Filemunə 1:22 - Əka yi Fîə

²² Á mə́ pegtə̂ nə́, maŋ póʼ mbô ńgə́ gho tsoŋkə̂ atɔ́gə ndɛ̂ pəghəənə á mbô maŋ ńté ńgə́ maŋ kwaŋ ńgə́ Əsê a yǐ zóʼə achaʼtə́sê azɨ́ pətsəm ə́ pɨ fɛ̂ mə á mbô pəənə́.

Filemunə 1:22 Iomraidhean Croise

Məfaʼə 27:24

a tíʼ sóŋ ńgə́ “Pɔl kɔ pɔ́gə, gho yǐ shib tə́əmə á mbi Kasa, ńté ńgə́ Əsê nə́ ntɨ́ yí yi əshîʼnə ńté gho á fɛ̂ nchîmbî ŋwu ntsəmə á nyi nə́ pɨ po á mbô gho.

Məfaʼə 28:23

Pó tíʼ ńdaʼnə̂ alě pó yǒ nə́ tégə yə́. Ndzaŋə ándó alě yə wə̂ a nə́ ńkoʼ nə́ lə́ pó pipə nɨ́ nə́, pó yǐ ńtéekə a Pɔl aliʼ páʼ a nə ńchî nə́ ə́wə́. Ńchúʼə məsânə tə ńkoʼə̂ á ndɛd nkwanə́, Pɔlə a fiʼtə̂ ághɔ́b nə́ anu ńté anuə nəfoonə Əsê, ńtíʼə ńdoonə̂ á mə́ ghɛd nə́ pó jîə anu ńté Yeso Klisto ńdɔgə̂ aŋwaʼlə pənoŋkə pə́ Mosisə ḿbá əŋwaʼlə páʼ Məntúmə́sê mə́ nə ŋwaʼlə̂ nə́ á mə́ nɨd nə́ ághɔ́b nə́ anu páʼ a pěʼ nə̈ ə́sóŋə.

Lomanə 15:24

maŋ loonə̂ lə́ mə́ faʼ nə́ ə́lɨ́d əghâ nə́. Maŋ yǐ kɔŋə̂ á mə́ ghá nə́ á wɨ́ nə́ ndɛlə́ ándó maŋ tə́ nə́ ńdaŋə̂ ńgɛnə̂ á Spen, ńjî ńgə́ pɛn chî nə́ akɔŋtə nə́ mɔ́ akəmə ndɛd nə́ tíʼ ńkwáalə mə, maŋ ghɛn ə́wə́.

2 Kɔlintyanə 1:11

Ndzaŋə ándó pɨ nə ńkə́ nə́ ńtsɛntə̂ á mə́ kwá nə́ áwə́g á mə́m achaʼtə́sê zɨ lə́, lə́ ndzaŋə ándó Əsê a yǐ nə́ zóʼə achaʼtə́sê azə́ənə́ atsəm, ə́fɛ̂ afoʼə á mbô pəgə́, pɨ pipə nɨ́ nə́ pó tíʼ ńkɔ́ʼkə məngye móobə́ á mbô yí ə́fɛ̂ á ndǎ ńté áwə́gə́.

Filipyanə 1:19

Lə́ ndə̌ŋdəŋ maŋ yǐ kɔŋtə̂, ńté ńgə́ maŋ jî ńgə́ ńdaŋ nə́ achaʼtə́sê azɨ́ ḿbɨ́ ḿbə́ nə́ akwá páʼ á fɛ́d nə́ á mə́mə ajwiə Yeso Klisto, á yǐ ghɛd ńgə́ pə́ fógə a mə á mə́mə atsáŋ zəənə́.

Filipyanə 2:24

Lə́ maŋ néŋ ntə́əmə mə nə́ Mmaʼmbî ńgə́ maŋ nə́ nkɔ̌ʼmbəəmə mə, tsɔʼə nga pɛ̌ maŋ chî tə mbɔʼ maŋ kə́ ńgyǐəə á mbô pəənə́.

Iblus 13:19

Maŋ lánə ńchígə́ ḿbóʼmbô á mbô pɨ ńgə́ nə́ tə́ ńchaʼtə́sê ńgə́ təmbɔʼ Əsê a pɨ ńdzaŋkə̂ ḿbɨnkə̂ mə á mbô pəənə́.

Iblus 13:23

Maŋ loonə̂ ńgə́ pɨ jî ńgə́ ndim əwɛ̂n Timoti á kə fɛ́lə á nkáʼə atsáŋə. Təmbɔʼ a zaŋkə̂ ńgyǐ, tə ḿbə́ maŋ yǐ yǐ lə́ pəg yí nə́ ndɛd maŋ tə́ nə́ ńgyǐəə á mə́ zɨ́ nə́ áwə́ənə́.

Jɛmsə 5:16

Lə́ á pə́ ńgə́ fiʼtə̂ pətəpɔŋ pó á mbô táʼ táʼ ŋwunə ńkə́ ńchaʼtə́sê á mbô ŋwu ntsəmə, ńjî ńgə́ pɨ yǐ féŋtə; Lə́ á pə́ achaʼtə́sê ŋwu páʼ a tɨ́ nə́ ndə̌ŋdəŋə́ a túg mətɨ ńkə́ ńtə́ ḿbyádnə ə́faʼə̂.

2 Jɔnə 1:12

Maŋ túg mənu mimə nɨ́ nə́ á mə́ sóŋ nə́ á mbô pəənə́, lə́ maŋ kě yǐ lɔgə̂ aŋwaʼlə pó nkɔŋə́ aŋwaʼlə ŋ́ŋwaʼlə̂ wɨ́ pô; lə́ maŋ túgə akwaŋ ńtə́ ḿbyáabə ńgə́ maŋ yǐ yǐ ə́zə́ənə áwɨ́ pɛn lɔg ndɛd ńtsáb, ńjî ńgə́ akɔŋtə azɛ̂nə á lwɛ́nkə.

3 Jɔnə 1:14

Maŋ túgə akwaŋ ńtə́ ḿbyáabə ńgə́ maŋ yǐ zə́ənə áwɨ́ tsɔʼə əghâ nə́, ńjî ńgə́ pɛn lɔg ndɛd ńtséebə.