Números 24:8 - Dupade Uruode

⁸ Dupade chijnime israélgosode iji egíptogosode ore jmainie ome darotáquedatéi nanique, ga uté u uje chirotápise udore ore iji de to. Ga Dupade isocai jé u cuchiso uérãque uje i tu búfalo ga pirosobate uté uedie iquéode ome cutejmai etotigué. Ga Dupade doi to ga tṍra israélgosode ore umajosórone aja quedéjnane to ome detotiguédatéi to. Ga chisi ome petotiguei ome daréngone israélgose to ga ore doi ga ore chejnápise damajosórone ore to. Ga ore gajnúone u cuchiso sijnátique uje chujé darosipéode ga tagu ga chigase ajnoquéode jnámujnamúc, jnámujnamúc, jnámujnamúc. Ga israélgosode ojicarotaguipise ore to, ga ore chichopise dachode cucha ¡jñac-jñac!

Números 24:8 Iomraidhean Croise

Sálmos 2:9

A ajna baranguéraque ome báringai Peduguéjna Cuchape jeta ejna ore, uje parangué uaté pipesudéji guebei. Ga a ore pépita iji banguirai quigode jne ga a ore cho co chuguérigui jne ome ua.–

Sálmos 21:12

Jecute a apésu jeta ore chisíome dedoboi ome ua iji dáringai bayaque jne, uje bãra bojo aja chaqui ome udore ore yui uje bachagája udore ore edodie.

Sálmos 45:5

Bojodie udire ga eruéode carichei. Uje bacho peduguéjna cuchábi umajosórone ore ga bojodie íjnonguiji ore aróbojnane ga purása quedéjnane udore cṍraja bádi.

Sálmos 45:6

Urénga, Dupade á, báringai eduguéjna iji bayaripi cuchábi uté a jé ca piyaque eruénique jne iji deréjna pitade gatuaque. Docogué ũrepise tu bogué nanganatáguejna uaté, uje bapésupúsu cucha uréone quigode ome uaté.

Éxodo 23:22

Jé ũrepise yu ome yojningai uté uje a angári uté ome cuchade jnese jne uje yuru quicho udore ome uté gu ga a yátaja ua ome bamajosórone ore jne, enga a udore ore jmongarája uaque jne mu a jé basa yijmongarája ore to jne jeta yirota uaque. Jeta ore chãraque uacaquénique ome uaque jne marínga, a uyu u jne jeta yicha yu aja udore ore yui ome uaque, enga a jé ca ore bisitique pijógome dajequigode udore ome uaque jne.

Daniel 6:24

Eduguéjna cuchábi Darío chiroque darógode ore aja jnanione udore ore yui uje ore ucueque Daniel ba gajnéone cucha diríca, ga ore nóna dacotedie, dabode ore jeta ore tṍra ore aja caratedie gajnei eruque uté. Uje cáma ore chise erui uté chaquipie mu jĩraque caratedie chachẽre ore ga chajnangarase ore aja dejode.

Números 14:9

Mu angáchoi Yocangarádejnai inejequéode to uje a chorei yóguiji uté to jne, enga ca acho uté uruode aja. Ga boyo, yicagóji ojningai tuté punire ueradéjna to. Enga ca atodóyo cananéogosode ore to. A ore cho arureque parorigode ome yoque to dirome, ga a cho jetiga yajo ore ga jĩraque yejnángo ore dirome. Chamáñaje que ore irotangónique cucha cuse to, jé basa uyoque ga yoquirotangóri u Dupa uecai to. Ayáyo uacasadodéringadatéi uté to, enga yicome ore yui to.–

Números 23:22

Ore angureni Dupa u uje ijnimique udore ore iji egíptogosode ore josipiedie jmainie diríca. Ga Dupade isocai jé u cuchiso uérãque uje i tu búfalo, ga pirosobate uté uedie iquéode ome cutejmai etotigué. Ga jé adi u Dupade uje pirosobate to ga tṍra israélgosode ore umajosórone aja quedéjnane to iji ore iquéode.

Números 23:24

Israélgosode udore gajnua tu caraté quedéjnaraque uje chajna darosipétique iji jnumone to. Enga chise ga cugujnáji to, ga churugúsiji jnumi to ga tagu ga pésu cucha carĩ namisé aja dabijnani to. Jecute purása quedéjnane uaque, ajusópise uaqueo ome udore ore to."

Matéo 2:15

Enga ore cháji te, jé aja Heródes itoringai. Cuchade unojo pésu re gu ujetiga Dupade uruode atatasórone uñai urusarane tocade uje chojninga: "A chise dínique jne ujetiga yingome yabi ujetiga jnoji egíptogosode ore uniri."

Deuteronómio 32:23

A cucha tocachugode tṍraji dajñarenie ome israélgosode jne, ga a cho jne jeta yicho ore gáyode to ome cucha dequejnangóningo to.

Deuteronómio 32:42

Enga a yicho ore ome yojodie to jne ga a yijnime diquiyojna quedéjnanie ome yojodie to jne. Ga jé adi tupo ome yasõre to. Enga a yimesẽre diquiyojna quedéjnaraque ore gai to jne. Uje ore asutedie ore acarane umáño mu a diquiyojnájnai to jne iji ore gáyode, jé aja yisagode to uje yo yisaguíji ore to.'

Josué 2:10

Chamáñaje e yudúco uacajnoméone nanique gu uje boyóji egíptogosode to nanique enga uacajucho tiédatéraque to nanique uje i tu Yote Quedéjna Caratai to nanique. Ga yudúco uje Dupade chajúgome uaque nanique ga nóña ga dajeque cajnore ome uaque to nanique. Gaidi tu nanique gu ujetiga aquesúyo nanique. Yirajágo to nanique uje uaquejnáño amorréogosode eduguéjna cuchábode jé aja ore urasade ore to nanique uje eduguéjna gárode udore ore íode u Sehón, aja Og, uje udore ore unirone déji tié Jordán uéchamitó nanique.