Filemunə 1:16 - Əka yi Fîə

¹⁶ Ńkě pɨ ḿbə́ tsɔʼə apoʼ pô, ḿbɨ ńchî tə ńtsɛɛlə̂ apoʼə: Lə́ ndim pɛn kɔŋ nə́ á mə́m Klisto, tə ḿbyádnə ḿbə́ pə́ á mbô maŋə ńkə́ ḿbə́ á mbô pəənə́. Ńkě tsɔʼə ndimə́ á mə́m na mbɨ pó ńkə́ ḿbə́ ndimə́ á mə́m Mmaʼmbîə.

Filemunə 1:16 Iomraidhean Croise

Matyo 23:8

Lə́, kɔ nə pí pə́ fóŋə áwɨ́ ńgə́ ‘Ndzéʼkə’ ńté ńgə́ nə́ túg lə́ tsɔʼə táʼ Mə́sa pɨ pətsəm nə tíʼ ḿbə́ lə́ pɔ́pə́mɛ́.

Məfaʼə 9:17

Ananyasə a tíʼ ńgɛnə̂ a ndɛ̂ yi wɨ́ ńkwú ə́wɨ́ ńnoŋkə̂ mbô míə á ndu Sɔl ə́sóŋ ńgə́, “Ndimə́ mə Sɔl, Mmaʼmbî Yeso páʼ a nə ńjáʼ nə́ á mbi gho á alaŋə́ páʼ gho nə ńtə́ nə́ ńgyǐəə ə́fɛ̂ lə́, a túmə mə ńjî ńgə́ mbɔʼ gho pɨ ńjɨ́ əliʼ ngǎ yitsə̌ ńkə́ ńdwɛ́nkə nə́ Ajwǐəsê.”

1 Kɔlintyanə 7:22

Ńté ńgə́ apoʼ páʼ Mmaʼmbîə a fóŋ nə́, a tíʼ ḿbə́ lə́ ŋwunə á ngǎ yə́ á mbô Mmaʼmbîə. Tsɔʼə nə́ ndú wɨ́d wə́, ŋwu páʼ a nə ńkě nə́ apoʼ pô əghâ páʼ Mmaʼmbîə a nə fóŋ nə́ yí, a tíʼ ḿbə́ lə́ apoʼə á Yeso.

Koloshanə 3:22

Əpoʼ, zóʼnə nə́ pətǎ pə́ faʼ pɨ́ pipə́ ndu mbî nə́ ndú ətsəmə, ńkě faʼə̂ á pə́ əghâ páʼ á chî nə́ aliʼ yi ə́wə́ ándó pɨ pətsə́ pə́ ghɛd nə́ lə́ pô, ə́faʼə̂ á pə́ nə́ ntɨ́ əwɨ́ ətsəm ḿbɔ́gə pə́ Mmaʼmbîə.

1 Timotiə 6:2

Əpoʼ páʼ pətǎ pə́ afaʼ pɔ́b pó pə́ nə́ pɨ pó néŋ nə́ ntɨ́ nə́ Əsê, kɔ pó tyantə̂ atû ńté ńgə́ pó tíʼ ḿbə́ lə́ pəlimə́. Pó pɨ ńchîə pə́ mə́ faʼ nə́ əshîʼnə á mbô pətǎ pə́ afaʼ póobə́, ńté ńgə́ pɨ páʼ pö jî nə́ ape afaʼə azɔ́b lə́ pɨ pó néŋ nə́ ntɨ́ nə́ Əsê ńkə́ ḿbə́ pɨ pó pyádnə nə́ ńkɔŋə̂. Gho chîə á mə́ shib nə́ zéʼkə ə́ kə́ ghɛd pó zoŋ mənu məənə́.

Iblus 3:1

Pəlimə́ mə á mə́m Yeso, páʼ Əsê a kə kə́ nə́ fóŋ! Kwaŋ nə́ Yeso páʼ Əsê a kə tú nə́ yí ńgə́ a pə́ Mbêsê yi Ngweŋ mbimə́ ándó pɛn chî nə́ á mə́m ə́wə́.

1 Jɔnə 5:1

Ŋwu ntsəm páʼ a pí nə́ ńgə́ Yeso lə́ Yi Ńtsəʼ nə́ Wə̂, yí lə́ mɔ́ Əsê, Ŋwu ntsəmə ándó a kɔŋ nə́ Tǎ a kə́ ńkɔŋə̂ mɔ́ əyǐə.