohuan, Jesús, Teconetzin de Dios? ¿Xe tihuala nican para titechtajyohuiltis tejuan achtopa que hualasquía ne tonalme de tatzacuiltilis?

SAN LUCAS 2:49

Ijcuacón in oquichpil Jesús quinnanquilij ijcuín: ―¿Queyé ay nannechtemojtinemij? ¿Xe amo nanquelnamiquij que nejua nicpía de nimotequitilis tech in tanextililis de Notajtzin Dios?

SAN JUAN 12:23

Ijcuacón in Jesús quinnanquilij ijcuín: ―Yec melau ejcoc ya in tonal cuac Nejuatzin ni Yectagatzin nechueyipantayecancaquetzas Notajtzin Dios.

SAN JUAN 13:1

Huan ne tonal achtopa que pehuas ne tajyohuilis iluit mochihuac nijín: Jesús ipa quimatoya ya que ejcotoc ya in tonal cuac Yejuatzin quicahuas nijín talticpac huan yas quiajsitiu ocsepa Nitajtzin Dios. Huan ijcón Yejuatzin nachipa quinyoltasojtatihualaya nimomachtijcahuan ten yetoyaj ihuan nican talticpac. Huan cachi oc Jesús quinyoltasojtac nimomachtijcahuan hasta tech nojón tonal de nimiquilis.

SAN JUAN 2:3

Huan mochihuac que cuac tacuajtoyaj ya, ijcuacón tamic ne vino. Huan inantzin Jesús quilij Jesús ijcuín: ―Amo quipíaj oc ne vino.

SAN JUAN 20:13

Ijcuacón in ángeles quitajtoltijque María ijcuín: ―Tejua sihuat, ¿queyé tichocatoc? Huan yejua quinnanquilij ijcuín: ―Nichocatoc porín cuiyacque ya Notecotzin Jesús, huan axcan amo nicmati can quitalitoj.

SAN JUAN 20:15

Ijcuacón in Jesús quitajtoltij María ijcuín: ―Tejua sihuat, ¿queyé tichocatoc? ¿Aconi tictemoa? Huan ijcón in María quiyolnemiliaya que xa yejua ne xochimilajpiaque. Ica ya nojón María quilij ijcuín: ―Tejua tagatzin, como tejua ticuiyac inacayo in Jesús, nimitzontatautía que xinechonili can ticahuato para ma nejua nicuitiu.

SAN JUAN 7:30

Huan ica por nijín tajtolme de Jesús ne tayecanani judíos quinequíaj quiquitzquisque Jesús queme se preso. Pero amo aquen quiajcolquitzquijtoj porín tech ne tonal ayamo ejcoc in hora cuac monequis quiquitzquisque Jesús queme preso.

SAN JUAN 7:6

Ijcuacón in Jesús quinilij iicnihuan ijcuín: ―Ayamo ejcoc ne hora cuac monequis nimotenextilis ica notequihuan. Pero namejuan cuali nanuelisque nanmotenextilisque de namotamachilis ten yesqui hora.

SAN JUAN 7:8

Xiyacan namejuan, nocnihuan, xiiluititij. Nejua amo niyás niiluititiu porín ayamo ejcoc ne hora cuac monequi nimotenextilis senteixteno ihuan in pueblojuani.

SAN JUAN 8:20

Huan nochi nijín tajtolme Jesús quijtoaya cuac tamachtijtoya ne tiopanijtic campa ne yetoyaj ne tomin ehualonime campa in tagayot quitemacayaj para Dios de nintetayocolil. Pero amo aquen quiquitzquijque Jesús queme preso porín ayamo ejcoc in tonal cuac monequía quiquitzquisque.

2 CORINTIOS 5:16

Ica ya nojón tejuan amo tiquinpohuaj acsame ijcón queme yejuan motequitiltijtinemij nican talticpac. Ne achtopa ya, quema, ticpouque Cristo ijcón queme se tagat san ten motequitiltijtinemic nican talticpac. Pero axcan amo ijcón ticpoutinemij oc Cristo. Ta, ticpoutinemij Cristo que Totecotzin ya.