Rut 3:9 - Dupade Uruode

⁹ Ga jé u uje Booz jĩraque catecã́ri chequé iji darídedie ga chojningame: –¿Ama ua goto a?– Ga jé u uje Rut chojninga: –Cachi barogué Rut uyu arĩa.– Ga Rut chojningápome Booz rĩ: –Jé areque jeta ójiji yari to uje yiyoquíjna casica iguiosipise ua gu. Jé tiógara jeta añuru yio to ga o bacoté iji yu.–

Rut 3:9 Iomraidhean Croise

Lúcas 14:11

Jé u ujetiga uté gosi cho cuchadatéji re ga Dupade a sosi gosi iji jnumi jne. Mu uté gosi uje que ibijoque to mu a Dupade sosi uté gosi iji gaté jne uje que cho cuchadatéji re gu.–

Rut 2:20

Enga jé u uje Noemia chojninga: –A Dupade chatapísaja Booz uté jne ome icaniratiguédatéode udore jne. Uje que gusu icaniratiguéode uje chátaja yoque iji de. Mu caniranguipise to ome uyoque nanique uje qué yabai ore eca to nanique. Enga yabai iguiosipise uté to, ga uté gajnei jé u to ujetiga chajire gadode to uje iguiose casica yabai toi ica gu. Jé aja ua to uje yujnacari casica acoté ua to ica gu.–

Rut 3:10

Ga jé u uje Booz chajnai Rut uruode: –Jé yajéode u to ga yacaranguipísome Pangarádejnai Dupade uje bango ua aja yu to. Ga a Dupade chatapísaja ua jne ome bacaniratiguéode udore. Yirajapise uje a ajnorapise babai ica ga bacuepoi iguiosode uyoque rĩ. Bamo uje jnacarode déji yocujade ga omipíso ore ome yu. Ayoré gajnareque udore uñane, jé ataque uñéngo to, enga bacuegode urásu udore uñeque ga orase babai iji uñeque. Mu jé arec uje bacuegode u babai casica iguiosipísode uyoque.–

Rut 3:12

Mu Booz chojningame Rut: –Yaníri tu uje babai casica iguiosipísi qué eca uje ore chojmarápise iji jnumi. Ga uté gajnei turásu jeta chóji bari to. Ga a uté chãraque ua ome yu jne, ga a ca toque jne jeta yóji bari. Jeoga juéga ua ome yu ga jé areque to.–

Rut 3:8

Ga e chise dejnínga gatócoro ga jé u uje Booz cho cuyuque ga chajire darídedie, mu chimo chequéraguiji. Ga tṍra rome.

Rut 4:4

Yicatecã́ri ua iji de jeta apota jeta be oré tome. Uje yicatecã́ri ua gu uje ore iguiosipísi tu ua, ga jé tiógara jeta be oré tome. Jeoga ca be, ga yiji jne. Chamáñaje ore iguiosi tu yu to, mu ua u uje ore iguiosipísi tu ua. Ga be, ga ango báyipierigui aja yocangaránone, yocujode jnanío ore iji yoquiquei ujetiga etaque ga jé dóji, ga ore chiraja báyipiedie quitígo jnese.– Ga catecãraini uté chajnai Booz uruode ga chojninga: –Ejẽ́. A yiji Elimelec casica gajnei jnupe oredie jne.–

Rut 4:6

Ga jé u uje Rut abai casica iguiosipísi chajnai Booz uruode ga chojninga: –Jé ũrepise ua. A jé ca yiji Elimelec casica gajnei jnupe oréraque jne. Uje que yipota jeta yo yacoté iji uaté, mu jé basa uaté atique chorase dajnéngu yigaidi jnupe. Jecute yisi ome ua ore gajnei jnupe jeta be orerángome jeta jé bajéo ome to.–

1 Samuel 25:41

Ga Abigail chachietáji udore ore uruode ga chichaga dagataidie aja jnumi iji David irógode udore ore iquei. Enga catecã́ri ore ga chojninga: –Cachi David irogue yu arĩa. Ga yachietai uté iroquéode ome yu. Jeta chiroque yu aja cuchárique ga jĩraque yipésu. Mu ujetiga chiroque yu aja darótique ayoré gajnareque guídade marínga, a jé yuru, uje uté urúo ome yu gu.–