Filemunə 1:7 - Əka yi Fîə

⁷ Ńté ńgə́ ḿbə́ ndim əgha, akɔŋnə azô á kə ghɛd maŋ kɔŋtə̂ á kə́ néŋ ntə́əmə mə. Gho ghɛd məntɨ́ mə́ pɔ́ pə́ Əsê mə́ chî əshîʼnə.

Filemunə 1:7 Iomraidhean Croise

1 Kɔlintyanə 16:18

Pó nə́ ńgɛd ntə́əmə mə ə́ féŋtə ándó pó nə ńkə́ nə́ ńgɛd ə́wɨ́ ə́ kə́ ə́féŋtə lə̂. Pí nə́ afaʼə pəənə ándó pɨ́d pəənə́.

2 Kɔlintyanə 7:13

Lə́ ghɛd ə́lɨ́d afɨnə azə́gə́ á měe. Lə́ nə ńkě tsɔʼə ńgə́ afɨnə azə́gə́ a měe pô, pəg nə ḿbɨ ḿbyádnə ńchîə á mə́mə akɔŋtə ndzaŋ pəg nə ńdzɨ́ nə́ Taatusə a chîə á mə́mə akɔŋtə ńdaŋ nə́ ndú páʼ pɨ pətsəm nə́ ńkwáatə nə́ á mə́ ghɛd nə́ ntɨ́ yí pwɔ́dnə.

2 Kɔlintyanə 7:4

Maŋ zá ńtəələ̂ ńté áwə́ənə́, ńtúgə a tə́kɔʼ kətɨd ńté áwə́ənə́. Ntə́əmə mə lwɛ́nkə nə́ mbwɔ́dnə. Pɛn pǎtə ńchîə á mə́m məngə́ʼ lə́ ntə́əmə mə pɛ́d ńchî nə́ akɔŋtə.

1 Tesalonyanə 1:3

Ńté ńgə́ pə̈g wə́ʼtə á mbi Əsê a pə́ nə́ Tǎ əwɛ̂n ndzaŋ páʼ pɨ̈ néŋ nə́ mbimə́ əzəənə́ á mə́mə afaʼə, ndzaŋ páʼ akɔŋnə azə́ənə́ ä ghɛd nə́ nə́ néŋ ńtɨ́ nə́ afaʼə. Ńkə́ ḿbə́ ndzaŋ páʼ akwaŋə azɨ́ ńtə́ ḿbyáabə á mə́m Mmaʼmbî əwɛ̂n Yeso Klisto a tɨ́ nə́ ńtyantə̂.

1 Tesalonyanə 2:13

Pəg kə́ ńgɛnə̂ nə́ mbiə á mə́ láʼkə nə́ Əsê ńté ńgə́ ndzaŋ pəg nə ńgyǐ nə́ nə́ atséebə Əsê lə́, nə́ zóʼə ájɨ́d ńkə́ ḿbímə á zə́ələ́. Ńkě pímə zə́ələ́ á pə́ ándó atséebə ŋwu mbî pô ḿbə́ ḿbímə zə́ələ́ á pə́ ándó atséebə Əsê, a pěʼ ńkə́ ḿbə́ zə́ələ́. Ńté ńgə́ Əsê a tə́ faʼə̂ á mə́m pɨ páʼ pó pí nə́ nə́ Yeso.

1 Tesalonyanə 2:19

Lə́ ńté áwɨ́ páʼ pəg túg nə́ akwaŋ ńtə́ ḿbyáabə, ńtə́ ńkɔŋtə̂, ńkɔn ndzɔʼ ńté aŋkəndɔ́ʼə́ azɛ̂nə mbi Mmaʼmbî əwɛ̂n Yeso əghâ páʼ a yǒ nə́ yǐəə.

1 Tesalonyanə 3:9

Əghâ nə́ pəg chîə á mə́ tə́ nə́ láʼkə Əsê ńté áwə́ənə́. Pəg láʼkə yí ńté akɔŋnə páʼ pəg túg nə́ á mbi yí ńté áwə́ənə́.

2 Timotiə 1:16

Ńgə́ Mmaʼmbîə a nəələ̂ akóolə́mə́lə́ŋə á mbô ngwud Onesifolusə, ńté ńgə́ a kə ńnéŋ ntə́əmə mə ngǎ yi nɨ́ nə́. Əsɨ́ nə ńkě yí kó ńgə́ maŋ chîə á nkáʼə́tsáŋ pô,

Filemunə 1:20

Ndimə́ mə, maŋ póʼ mbô ńgə́ gho ghɛlə̂ akwá zəənə́ á mbô maŋə ńté Mmaʼmbîə, ghɛd mbəəmə mə pɔŋə̂ ándó ndimə́ á mə́m Klisto.

2 Jɔnə 1:4

Maŋ nə ḿbyádnə ńkɔŋtə̂ ndzaŋ maŋ nə ńdzɨ́ nə́ pɔ́ pó pətsə́ pó tə́ ńdzoŋə̂ ndə̌ŋdəŋ tsɔʼə ndzaŋ Tǎ a nə sóŋ nə́ á mbô pɛnə̂.