Filemunə 1:14 - Əka yi Fîə

¹⁴ Lə́ maŋ kě kɔŋə̂ á mə́ fyád nə́ gho ńgə́ gho kwáalə mə pô, lə́ maŋ pěʼ ńkɔŋ lə́ ńgə́ gho faʼə̂ zə́ələ́ á pə́ ńkɔŋ gho. Lə́ pə́ ńgə́ maŋ kě yǐ faʼə̂ anu yətsə̌ tə ńdéʼtə gho pímə.

Filemunə 1:14 Iomraidhean Croise

1 Kɔlintyanə 9:17

Təmbɔʼ maŋ pěʼ ńkɔŋ lə́ ngǎ maŋ á mə́ faʼ nə́ afaʼ zɨ, tə ḿbə́ maŋ pěʼ ńtúg ntsɔ́ʼəfaʼə. Lə́ maŋ pɛn ə́faʼə̂ ńkě faʼə̂ lə́ ándó maŋ kɔŋ nə́ pô, ńté ńgə́ lə́ afaʼə Əsê páʼ a fɛ̂ nə́ á mbô maŋə.

1 Kɔlintyanə 9:7

Wə́ənə́ ḿmaʼ ntsoolə ä tû mbɨ əjǐə a ngǎ yə́? Lə́ əwə ŋwu páʼ təmbɔʼ a pǐə akoobə́ mətǐ mə́ məloʼ ḿbə́ ńkě chî təmbɔʼ a kyɛ̂ nəta nə́ atǐ ə́wɨ́ ńjîə? Lə́ əwə ŋwu páʼ a tseŋnə̂ nə́ məna ḿbə́ ńkě chî təmbɔʼ a nô mə́lég pô?

2 Kɔlintyanə 1:24

Pəg kě loonə̂ á mə́ fyád nə́ áwɨ́ nə́ anu mbɔʼ nə́ shib néŋ məntɨ́ mɨ́ ə́wɨ́ pô. Pəg jî ńgə́ nə́ tɨ́ ńtyantə̂ á mə́m mbimə́ əzəənə́. Pəg pə́ ńdoonə̂ ńgə́ pɛn nɔd ə́faʼ nə́ ndú páʼ pɨ yǐ nə́ kɔŋtə̂.

2 Kɔlintyanə 8:12

Təmbɔʼ nə́ kɔŋə̂ á mə́ fɛ̂ nə́ tə ḿbə́ Əsê a yǐ peg məfɛ̂nə mɨ́ ńdaŋə̂ á ndzəmə ajú nə́ túg nə́ á mə́ fɛ̂ nə, ńkě laŋə̂ á pə́ á ndzəmə ajú nə́ kě nə́ túg pô.

2 Kɔlintyanə 9:5

Lə́ á pə́ ńgə́ maŋ nə ńkwaŋ ńgə́ a pɔŋə̂ á mə́ póʼ nə́ mbô á mbô pəlim pɨ ńgə́ pó kwá mbi ńgyǐəə á mbô pəənə́, ḿbeg ńtyáŋtə əpú pɨ kə laʼnə̂ nə́ ńgə́ pɨ yǐ fɛ̂ lə́. Ńdaŋ ə́lɨ́d əpú pə̂ yǐ koʼnə̂ nə́ ndɛlə ándó maŋ yǐ nə́ yǐəə, zəənə́ á tíʼ nɨd ńgə́ pɨ fɛ̂ lə́ ńté ńgə́ pɨ kɔŋə̂ ńkě té á pə́ ńgə́ pə́ fyáalə áwɨ́ pô.

2 Kɔlintyanə 9:7

Ŋwu ntsəmə a fɛ̂ ndzaŋ páʼ ntɨ́ əyí nɨd nə́, kɔ a fɛ̂ á pə́ ńgə́ pə́ fyáalə yí kɨ ńtə́ ə́fɛ̂ ńtə́ ŋ́ŋwuntə̂ ńté ńgə́, Əsê a kɔŋ lə́ ŋwu páʼ a fɛ̂ nə́ nə́ akɔŋtə.