SAN JUAN 1:21 - Nahuatl Highland Puebla

²¹ Ijcuacón ocsepa ne tiopixcame quitajtoltijque in Juan ijcuín: ―Pues, ¿aconi tejua? ¿Xe tejua ya ti Elías, ne tanahuatijque de Dios? Ijcuacón in Juan quinnanquilij ijcuín: ―Nión no nejua ni Elías. Huan de ompa ocsepa yejuan quiyectajtoltijque in Juan ijcuín: ―¿Xe tejua ya tihueyitanahuatijque de Dios ten quipía que hualas, Yejuatzin ne Cristo Temaquixtijque? Huan in Juan ocsepa quinnanquilij ijcuín: ―Amo no nejua ninetanahuatijque ten quipías que hualas.

SAN JUAN 1:21 Iomraidhean Croise

SAN MATEO 11:14

Ijcuacón no Jesús quinilij ijcuín: ―Como nanuelij nancajsicamatij nijín tajtol, namechyequilisque que in Juan Taahuijque, yejua ne tanahuatijque de Dios monotza Elías den achtopa quijtojcaj ya in tanahuatiani que hualasquía.

SAN MATEO 16:14

Huan yejuan tananquilijque ijcuín: ―Sequin tagayot quijtoayaj que Tejuatzin ti Juan Taahuijque. Huan ocsequin quijtoayaj que Tejuatzin ti Elías ne huejcautanahuatijque de Dios. Pero cachi ocsequin quinemiliayaj que achá Tejuatzin ti Jeremías, oso achá Tejuatzin se den ocsequin tanahuatiani de Dios den nemicoj ya.

SAN MATEO 21:11

Huan miacque tagayot tananquilijque ijcuín: ―Yejuatzin ya in tanahuatijque ten monotza Jesús huan yejua ne cayot de Nazaret de Galilea.

SAN LUCAS 1:17

Huan ne Juan tayecanaquiu para tanojnotztinemis itencopaca den Totecotzin Cristo. Huan ne Juan quipixtinemis in chicahualis den Yecticatzin Espíritu ijcón queme ne huejcautanahuatijque Elías quipixtinemico. Huan ne Juan quinyoltaliquiu neques tetatme para ma amo mocualantijtinemican ihuan inconehuan. Huan no Juan quinyolmajxitis neques ten amo tatacamatinemij para ma ijcón yejuan no ma momachtican queniu chipaucanemisque ijcón queme chipaucanemij neques ten yolchipauque ya. Huan ijcón in Juan quinyolmajxitijtinemis in tagayot para ijcón cachi huelis quiselisque itanahuatil den Totecotzin Cristo.

SAN JUAN 1:22

Ijcuacón in tiopixcame quilijque Juan ijcuín: ―Pues, ¿aconi tejua ya pos? Xitechili porín tejuan monequi ticuicasque tensá tajtol para tiquinmaquilisque huan tiquinmatiltisque ne naquen techualtitanque. Pues, ¿xe semi amo tihuelis xitechili aconi tejuatzin?

SAN JUAN 1:25

Ica ya nojón yejuan ocsepa quitajtoltijque in Juan huan quilijque ijcuín: ―Pues, ¿queyé tejua titaahuijtinemi? Como tejua amo tion Cristo, huan como nión ti Elías huan como nión no titanahuatijque de Dios ten quipías de hualas.

SAN JUAN 6:14

Huan cuac nochi in tagayot quitacque ya nijín mohuiscatequit ten quichihuac Jesús, ijcuacón yejuan quijtojque ijcuín: ―Melau Yejuatzin ya ne Jesús in Tanahuatijque de Dios ten ipa monequía hualas nican talticpac.

SAN JUAN 7:40

Huan sequin den tagayot cuac quicaquilijque ne tajtolis de Jesús, ijcuacón yejuan quijtojque ijcuín: ―Yec melau ya nijín tagat Jesús yejua ne in hueyi tanahuatijque de Dios ten no monequía hualas.