Filemunə 1:17 - Əka yi Fîə

¹⁷ Lə á pə́ ńgə́ təmbɔʼ gho lɔgə̂ mə ándó ŋwu pɔ̌ faʼ nə́, gho kwáalə yí tsɔʼə ndzaŋ təmbɔʼ gho pěʼ ńkwáalə mə.

Filemunə 1:17 Iomraidhean Croise

Matyo 10:40

Ŋwu ntsəm páʼ a pí nə áwə́ənə́ á ndɛ̂ yí, a pí lə́ mə, ŋwu ntsəm páʼ a kə́ nə́ ḿbímə mə á ndɛ̂ yí, a pí lə́ ŋwu páʼ a tú nə́ mə.

Matyo 18:5

Ŋwu ntsəm páʼ a kə́ nə́ ḿbímə mɔ́ nə́ yitsə̌ á ndɛ̂ yə́ á pí lə́ mə.”

Matyo 25:40

Əfo wə̂ a tíʼ ńkwěe ńgə́, Mäŋ fiʼtə̂ áwɨ́ ndə̌ŋdəŋ ńgə́ anuə atsəm páʼ pɨ nə ńgɛd nə́ nə́ táʼ chigə mɔ́ kə́nyaŋ mɔ́mɛ́ mə ghɛn yitsə̌, nə́ kə ghɛd lə́ á mbô maŋə!

Məfaʼə 16:15

Əghâ ándó a nə ńkwá nə́ nkǐ ḿbéenə ŋwu ntsəm páʼ á nə chî nə́ á ndɛ̂ yí lə́, ḿbóʼmbô nə́ pəg ńgə́, “Mbɔʼ nə́ lɔgə̂ á mə́ ándó ŋwu páʼ a néŋ nə́ ntɨ́ yí nə́ Mmaʼmbî, nə́ yǐ ńchîə á ndɛ̂ maŋə.” A kə tə́g nə́ pəteenə́, tə pəg ghɛnə̂.

2 Kɔlintyanə 8:23

Ńgɛn nə́ Taatus lə́ ŋwu pəg yí faʼ nə́, ḿbəənə̂ noolə̂ faʼə̂ á mbô pəənə́. Ńgɛn nə́ pəlim pə́g, pó lə́ məntúmə á mbô mənkyeetə mə́ pɔ́ pə́ Yeso, á mə́ fɛ̂ nə́ nəgháʼə á mbô Klisto.

Efishanə 3:6

Anuə nəlyaŋnə́ zɨ lə́ ńgə́ Pətəjǐsê pó pəjus pó laŋə̂ á mə́m nkɨ yi əshîʼnə ńtíʼ ńchîə azóobə́ á mə́mə afoʼ páʼ á pə́ nə́ yə́ Əsê; pó tíʼ ḿbə́ lə́ əlam táʼ mbɨ, ḿbɨ ńchîə á mə́m ndaʼnə páʼ Əsê a kə ghɛd nə́ zɨ́d ńdaŋə̂ á mə́m Klisto Yeso.

Filipyanə 1:7

Pɨ chîə á ntɨ́ maŋ əghâ atsəmə, a pə́ ńgə́ a koʼnə̂ á mbô maŋ ndzaŋ maŋ kwaŋ nə́ nə́ ndú ghɛn ntê áwɨ́ pətsəm lə́, ńté ńgə́ nə́ kə́ ńchîə á mə́mə anu yə əshîʼnə zɨ Əsê a fɛ̂ nə́ nə́ maŋ leenə́, ḿbá nə́ əghâ nə́ maŋ chî nə́ atsáŋ ńdzoŋ ḿbə́ nə́ ndɛd maŋ kə́ póʼnə nə́ ńté nkɨ yi əshîʼnə ghɛn, ḿbɨ ńgɛlə̂ ńgə́ wɨ́d tɨ́ ńtyantə̂.

1 Timotiə 6:2

Əpoʼ páʼ pətǎ pə́ afaʼ pɔ́b pó pə́ nə́ pɨ pó néŋ nə́ ntɨ́ nə́ Əsê, kɔ pó tyantə̂ atû ńté ńgə́ pó tíʼ ḿbə́ lə́ pəlimə́. Pó pɨ ńchîə pə́ mə́ faʼ nə́ əshîʼnə á mbô pətǎ pə́ afaʼ póobə́, ńté ńgə́ pɨ páʼ pö jî nə́ ape afaʼə azɔ́b lə́ pɨ pó néŋ nə́ ntɨ́ nə́ Əsê ńkə́ ḿbə́ pɨ pó pyádnə nə́ ńkɔŋə̂. Gho chîə á mə́ shib nə́ zéʼkə ə́ kə́ ghɛd pó zoŋ mənu məənə́.

Filemunə 1:10

Mäŋ póʼmbô á mbô gho ńté lə́ Onisimusə, á pə́ nə́ móonə mə á mə́m Yeso. Maŋ nə ḿbímə Tǎ əyə́ á mə́m Klisto ə́fɛ́d əghâ maŋ nə chî nə́ atsáŋə.

Filemunə 1:12

Maŋ pɨnkə̂ yə́ á mbô pɨ əghâ nə́, lə́ yǐ ntə́əmə mə á mbô pəənə́.

Filemunə 1:18

Təmbɔʼ a nə ńgwǔəə anuə á mbô gho kɨ ńgwaamə̂ gho á pə́ nə́ ajûtsə́, gho néŋə zɨ́d nə́ əlɛ́nə mə.

Iblus 3:1

Pəlimə́ mə á mə́m Yeso, páʼ Əsê a kə kə́ nə́ fóŋ! Kwaŋ nə́ Yeso páʼ Əsê a kə tú nə́ yí ńgə́ a pə́ Mbêsê yi Ngweŋ mbimə́ ándó pɛn chî nə́ á mə́m ə́wə́.

Iblus 3:14

Ńté ńgə́ pɛn pətsəm lə́ táʼə ajú pɛ̌npə Klisto páʼ təmbɔʼ pɛn tɨ́ ńtyantə̂ nə́ ńtɨ́ pɛn kə túg nə́ áwə́ələ́ á nəchwaakənə́ ńgɛn ńkoʼə̂ á ndwigtə.

Jɛmsə 2:5

Pəlimə́ maŋ kɔŋ nə́, jwə́ʼtə nə́! Əsê a nə ńtsɔ́ʼ lə́ pəənə ándó pó póŋ nə́ á mə́m mbî ghɛn ńjî ńgə́ pó pə́ pəfoʼə á mə́m mbimə́ ńtíʼ ńtúgə aliʼə́ á mə́mə anuə nəfoonə ají páʼ a nə ńdaʼnə̂ nə́ pɨ pó kɔŋ nə́ yə́.

1 Pita 5:1

Lə́ á pə́ ńgə́, maŋ póʼmbô nə́ mətûə á mə́m pəənə́, ńté ńgə́ maŋ kə́ ḿbə́ lə́ nətûə. Maŋ tséebə ándó ŋwu páʼ a nə ńdzɨ́ nə́ ńkə́ ḿbí ndzaŋ Yeso a nə ńdzɨ́ nə́ ngə́ʼə, maŋ yǐ kə́ chîə á mə́m nəgháʼ nə́ ndɛd páʼ wə́ələ́ á yǐ nə́ yǐəə. Maŋ póʼmbô á mbô pɨ ńgə́,

1 Jɔnə 1:3

Anu pəg zɨ nə́ ńkə́ ńdzóʼ lə́ zɨ́d pəg kə́ nə́ fiʼtə̂ áwə́ənə́. Ńjî ńgə́ pɨ yǐ ḿbegə̂ áwə́gə́ á mə́m nkyeetə pəg túg nə́ pə̂gpə Tǎ, ńdzoŋ ḿbéenə Mɔ́ əyǐ wə́ a pə́ nə́ Yeso Klisto lə́.