Rut 3:1 - Dupade Uruode

¹ Ga chise diri nanique uje Noemia catecãrápoi dacaria gaté rĩ. Ga chojningame: –Ueradéjna jeta yucué bamanique ome ua jne, ga pininaquei jogadi tu ome ua jne.

Rut 3:1 Iomraidhean Croise

Génesis 40:14

Enga José qué jno daruode údi ome uté enga chojningame: –Ujetiga yuruode tocade jne enga ca acadígui yu jne. Ango yu ome Faraón iji iquénique jne. Ja seca pota jeta chijnime uyu iji de to jne. Osõripise yu enga be yuruode udore jne.

Sálmos 128:2

Bamaningone cucha ome bajmainie u uje pésu ga bagome udore. A anína ua jne, ga jecucha batijína gatuaque.

1 Coríntios 7:36

Ujetiga gosi chaquĩ́ra daróraque ome jnacáningo, mu quigade enga chimo uje uro chó dáringa gapu uriengue gai uje cáma chisa damanique, jé arec ujetiga uaté dayé chécãre dajéningo. Cuchiyi tupúsu ujetiga uro potapísa chisa damanique to. Jé areque ujetiga doi enga juéga ome uaté ujetiga chisa damanique. Uje que pisijnaringuérique déji go ujetiga gapúraque chisa damanique.

1 Timotéo 5:14

Jecute yajéode u ujetiga chequé eca gapudíe ore chisapo damaníngo rĩ, ujetiga ore pésu datígo, enga ore chirote ore iji daguíjnane. Enga ca ore pésu cucha gajnarétique. Enga a ca Dupade uruode guetesórone dojnóngaja uyoque gu yocujodie Dupade anguresõre chequé eca ore.

1 Timotéo 5:8

Chamáñaje ujetiga gosi ca chajire daguiotique yúrique, cuchiyi tupúsu dajogasui yúrique, enga cho jetiga ca changuretapise Dupade gotique. Enga gajnarenguipise uté adode enga sué Dupade guetesórone ore ate gajnaréngone gáyode.

Rut 2:23

Ga jé u nanique uje Rut jecucha ga doi ga na cebáda, arroz quedéjnai ore iji iróguedie quigade gatuaque iji Booz guejnai ga jé chuságaja irógode uje ore chimate iroquéode. Enga Rut qué chácariji dejo iguíjnai, ga ejo chagutíyame dacaria uaté to.

Rut 3:2

¿Jé ca ueradi tu ome ua ya? ujetiga basai turásu yabai casica iguiosi tuté jne uje bajína irógode aja acade cucha diríca uje ore na diríca. Yudute to uje ore chisite danasugode jne iji ore idasupídebei. Ga yojningai Booz uté a moji ore idasupídebei jogadi jne iji dejai tudé.