Rut 3:7 - Dupade Uruode

⁷ Ga Rut e di mu chajire ore iji quedéjnai. Ga chimo uje Booz qué ore taque ga ore chójiapo dajotai te rĩ ga ore cha chagu mu qué ore catecãrápoi ñane rĩ. Ga chimópise uje Booz irasiguipise re ome darógode ore. Ga chimo uje ore chague jmame ga ore chisite rágaja quedéjnane uje ore chucué damochátigo iji dati. Ga chimo uje Booz pésu damochádi iji irógode idasugode unucodé ejópisi. Mu uje e ore mopise jnese ga jé u uje Rut jno ga quĩrique digája darídedie eruéode. Ga que uñeque chunina guichárique. Ga jé u uje chise Booz ga chisa itarãpei eruei ga jé chãrai itarãpei eruei iji gaté ga jé u uje moji guídedie ga chaco itarãpei dabai to.

Rut 3:7 Iomraidhean Croise

Génesis 43:34

Enga José uyade jé ore posode u José posode to uje déji uté atigabié mésa gai. Mu chĩretápise Benjamín gajné ga suépise uyade ore gajnéone gai. Enga José uyade ore chójiapo José jopidé jnese, enga quigade enga José, uyade, desai ore nína ñane jnese.

2 Samuel 13:28

Enga chojningame darógode ore: –Adójnachopísa Amnón jne. Jetiga subudé ga ũruso iji dajódi yoquijotaque jne, ga a yiroque uágaja uté jne ga jĩraque ajéyo uté jne. Ga jé ca atodóyo jne jetiga ajéyo uje a uyu u jeta yo yiba uté, mu uaque ga a ca oyo uacaba gotique jne. Ga ca agutúyo uágome uté jne.–

1 Reyes 21:7

Ga acoté Jezabel chajnai dabai uruode ga chojninga: –¿Ama cuchárique u gu a uje eduguéjna cuchape ua iji barasade israélgose ore ujade, mu que be bajéode ome cuchade udojo? Ãriji ga agu babosode to, enga ca o báyugu ua ome cuchade. Uje a uyu u jne ujetiga yiji jezreélgosi Nabot uté acadie úvai jogadi ome ua.–

Ester 1:10

Enga ore irasiguipise ñane jnese iji pininaquéode jogadi uté nanique uje guejnane dire gare iji ti nanique. Enga chise ore ininaquei erueminóri dire nanique ga yote pioi yuque ore eduguéjnai Asuéro uté. Ga jé u nanique uje chiroque darógode aja dacoté yui ujetiga ore di údi iji jnanione charidi. Ga chojninga: "Angoñome jne jetiga chacája dayo nanganatátique coróna jeta chicáji de." Gaidi u gu jeta jorane eduguéjna, urasapísode jnanío ore chajire acoté to. Chamáñaje omepise Vásti uaté gu. Enga irógode udore uje ore jno deduguéjnai uruode údi ome acoté ore íode u udojo nanique: Mehumán, Bízta, Harbóna, Bígta, Abágta, Zetar, Carcás ore.

Sálmos 104:15

Ga ore acaque uña uje i tu úva, adie otadi u uje pésu ore itijínaquéode iji ore ucuecaringuei; jé basa ga aceite u uje pésu udore ore enochai ga cho nánga, nánga; jé basa ga arureque pibosode udore u uje chisíome petotiguei ome dagunorone udore.

1 Coríntios 10:31

Ujetiga agu cuchárique, jeoga óji bajótique, jeoga apésu cucha uñeque, mu acha báyipie aja Dupade uje qué bagúsiji bapesudi tuté gai. Uje bagaidi tu gu ujetiga ca pujñiete Dupade ome uñeque gu basocárique, mu bacuei turásu ujetiga picotaque Dupade gatuaque ome bapesudode jnese.

Efésios 5:18

Jé ca ũruso uágome vínoi, yote pioque ponáyone udore jnese, yijorane uaque á. Chamáñaje yote pioi yugode ijocayato tu dajodé uaté, enga ore ũrusoringuéone chiborátaja pisoca noñaque ponáyone jnese uje pajegátigai gose pisocade udore. Jé basa ga eduyo ajuécho uágome Dupade Ujopié Espíritu Sánto uaté, ujetiga uaté u uje chĩreta uacáyipiedie ome dajequigode cucha enga chijocase uaque gatuaque.

Juéces 16:25

Ga ore chutṍri dasutedie jeta ore chijnája ore ajñamini to. Enga ore doi Sansón iji jogadi ga ore chijna aja ore ajñamini jogapi guiguíjna ajei. Ga ore chicháji dajñamini guiguíjna cutádedie ujai ga ore chujñieta uté ome dajñiequéode.

Juéces 19:22

Levígosi, guiguíjnai iguíjnasṍri ore irasique ñane ga qué ore catecãrirási ñane, mu jnani cucha bisidégode iji ore idai uté chaparu guiguíjnai uté gai, ga ore chujé guiguíjnai piagoi. Enga ore chinguíra dabijnani aja guiguíjnai iguíjnasṍri enga ore chojningame: –¡Ajnime jnani uje di iji uaque! ¡Yipótago jeta yimóngo iji gari á!–

Juéces 19:6

Enga udore ore chácare ga ore taguíji ñane gari, levígosi iyoquíjnai ore. Enga gapua dayé chojninga: –Ácayope to ga oyope uacajñare ome dire uñai yui.–

Juéces 19:9

Levígosi e dimane acoté, iroi ore jeta ore jnorase, mu iyoquíjnai chojninga: –Ácayope to. Guedé e idája iji jnumi, ga amóñomíji de to rĩ, enga yugúcobi ñane gari iji dejai tudé ga yicatecãcoi ñane ga a quene obechoi doi dirome.–

Rut 3:6

Ga jé u uje Rut dopísi dejo uruode ga pésupúsu re ga jé chicáji Booz yui iji ore idasupídebei.

Rut 3:8

Ga e chise dejnínga gatócoro ga jé u uje Booz cho cuyuque ga chajire darídedie, mu chimo chequéraguiji. Ga tṍra rome.