Filemunə 1:10 - Əka yi Fîə

¹⁰ Mäŋ póʼmbô á mbô gho ńté lə́ Onisimusə, á pə́ nə́ móonə mə á mə́m Yeso. Maŋ nə ḿbímə Tǎ əyə́ á mə́m Klisto ə́fɛ́d əghâ maŋ nə chî nə́ atsáŋə.

Filemunə 1:10 Iomraidhean Croise

Magə 9:17

Ŋwu tsə̌ á mə́m ŋwu məsɔŋ wə̂ a kwěe ńgə́, “Ndzéʼkə, maŋ pěʼ ńgyǐ nə́ móonə mə á mbô gho páʼə ajwiə təpɔŋ á chî nə́ á mbɨ yí ńgɛlə̂ ńgə́ kɔ a tséebə.

Lomanə 12:1

Pəlimə́ mə, ńté tə́kɔʼə akóolə́mə́lə́ŋ Əsê á ndu pɛn, maŋ póʼmbô á mbô pɨ ńgə́; nə́ fɛ̂ məmbɨ mə́ənə́ ándó ajúmə afyaʼə́sê páʼ á chî nə́ mbîə á mbô Əsê. Ajúmə afyaʼə́sê yə ŋwaʼ nə́ páʼ Əsê á kɔŋ nə́. Lɛ̌ ndə̌ŋdəŋ ndú páʼ təmbɔʼ pɨ tə́ ngóʼkə Əsê wə́.

1 Kɔlintyanə 4:14

Maŋ kě mənu mɨ ŋwaʼlə̂ lə́ á mə́ néŋ nə́ əsə́ənə á atû pɨ pô, maŋ ŋwaʼlə̂ lə́ á mə́ kwantə̂ nə́ áwə́ənə́ ándó póonə mə páʼ maŋ kɔŋ nə́.

1 Kɔlintyanə 4:15

Ńté ńgə́ təmbɔʼ nə́ pěʼ ńkɔŋ nə́ túgə a pə́ pɨ tɔsə nəghə́m páʼ pö tə́gtə nə́ áwə́ənə́ á mə́m Yeso, jî nə́ ńgə́ nə́ túg lə́ tsɔʼə táʼ tǎ. Ńté ńgə́ maŋ lə́ tǎ əwəənə́ á mə́m Yeso Klisto ńdaŋə̂ á mə́m anǔəsê.

Galeshanə 4:19

Póonə mə pi əshîʼnə, ngǎ yitsə̌, tsɔʼə ándó məngyě a zóʼ nə́ mɔ́, maŋ kə́ ńdzóʼ ntê mbɛ́n yi wə́ ńté áwə́ənə́, tə ńkoʼ nə́ ndɛd páʼ mbɔ́ Klisto a yǒ nə́ ńchîə á mə́m pəənə́.

Koloshanə 4:9

Onisimusə a yǐ ghɛn pó yə́, lə́ ndim əwɛ̂n páʼ pɛn kɔŋ nə́ yə́ a chî nə́ á mə́m nkyeetə zɨ ńkə́ ə́faʼə̂ á mbô Yeso nə́ ntɨ́ yí ətsəm lə́. Pó yǐ tíʼ fiʼtə̂ áwɨ́ nə́ anuə atsəm páʼ á laŋ nə́ ə́fênə̌.

1 Timotiə 1:2

Aŋwaʼlə zəənə́ á ghɛnə̂ lə́ á mbô Timoti páʼ a pə́ nə́ ndə̌ŋdəŋ móonə mə á mə́m mbimə́. Ńgə́ Əsê páʼ a pə́ nə́ Tǎ pó Yeso Klisto páʼ a pə́ nə́ Mmaʼmbî əwɛ̂n pó fɛ̂ á gho nə́ apɔŋə́ntɨ́, pópə akóolə́mə́lə́ŋ ḿbɨ ḿbə́ nə́ mbwɔ́dnə.

Taatusə 1:4

Mäŋ ŋwaʼlə̂ aŋwaʼlə zɨ lə́ á mbô Taatusə, ndə̌ŋdəŋ móonə mə á mə́m mbimə́ páʼ pəg yí nɔd nə́ ńchî ə́wə́. Ńgə́ Əsê páʼ a pə́ nə́ Tǎ pó Klisto Yeso páʼ a pə́ nə́ Nchwádkə əwɛ̂n, pó fɛ̂ á gho nə́ apɔŋə́ntɨ́ pó mbwɔ́dnə.

Filemunə 1:11

A nə ḿbə́ nə́ ndɛd yitsə̌ lə́ a kě atûə anu yətsə́ á mbô gho chî pô, lə́ nə́ əghâ nə́ a chîə atûə anu á mbô pɔ̌ pətsəmə.

Filemunə 1:13

Maŋ pěʼ ńkɔŋə̂ á mə́ mɛdtə̂ nə́ yə́ aliʼə́ nə́ pəg yə́, ńjî ńgə́ təmbɔʼ a kwáalə mə nə́ aliʼə́ azɨ́ ndɛlə́ ándó maŋ chî nə́ atsáŋ ńté nkɨ yi əshîʼnə wə́.

3 Jɔnə 1:4

Anu yətsə́ á kě ə́wɨ́ chî təmbɔʼ á ghɛd maŋ kɔŋtə̂ ńtsɛ ńgə́ maŋ zóʼ ńgə́ póonə mə pó tə́ ńdzoŋə̂ ndə̌ŋdəŋ pô.