Números 24:5 - Dupade Uruode

⁵ Yuruode gajnengórone u israélgosode uje yojninga: '¡Israélgosode á, jnani bajai Jacob ájnape disi ejode uaque á, uacajneque cutejmane yicotaquéo udojo á, uje ueradéjnapise uacadode jnese á, jé aja uacaguíjna borapeque dañóraque, uacarengu ore to á!

Números 24:5 Iomraidhean Croise

Nehemías 13:2

Enga Dupade etétigai tiji amóngosode, moábgosode ore u gu uje ore chãraque yote pijódode ome urasade israélgoso nanique, enga ore charángapo cucha pibosode ome israélgosode ore rĩ, enga ore charángapo daniri ome ore to rĩ uje ore chaquesu ore unirone aja Dupade ojningai punire ueradéjnai yui. Jecute Dupade guetétigade u udojo iji ore. Enga que gusu udore mu etétigai upo rĩ uje amóngosode ore eduguéjnane, moábgosode ore eduguéjnane ore cháta raja ñane ome israélgosode ore nanique. Enga ore tibidi daijna cuchábi Balaam uté nanique ujetiga ore chisi ome daplátadie ome nanique ga uté cho darúja Dupade urasade israélgose ore nanique. Mu Yocangureni Dupa Pujnuéngaisṍre chinoningase daijnai uté uru gajnaréngone nanique iji pijnani ga nóña ga puru omío nanique.

Sálmos 84:2

Yáyipie jnátupúsu yui jeta yugúsi Pangarádejnai uté iguíjna cuchábi ujuyaquéode udore ajei, ga yáyipie cho sere iji jmainie. Yáyipie jé aja yigosi jnese tibidája Dupa uecai uté.

Éxodo 38:21

Moisés chiroque Dupade irógode ore eduguéjnai Aarón ujnacari Itamar aja ujeta chuguhese ore oidode guebecho udore jeta ore chiraja batigai. Ga uté irógode cuse to jeta ore chátaja ga ore gãrapi u jnani bajai Leví jnese. Ga yojningane u óro, pláta, bronce ore uje ore oidode u ome Dupade iguíjnai úringai pipesute, uje ore chojningame uté nanique 'Dupade Uruode Pi Guiguíjna'.

Malaquías 2:12

¡Yipésupú ga Pangarádejnai Dupade doi ga chinoningasipise udore ore jnese iji yocujade to uje ore chisa dacotedie iji ayoré gajnúone icatecãraitodie udire! Ujetiga yocasutedie urásu mu doi enga chĩro ore to, jeoga ayoré gajnarécho mu chĩro ore to rĩ. Ujetiga udore uñeque dérasi uje jno dẽrapáitigo cucha údi ome Dupa Pujnuéngaisṍri to, mu a Dupade jé chĩropórase gosi to rĩ ome cutejmai gosi isijnaringuei uje que suse deo ome pate gajnarenguipísode udore.

Números 24:2

Ga Balaam chajire israélgosode ga chimo ore uáguedie uje ore cãra dajogadode ome ñane to. Enga áyipie qué déji ore uje chajire ore to mu Dupade Ujopié chojne raja gai to ga cho jeta chijnare raja pijnani ajei to.

Números 24:4

Yo jnipe iji ujade ga cuchade choqui guesode ome yu to. Ga Dupa Pujnuéngaisṍri chisi ome yedominone ome yu to iji ujade. Yudute uté uruode to iji ujade ga uté u uje ipesute yuruode uje tṍraji yibijnani ome ore, uhuaque to.

Números 24:6

Uacarengúone gajnúone u ijnaque quedéjnanie atetade to ome dáringane ueradéjna. Enga ore gajnunie upo corã́cabidie iji tiedie edúdode to é. Enga cho jetiga Dupápisi jutícape uaque to iji uacayaridode to uje ueradípise uacayaridode udore. Enga uacaguíjnane chopise poridie to uje ore íode u cédro uje ore déji tié ejode ga tiroguipise abubíedie to ga ueradípise ome yoquedominone uje yajico ingoningájnai to. Jé aja poridie to uje ueradei ga ore íode u áloe.

Josué 24:10

Mu yaquĩ́ra Balaam uru gajnaréngone iji pijnani to nanique, enga yicha dara omone aja pijnani to nanique. Ga jé u nanique uje Balaam narare nanique ga cho darúja israélgosode nanique ome cucha omone to nanique. Ga jé u nanique uje yiqueta uágome cucha gajnaréngone nanique ga jé u uje uacajnuéño ore gáyode jnese nanique.