Biblia Todo Logo
Bìoball air-loidhne

- Sanasan -




1 Jɔnə 1:3 - Əka yi Fîə

3 Anu pəg zɨ nə́ ńkə́ ńdzóʼ lə́ zɨ́d pəg kə́ nə́ fiʼtə̂ áwə́ənə́. Ńjî ńgə́ pɨ yǐ ḿbegə̂ áwə́gə́ á mə́m nkyeetə pəg túg nə́ pə̂gpə Tǎ, ńdzoŋ ḿbéenə Mɔ́ əyǐ wə́ a pə́ nə́ Yeso Klisto lə́.

Faic an caibideil Dèan lethbhreac




1 Jɔnə 1:3
38 Iomraidhean Croise  

Lə́ nə́ pə́ əghâ nə́, maŋ tə́ ńgyǐəə á mbô gho, maŋ kě á mə́m mbî pɛ́d pô, lə́ pó pə́ ḿbɛ́lə á mə́m mbîə. Tǎ mə páʼ gho ŋwaʼ nə́, pyáabə ághɔ́b nə́ mətɨ páʼ mə́ chî nə́ nə́ əlɛ́n əghô, əlɛ́n ə́wə́ páʼ gho nə fɛ̂ nə́ nə́ maŋ lə́; ńjî ńgə́ pó pə́ táʼ tsɔʼə ndzaŋ páʼ pɔ̌ pə́ nə́ táʼ lə́.


Maŋ chaʼtə́sê ńgə́ mbɔʼ pó pətsəm yǐ ḿbə́ táʼə. Tǎ! Ghɛd pó chîə á mə́m pɔ̌, tsɔʼə ndzaŋ páʼ gho chî nə́ á mə́m maŋə, maŋ kə́ ńchîə á mə́m gho lə́. Ghɛd pó pə́ táʼ ŋwu, ńjî ńgə́ mbî pí ńgə́ lə́ nə ńtú gho ńtúmə mə.


Tǎ mə páʼ a tɨ́ nə́ ndə̌ŋdəŋə́! Mbî kě a gho jî pô, lə́ maŋ pə́ ńjîə gho, lə́ pó pə́ ńjî ńgə́ lə́ tú gho ńtúmə mə.


Lɛ̌ nchîntɨ páʼ ḿmɛdnə̂ ngǎ mɔʼə́ ńgə́, pɨ pə́ jî ńgə́ gho lə́ ndaʼ ndə̌ŋdəŋ Əsê, ńkə́ ńjîə Yeso Klisto páʼ gho nə ńtú nə́.


(Ŋwu páʼ a nə ńdzɨ́ nə́ anu zəənə́ a lɔgə̂ aliʼ lə́, a kə tsáb ńté ázə́ələ́, ńjî ńgə́ təmbɔʼ nə́ kə́ ḿbímə. Anu páʼ a kə sóŋ nə́ lə́ ndə̌ŋdəŋə́, ńkə́ ńjî ńgə́ á tséebə lə́ ndə̌ŋdəŋə́.)


“Pəg fiʼtə̂ áwɨ́ nə́ nkɨ yi əshîʼnə ńgə́, anu páʼ Əsê a nə ńdaʼnə̂ nə́ pətǎ pɛnə̂,


Jɨ́ nə́, pɨ ngaŋə́leŋnə pɨ, á yǐ tsɛɛlə̂ áwɨ́, nə́ kwúkə, ńté ńgə́ maŋ yǐ faʼə̂ anu yitsə̌ á mə́m ndɛd əzəənə́ á ndu ndəsê, anu páʼ nə́ kě nə́ ntɨ́ wə́ yǐ néŋ pô, páʼ təmbɔʼ ŋwu tsə̌ a pěʼ ḿbǎtə ḿbyáatə zɨ́d pyáatə nə́ ə́fiʼtə̂ áwə́ənə́.


Pó nə fɛ̂ ndɛd əzoobə́ á mə́ zéʼ nə́ á mbô məntú mə́ pó po kə̈ faʼə̂ mənu nə́ apô mɔʼə́ á mə́m nkyeetə ńkə́ ńtûə ńnoolə̂ ńjîə məjî ńchaʼtə́sê.


Maŋ sóŋ lɛ̌ ńté lə́ ńgə́ maŋ kě chîə tə ghə́ maŋ fiʼtə̂ áwɨ́ nə́ anuə atsəm páʼ Əsê a lɔ́btə nə́ ńté áwɨ́ pô.


Mbɔʼ pəg kě chî tə ghə́ pəg tə́ fiʼtə̂ anu pəg nə ńjɨ́ nə́ ńkə́ ńdzóʼ pô.”


Lə́ kɔŋ pó a ngǎ pó á mə́ faʼ nə́ ə́lə́ələ́, lə́ nə ḿbə́ aliʼə́nuə azóobə́ á mə́ kwá nə́ pəfə́m pə̂. Təmbɔʼ Pəjus pó nə̈ ńgeebə̂ afoʼə ajwi ə́fɛ̂ á mbô Pətəjǐsê, lə́ á kə́ ḿbə́ ndzaŋ Pətəjǐsê pó yǐ nə̈ gheebə̂ apeʼə azɔ́b ə́fɛ̂ á mbô Pəjusə.


Lə́ ghɛd Əsê ńgə́ pɛn pə́ táʼə á mə́m Yeso Klisto, lə́ kə́ ńgɛd tsɔʼə yí ńgə́ Yeso a pə́ ayáŋə azɛ̂nə, ńdaŋə̂ a ndzəm yí pɛn tɨ́ ndə̌ŋdəŋə́ á mbi Əsê, ńtíʼ ḿbə́ pɨ pə́ Əsê pipə ŋwaʼ nə́, Əsê a chwádkə nə́ áwɛ̂nə á mə́m təpɔŋə.


Əsê páʼə a kě nə́ ntɨ́ əyí kwúblə pô lə́, lə́ fóŋ yí ə́fóŋə áwɛ̂n ńgə́ pɛ̌npə mɔ́ əyǐ Yeso Klisto ándó a pə́ nə́ Mmaʼmbî əwɛ̂nə ə́ chîə nəkaʼə́.


Əghâ nə́ nə́ pəlimə́ mə, maŋ loonə̂ á mə́ kwúmtə nə́ áwɨ́ nə́ nkɨ yi əshîʼnə páʼ maŋ nə ńnáŋkə nə́ á mbô pɨ lə̂, nkɨ páʼ pɨ nə́ ńdzóʼ nə́ áwɨ́d ńkə́ ńtɨ́ ə́wɨ́ ńtyantə̂.


Anuə nəlyaŋnə́ zɨ lə́ ńgə́ Pətəjǐsê pó pəjus pó laŋə̂ á mə́m nkɨ yi əshîʼnə ńtíʼ ńchîə azóobə́ á mə́mə afoʼ páʼ á pə́ nə́ yə́ Əsê; pó tíʼ ḿbə́ lə́ əlam táʼ mbɨ, ḿbɨ ńchîə á mə́m ndaʼnə páʼ Əsê a kə ghɛd nə́ zɨ́d ńdaŋə̂ á mə́m Klisto Yeso.


Pɨ chîə á ntɨ́ maŋ əghâ atsəmə, a pə́ ńgə́ a koʼnə̂ á mbô maŋ ndzaŋ maŋ kwaŋ nə́ nə́ ndú ghɛn ntê áwɨ́ pətsəm lə́, ńté ńgə́ nə́ kə́ ńchîə á mə́mə anu yə əshîʼnə zɨ Əsê a fɛ̂ nə́ nə́ maŋ leenə́, ḿbá nə́ əghâ nə́ maŋ chî nə́ atsáŋ ńdzoŋ ḿbə́ nə́ ndɛd maŋ kə́ póʼnə nə́ ńté nkɨ yi əshîʼnə ghɛn, ḿbɨ ńgɛlə̂ ńgə́ wɨ́d tɨ́ ńtyantə̂.


Nchîmbî əzəənə́ á mə́m Klisto ə́ ghɛd pɨ tyantə̂, akɔŋnə ajíə a kə̈ ńdegtə̂ ntɨ́ əwə́ənə́. Nə́ kə́ ńtûə ńkyeetə̂ pɨ̌pə Ajwi, ḿbɨ ńkə́ ńtúg ntɨ́ yi əshîʼnə pópə akóolə́mə́lə́ŋə á mə́m pəənə́.


Ndaʼə anu páʼ maŋ lɔ nə́ lə́ á mə́ jî nə́ Klisto, á mə́ jî nə́ mətɨ páʼ a kə túg nə́ nə́ ndɛlə́ a kə júmnə nə́ nəwûə, ə́ pɨ jɨ́ ngə́ʼə ándó yí ə́ kə́ chîə ándó yə́ á mə́m nəwû əyǐə,


A fógə áwɛ̂nə á mə́m mətɨ mə́ ndzəmə́ ńtíʼ ńgyǐ nə́ pɛnə̂ á mə́mə anuə nəfoonə Mɔ́ əyǐ a kɔŋ nə́,


ńkə́ ńtə́ ḿbyáabə a mɔ́ əyǐ ńgə́ a lǒo á nəpó ńgyǐəə. Mɔ́ əyǐ Yeso páʼ a kə́ júmkə nə́ á nəwûə. Ḿbə́ Yeso páʼ a nə ńchwádkə nə́ áwɛ̂nə á mə́mə azáŋə́ndé Əsê páʼ á chî nə́ á mə́ yǐ nə́.


Əpoʼ páʼ pətǎ pə́ afaʼ pɔ́b pó pə́ nə́ pɨ pó néŋ nə́ ntɨ́ nə́ Əsê, kɔ pó tyantə̂ atû ńté ńgə́ pó tíʼ ḿbə́ lə́ pəlimə́. Pó pɨ ńchîə pə́ mə́ faʼ nə́ əshîʼnə á mbô pətǎ pə́ afaʼ póobə́, ńté ńgə́ pɨ páʼ pö jî nə́ ape afaʼə azɔ́b lə́ pɨ pó néŋ nə́ ntɨ́ nə́ Əsê ńkə́ ḿbə́ pɨ pó pyádnə nə́ ńkɔŋə̂. Gho chîə á mə́ shib nə́ zéʼkə ə́ kə́ ghɛd pó zoŋ mənu məənə́.


A Sóŋə á mbô Əsê ńgə́, “Maŋ yǐ tsáb té gho á mbô pəlimə́ mə, maŋ yǐ ŋáŋkə gho á mə́m nkyeetə əzoobə́.”


Pəlimə́ mə á mə́m Yeso, páʼ Əsê a kə kə́ nə́ fóŋ! Kwaŋ nə́ Yeso páʼ Əsê a kə tú nə́ yí ńgə́ a pə́ Mbêsê yi Ngweŋ mbimə́ ándó pɛn chî nə́ á mə́m ə́wə́.


Ńté ńgə́ pɛn pətsəm lə́ táʼə ajú pɛ̌npə Klisto páʼ təmbɔʼ pɛn tɨ́ ńtyantə̂ nə́ ńtɨ́ pɛn kə túg nə́ áwə́ələ́ á nəchwaakənə́ ńgɛn ńkoʼə̂ á ndwigtə.


Lə́ á pə́ ńgə́, maŋ póʼmbô nə́ mətûə á mə́m pəənə́, ńté ńgə́ maŋ kə́ ḿbə́ lə́ nətûə. Maŋ tséebə ándó ŋwu páʼ a nə ńdzɨ́ nə́ ńkə́ ḿbí ndzaŋ Yeso a nə ńdzɨ́ nə́ ngə́ʼə, maŋ yǐ kə́ chîə á mə́m nəgháʼ nə́ ndɛd páʼ wə́ələ́ á yǐ nə́ yǐəə. Maŋ póʼmbô á mbô pɨ ńgə́,


Pəg nə ńkě lɔg lə́ pəpóʼ páʼ pɨ pó kə maʼ nə́ á mə́ fiʼtə̂ nə́ áwɨ́ ndzaŋ Mmaʼmbî əwɛ̂n Yeso Klisto á yǒ nə́ yǐ nə́ mətɨ pô. Pəg lə́ pɨ páʼ pó kə́ zɨ́ nə́ ndzaŋə a gháʼ nə́ ńkə́ ḿbí ńgə́ lə́ ndə̌ŋdəŋə́,


Pəg ŋwaʼlə̂ aŋwaʼlə zəənə́ á mbô pɨ ńté lə́ atsáb páʼ ä fɛ̂ nə́ nchîmbîə, zə́ələ́ á kə chî wɨ́ ə́fɛ́lə á nəchwaakənə́. Pəg kə zóʼə anu ńté atsáb zɨ ńkə́ ńdzɨ́ nə́ əmə́g mə́gə́. Lə́ ndə̌ŋdəŋə́, pəg kə zə́ənə zə́ələ́, mbô mə́g mə́ kə́ ńkwumə̂.


Nə əghâ nə́ lɛ̌ nkɨ páʼ pəg zóʼ nə́ á mbô Mɔ́ əyǐ ńtíʼə ə́fiʼtə̂ áwə́ənə́. Nkɨ yi wɨ́ lə́ ńgə́: Əsê lə́ nkyaʼə, ndzəmə́ yi ndaʼ ə́ kě nə́ yí chî pô.


Lə́, mbɔʼ pɛn chîə á mə́m nkyaʼ, tsɔʼə ndzaŋə a chî nə́ á mə́m nkyaʼ, pɛn tíʼ ńchîə nəkaʼ pɛ̌npə pɔ́pə́mɛ́ pətsəmə, achǐə Yeso a pə́ nə́ Mɔ́ əyǐə á yǐ sog pətəpɔŋ pɛnə̂.


Lean sinn:

Sanasan


Sanasan