SAN JUAN 11:11 - Nahuatl Highland Puebla

¹¹ Pero mochihuac que cachi satepan Jesús quinilij imomachtijcahuan ijcuín: ―Huan axcan ne totasojicniu Lázaro, yejua axcan cochtoc san. Pero axcan Nejuatzin niyó niquijxititi ma ixpetani ocsepa.

SAN JUAN 11:11 Iomraidhean Croise

SAN MATEO 27:52

Huan motapouque ne tepanme campa talpachiutoyaj in ánimajme huan sequin taneltocani panquisque yoltocque ne ten achtopa momiquilijque. Huan ijcón quisque in ánimajme itech ne tepancalme.

SAN MATEO 9:24

Ijcuacón in Jesús quinilij in tagayot ijcuín: ―Xiquisacan de nican, porín in sihuapil amo miyic. Ta, sayó cochtoc. Huan in tagayot quiquejqueloayaj san de Jesús.

SAN MARCOS 5:39

Huan Jesús calayic calijtic huan quinilij ijcuín: ―¿Queyé nanmotelcuejsoaj huan nanchocatocque? In sihuapiltzin amo miyic. Ta, sayó cochtoc.

SAN JUAN 11:10

Pero como se nemi tech in tayohuayanilot, ijcuacón huelis se motepotamis porín amo ongac tenica se moyecantinemis.

SAN JUAN 11:12

Pero queman ijcón quicacque ya nijín imomachtijcahuan, ijcuacón quilijque ijcuín: ―Totecotzin, tacán melau cochtoc san motasojicniu Lázaro, ijcuacón ocsepa ixpetanis.

SAN JUAN 11:13

Huan in Jesús quinequía quinyecajsicamatiltis que ne Lázaro miquic ya. Pero imomachtijcahuan yejuan quinemiliayaj que in Jesús tajtojtoc de que Lázaro mosehuijtoc san tech in cochilis.

SAN JUAN 11:3

Huan nijín ome sihuame icnime, yejuan quitanahuatilijque in Jesús ijcuín: ―Totecotzin, motasojicniu Lázaro yejua semi mohueyicocoa axcan. Huan Tejuatzin semi ticyoltasojta ne Lázaro.

SAN JUAN 3:29

Huan ijcón in Juan quinnextiliaya in tagayot ica nijín nexcuitil de se nenamictilis: ―Cuac ongac nenamictilis ne naquen cuica in sihuapil, yejua ne iyoquich de ne sihuapil. Huan yetoc se no tasojicniu den teyoquich ten ihuan moixmati huan yetoc inacastan huan quicactoc nochi tenica tajtojtoc ne teyoquich. Ica ya nojón ne itasojicniu semi moyolpactía cuac quicaqui que ne teyoquich tanojnotza. Huan no ijcón nejua queme yesquía ne nitetasojicniu, huan Jesús Yejuatzin ne in teyoquich ten tanojnotza. Huan nejua semi nimohueyiyolpactía porín nicaqui que ne Jesús tanojnotza.

HECHOS 7:60

Huan de ompa in Esteban motancuaquetzac huan tzajtzic chicahuac huan quilij ijcuín: ―Totecotzin, amo xiquintechti que yejuan tajtacolejque nijín taca. Huan cuac Esteban quitamiijtoj ya nijín tajtolme, ijcuacón momiquilij.

1 CORINTIOS 15:18

Huan tacán amo melau que Totajtzin Dios quipanquixtij ya yoltoc Cristo Temaquixtijque, ijcuacón nochi ne taneltocani de Cristo ten momiquilijque ya, yejuan nojonques sayó ixpoliuque ya sen nachipa.

1 CORINTIOS 15:34

Xiixpetantocan, nocnihuan, huan xichipaucanentinemican huan amo ximotajtacolmacatinemican oc. Porín nicmati que yetinemij oc namotzalan sequin ten amo quixmatij Dios huan sequin ten amo no tacuautamatinemij inahuatzinco Yejuatzin. Huan nochi nijín namechilía para ica namechpinaucatalis.

1 CORINTIOS 15:51

Pero axcan xicmatican nijín ichtacatamachilisme de Dios. Amo nochi tejuan timomiquilisque. Ta, Totajtzin Dios techtacayojpatas.

EFESIOS 5:14

Ica ya nojón tiquijtoaj ijcuín: Tejua queme yesquía ticochtinemi, nimitzilía que xiixpetani, tejua, huan niman ximoajocui intzalan neques ten yolmictinemij tech in tajtacol. Huan ijcón Cristo mitzyoltahuilis ica Itajtoltzin.

1 TESALONICENSES 5:10

Huan Jesucristo momiquilijtzinoco toixpatca huan quixtahuac totajtacoluan. Huan ijcón masqui tiixpetantosque oso masqui timomiquilisque, pero Yejuatzin quimonequiltía que ma timoajsican iixpantzinco Yejuatzin, huan ma tinentinemisque ihuantzin sen nachipa.

SANTIAGO 2:23

Huan melau ijcón mochihuac queme ijcuiliutoc tech in Tajcuilolamatzin de Dios ijcuín: “Abraham tacuautamatic ihuan Dios; ica ya nojón Yejuatzin quipohuac Abraham yolchipahuac ica por ne itacuautamatilis huan amo quitajtacolcuiltij oc”. Huan no Yejuatzin quitenehuac que in Abraham catca nitasojtzin de Dios.