Números 23:9 - Dupade Uruode

⁹ Yugúsiji cucarani ójo ga yipáñapísiji israélgosode iji yúdi. Enga cho ujetiga ore cãra rángome erámi unirisórone uñane jnese, enga que ore cho dojode erámi unirísoño gotique iji erámi údode.

Números 23:9 Iomraidhean Croise

Ester 3:8

Enga Amán que chajirape cuchárique mu jĩraque tibágui eduguéjnai Asuéro ujetiga chingo dáyipiedie ome uté. Ga chojninga: –Bamo uje ore tangári ua jnese iji yocuniri udé údode, jé aja bejnane puníño unirisórone ore to uje ore tangári ua iji dedáyode jnese to. Mu purása quedéjnane uñane qué déji uje ore déji yocujade mu que ore cháta raja yoque enga ore cãra dajogadode ome yoquijogadode. Ore cãrapo dáyipiedie quigode rĩ ome báyipiedie quigode to. Uje chiese ore angureni dupa gotique áyipiedie cãra daquigode ome báyipiedie quigode, enga ore chajire dayode urusarane Dupade urúo ga ore dopísi áyipiedie quigode. Jé basa ga que ore doi baruode quigode. Ga que ore cho barasade uñane gotique to uje ore tangaripísi ua. Jecute jé ore tiógarapísa jeta ajuéga ore ome yoque ga yejnángo ore jne.–

Éxodo 33:16

Ujeta jé ca ajína yógaja quedéjnane enga a jé ca yocúringáringo bameserãque pijógome erámi jne. Mu ujetiga ajína yoque jne enga a pijoque jne uje bajegaite israélgosode uyoque iji yocujode ayoré ore ujade uje bo barása iji yoque.–

2 Coríntios 6:17

Yocangarádejnai uté qué chojningápo rĩ: Ajoso ti ome udore ore uje que ore changureta yu, Enga angaráño uacajogatígo ome ñane. Enga ca ajocáso cucha gajnaréngone to. Enga jogadi tu jne ujetiga yimesẽre uaque.

Deuteronómio 32:8

Chise diri nanique uje Dupade chajuguína dapesudode ayoréo iji jnumi péode, péode to, jeta ore chicáji ga ore cho daniri iji péode to. Enga chingo ore unirone eruéode ome ore to jeta ore chiraja danirone eruéode to. Uje Dupade chajire punirone udore iji erámi údode jnese to ga chajire israélgosode ore to enga jé u uje noñome denominone iji israélgosode ore gari to.

Títo 2:14

Baraja gu uje Jesucrísto uté u uje tẽra re ome yoque. Gaidi u gu ujetiga chiqueta uyóguiji yoquisijnaringuéone jnese ome dáringai chuque. Enga churupise yoque ujetiga chinoningase yoque uje pota yógome re gu. Enga pota to ujetiga yójigoji gatéode ome yoquipesutígo cucha omío gatuaque.

1 Pédro 2:9

Jé basa ga Dupade ajegaite uáguiji punire quedéjnane. Enga uacoyo pangaránone uje ore catecã́ri Dupade ome darasade nanique, enga ore dopoi deduguéjna cuchábi iroquéode rĩ. Uacoyópo puniri unirisórone ore rĩ uje ueque ore ome pisijnaringuéone uje Dupade gajneque ore iji ore uniri gu. Jecute Dupade pijnangaite uaque nanique, enga chijnime uaque iji ijnangununie ajéode ujetiga acáyoja idírecaringué cuchábi. Gaidi u gu ujetiga uaque u ujetiga atatayo ipesudode cucha pitijabácho ome ore.