Números 24:1 - Dupade Uruode

¹ Balaam narare iji dajei ga chojningame re: "A jé ca yicatecãrirási Dupade to, mu jé chisirásome yuru omone ome yu to ome israélgosode ore gajnetígo yurúo to." Jecute Balaam que dopoi dasocabei to rĩ. Que chicáji sañeque ome dacatecãraitigárique. Ga chajire israélgosode iji dádi iji erãpetarei ajei.

Números 24:1 Iomraidhean Croise

Números 22:13

Ga chise dire uñai ga Balaam jĩraque niji iji durasé ga tibágui Balac irógode to ga chojninga: –Boyo ga ajníño to uje a ca yijína uaque to uje Pangarádejnai Dupade charángome yu to jeta yijína uaque to.–

Números 22:7

Ga Balac uté ayójade u madiángosode ome israélgosode ore nanique. Ga madiángosode, moábgosode ore angaránone ore cháta rágaja ñane ga ore chicáji dajnai yui ga ore chijna daplátadie ome uté to jeta ore chisi ome daplátadie ome ga cho darúja israélgosode ore to. Ga jec u uje ore chingo ore eduguéjnai Balac uruode aja daijnai ga ore chojningame: –Be uté uruode ga ajna iplátadie to jne.–

Números 23:15

Enga daijnai Balaam chaquĩ́rapo Balac iji uraque daseradéjnane ejoi to rĩ ga chojninga: –Ácarabíji yocaseradéjnane ejoi to. Enga yiji enga yicatecãrámi Dupade iji ti to jne rĩ.–

Números 23:20

Uje Dupade chojningame yu que: 'Ueradéjnapise baru quigode to ome israélgosode ore to.' ¿Ama yiji ga yécãrirase uruode quitique? Úngare, que pecãraque Dupade uru quitique gotique.

Números 23:23

Que daijnárique déji erámi údode ujetiga doi ga cho darúja jnani bajai Jacob uté ájnape disi ejode israélgoso ga uru gajnaréngone chacája to. Enga que daijnárique déji to jetiga cho darúja ore ga ujopiéraque chacája ore to. Ga daijnane a yijnángorása yógaja israélgosode udore to mu a yiracórase ore to mu jĩraque dara omone tṍraji yoquibijnanone ome ore to. Jecute yojningame ore: '¡Israélgosode uaque á, uacajneque pátegoningáne to uje uacangureni Dupa uecai ipesute cucha pitijabádode iji uaque to, ga yitijago uacadode jnese!'

Números 23:28

Ga jé u uje Balac ore jno ga ore choru cucarãte uñai uje i tu Peor. Ga jno Balaam údi aja ójopise ujetiga pijoguipise erãpetarei údode jnese ome iji uté.

Números 23:3

Uje e ore chujé degode udore ga jé u uje daijnai Balaam catecã́ri ore eduguéjnai Balac. Enga chojninga: –Arodape yocaseradéjnane to jne. Ga yiji ga yicáji ti uje gusu yu iji ti. Ja seca Dupade chiqueta raja yu ga yangarami uruode iji to jne ujetiga catecã́ri yu iji uté to. Enga a yingo Dupade uru quitígo ome ua to jne.– Enga cucarãte cototé déji ore dosadi iji uté to enga Balaam qui tu cucarãte cototé uaté ome dacatecãraitigade enga jé gusúpusu uté iji dacatecãraitigade jogadi uté to.

Números 23:30

Ga eduguéjnai Balac jĩraque pésupúsu Balaam ojningane cucha jnese, ga chujé cuchisode udore enga que aseradéjnarique chimoque detique aquirájna choqui, jé aja áyasa choqui to.

Apocalípsis 2:14

Mu yetégode cucha qué déji uaque: enga u uje uacuñane iji uaquedai Pérgamo que apótayo piyátique ome jnani bajai Balaam adode. Uje uté chacate dojoi jnani bajai Balac nanique ujetiga pésu pisijnaringuéone unéningárique ome israélgosode. Enga Balac uté doi enga chingo gapudíe aja ore ujetiga ore tungarája ore. Enga chingopo ayoré gajnúone gajnéone cucha ãrío aja ore to ujetiga ore tagu. Chamáñaje cucha puyácho gu udore ome israélgosode nanique ujetiga ore tagu.

1 Samuel 24:20

Uje quene pijoguipísome yu to iji deréjnai tudé uje a ua u jne iji dirode uñeque jetiga israélgosode ore eduguéjna cuchábi tu ua iji ore uniri tudé údode. Ujetiga e abasája báringárique eduguéjna jne ga a quene ujnomerãque israélgosode ore jne ome dojode ayoré ore.

1 Samuel 26:2

Enga jé u uje Saúl chucuepoi David ga nóna pocaningai imosórone iji israélgosode ujade, ga jorane ore chise 3.000 ore. Ga uté chicáji erãpetarei uje idógosiji ore idai Zif enga chĩro erámi ome David iji uté.

1 Samuel 26:25

Saúl e chacacãre David ga chojningame: –Yipésupú ga picotaque ua jne jõ, yababi á. Enga a bapesutígo cucha uásejnaráso jne jeta abasája báringárique eduguéjna. Enga a ueracho udore jnese jne, bapesudode udore.– Ga jé u uje Saúl chajni aja daguíjnai, ga David jorane ore jnome dajesui.